Reset search
Kalimera Odysseus
  • Andreas Graf
  • Livia Berger
  • Andreas Graf
  • Livia Berger

Kalimera Odysseus

bay2bay Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    July 24, 2026
    Kalimera Odysseus

    Start

    July 24 in Greece ☀️ 28 °C

    Kalispera Livia 😋
    D Livia isch guet in Preveza acho. Wobi 4 Stung iklemmt zwüsche zwöi, eher breitere Persone, nume aus semiguet bezeichnet cha wärde. Itz isch mau no chli Erholig ir Ungerkunft agseit, bevors morn mit Work am Schiff losgeit 🤗. Ds viu abefahre wär ja de o nid gsung für sä 😉...Read more

    See translation
  • Kalimera Odysseus
    1

    Poliere, putze, flicke😅

    July 27 in Greece ☀️ 30 °C

    D Livia darf o i de Ferie mit ihrne Lieblingstasks witeefahre.... ti do Liste abhäggle und 12 Stunde Täg schaffe. Dr Ändu fingt immer hie und dört jenes und äis zum no mache. Äs fingt fasch kes Änd. Aber nach 3 stränge Täg hei mers gschafft. Ds Schiff schwümmt, glänzt und wartet, dass morn cha losga 😎✌️.Read more

    See translation
  • Kalimera Odysseus
    12

    Achtung, fertig, los - oder oh nid

    July 28 in Greece ☀️ 33 °C

    Mir wäre vou ready gsy u hätte müessse/wöue starte - Motoreschlüssu träie, Chnopf drücke... Totenstille 🥴. D Ursach isch schnäu gfunge gsi. D Starterbatterie het nümme wöue.

    Ooook, no nid use, nöi Batterie bsteue - di chunt am haubi 2 griecheschi Zyt - am 3 het se dr Ändu erfougrich chönne ibooue mitere riiiese Fröid.🥳
    U när hets schnäu müesse ga, zack zack - d'Livia ohni irgend ä Ahnig vo Schiff isch diräkt itz chaute Wasser gschosse worde 😊. Um zu de südleche Ionische Insle ds cho, hei mer müesse ä schwümmendi Strassebrügg passiere, wo nume au paar Stung uftuet... genau am 17.00 Uhr. Das heisst vollgaz, öpis wo ar Livia liegt. Zerscht mau stüre mit Motor, nach Wind sägle, usschouhaute, eifach aues wo me grad so muess ufem erschte Schlag. Nach 2 Stung herrlechem sägle hei mers de uf d Sekunde gschafft. Sie het das so guet gmacht, dass mer ufem Wäg i Kanal hei chönne d Sägu abenä und knapp am hingerschte Schiff ahänke für die Brügg ds passiere... währenddem dürefahre hets de scho wiedr afa horne und die Brügg isch diräkt hinger üsem Füdle zuegruschet. Nach denä strrssige Stunde hei mers de chönne gmüetläch nä, zure wunderschöne Bucht sägle, zerscht mau dr Anker la gheie und äs Ankerbier gniesse 😍⚓️    Read more

    See translation
  • Kalimera Odysseus
    1121Pancakes

    Di erste Büchtli

    July 31 in Greece ☀️ 31 °C

    Vo Varko Beach nach Meganisi: Mental Down nach Mann über Bord Üebig.😅🥴 När Kürs üebe, isch scho no schwierig mit Wind, gäge Wind, vo Süde, vo Oste, vo weiss nid wo & uf aues z'luege. Aber d Seepiratin lernt schnäu ⛵️😃.

    Meganisi: Mit grossem Gschrei hei mer grad zwöi Oktopusse gsichtet a üsere Ankerchötti. Drufabe si mer zerst mau mitem Dingi u em nöiie Usseborder umekruuset und am Abe ids Dörfli ga ä Glace schläcke.

    Am nächschte Tag si mer witer i Norde vo Kalamos: Ä "unruhegi" Nacht mit Fauwinde vom Festland - beidi si "gstange" im Bett sowit ds geit 😀... oder hei grad dr Chopf ar Tili ahdängelet. Am Morge si mer de ohni Schlaf witertubet nach Porto Leone bime Geisterdorf.

    Porto Leone: Dert hei mer wiedr mau üsi Beii wöue vertschaupe. Ä chlini Wanderig am Festland mit 33 °C gäge Abe. Für fit ds bliebe hets de no grad äs Workout ufem Stäg am nächste Morge gä. 💪 Wöu mr mau ä ruhigi Nacht hei wöue u di Winde da im Moment ä chli schwierig si, simer wieder de schlussändlech wiedr nach Meganisi.

    Dert hei mer de ä bizli grösseri Troubles mit Ankere gha - d'Livia het ihres Fitness oh a däm Tag gha mit 5x Anker wieder ufeschriesse. Si isch ömu vei ä gueti Ankerwinsch. Isch aber sicher guets Ankerkino für aui angere gsy. De hei mer doch no äs Plätzli gfunge u nätti Lüt, wo üs mit dr Landleine grad hei ghoufe. Party hets de no grad vom Nachbahrboot näbedran gä, aber när de ä wunderbar ruhigi Nacht vom Schoukle här.☺️

    Insgesamt super ersti Täg, d'Livia isch witerhin viu am lere u dr Ändu isch doch oh chli gforderet mit dene nid ganz eifache Wätter-Bedingige hie.    Read more

    See translation
  • Kalimera Odysseus
    1

    Welcome to paradise

    August 4 in Greece ☀️ 28 °C

    Witer isch d'Reis zur Mini-Insle Arkoudi gange, womer ä wunderschöni einsami Bucht hei gfunge. Dert heimer zerst mau d'Drohne la stiege, mit Erfoug - go Ääändu! När simer witergsäglet zur grüeni Insle Ithaka. Di vorderi Bucht isch schwierig z'tope gsy, aber mir hei grad nomau äs einsams Paradies gfunge - würklech äs Tröimli mit Privatstrand. Dert heimer üs mau ä chli Zyt gno zum Schnorchle und äs witers Highlight isch dr Morgerun zum Dörfli Kioni gsy mit Capuchiiiiino, wuhu Top top top. D'Livia het ihre Koffeinhushaut chli chönne nacheföue. Het nume ä guete Tag chönne wärde.😅Read more

    See translation
  • Kalimera Odysseus
    Wösche✌️Wasser föueKüdereMelissani cave1So idyllisch bis am morge am 3🤣1Täglechts z'MorgeO d Livia het säch äs Gadget gönnt 😁🐝1

    Landgang

    August 6 in Greece ⛅ 29 °C

    Mir bruche meh Strom... d.h. dr Ändu het äs nöiis Gadget säch ine Yachtshop uf Kefalonia lah schicke. Drum hei mer nis 2 Täg a Land "gönnt" und hei die Insle per Scooter uskundschaftet. Das Teili isch aber de nid im Shop in Fiskardo gsi, womer äxtra si häregfahre, sondern bi däm sim Brüetsch i üsem Hafe 🙈😂.

    Ar Livia het dä Landgang nid so guet ta. Sie isch froh gsi si mer wieder mitem Schiff i See gstoche. D Wäut a Land het bi ihre nume no gschwanket 😂. Nach Wösch wäsche, Wasser bunkere, ichoufe si mer drum de witer nach Süde zoge.

    Dert heimer wieder ä wunderbari Bucht gfunge, womer dr Abe mitem Raph hei verbracht, ä Läbenskünstler usem Jura.    Read more

    See translation
  • Kalimera Odysseus
    Ankern⚓️Immer öpis zum flickeDr lieb Motor🙊Dingy Touuur12Merci fürs Tanke, Paddle hät nid so gfägt😅Dingy flickeDüregschüttleti Nacht🥴D'Livia wird über d'Reeling gworfe. Merciii Ändu2Per Zuefau gfunge 🥰🌞Üsi persönlechi Wassertanksteu 😅. Mersi 1000 für das feine Wasser2Nach 5 Jahr "liege" mer wiedr näbenang 😘

    Meeting friends

    August 10 in Greece ☀️ 30 °C

    Nach 2 Täg Land isches Zyt zum witercho. Mir träffe d crew vor SY Tramunta in Nordzakynthos. D Vorfröid isch gross und trotz perfekte Sägubedingige uf dr Überfahrt, chöi mers chum erwarte im Häfeli vo Agios Nikolaos adscho. Ä Platz am Stadtpier isch de schnäu gfunge, so dass mer scho baud mit dr Family Egger über ihre Uszyt, vo Süde kommend und üsi Reis vo Norde kommend verzeue. Mir verbringe ä super Nacht und ä schaffige Tag mit Dingytour (Biboot) zu de blue caves. Die 2ti Nacht wot aber de gar nid wie die erschti u äs chunnt ä super unagnämi Welle is Bucht, so dass wieder mau ä churzi Nacht git.

    Mir zieh de mit ihne witer i Nordweste vo Zakynthos und finde ä abglägni, wiudi, wunderbari Bucht für üsi zwöi Schiff für üs allei. Kitschige Sunneungergang inklusive 😍.    Read more

    See translation
  • Kalimera Odysseus
    Nachtfahrt mit viu Stärnschnuppe⭐️

    Rund Zakynthos

    August 13 in Greece ☀️ 32 °C

    Nach der Verabschiedig vo Eggers simer witer entlang dr Steilküste vo Zakynthos uf dr Westsite. Crazy die Klippe :). Mir hei ä Badestopp igleit (ds längt üs süsch eigentlech nie) amne wunderschöne Büchtli. Bi dä Keri Caves, womer hei wöue übernachte, isches üs ds scary gsy. D Feuswänd ir Bucht si so steil gsy, dass mr nid dert drunger hei wöue ankere. Näbedran hets äs äbesoschöns Büchtli gha, womer aber när am Morge vo ganz viu Mietböötli si vertriebe worde. Dr Ändu het dr Anker müesse ga touche, aso äbe ke Anker sondern zwöi Leine woner am Grund het umene Stei gspannet. D'Livia het obe i au dene Boot müesse usemotore, was zimlech stressig isch gsy.😅

    Aus nächschts Highlight isch ä "Nachtfahrt" ufem Programm gstange. Mit si am 3 ufgstange u i Sunneufgang gsäglet. Äs isch ganz angers aus am Tag und het ar Livia bsundrigs gfaue.🥰.    Read more

    See translation
  • Kalimera Odysseus
    Odysseus gfungeGolden hourMängisch sis sougfährlechi BüschNäb üsne KulisseBlinde Passagier1Schöns ufwache2Schiffsordnig oder so😊D'Livia wird mängisch usegschickt😅Beach Party 😆1Standardmässigs ZmorgeLefkada

    Auf den Spuren Odysseus

    August 18 in Greece ☀️ 25 °C

    Vo Kefalonia geits dr Wäg zrügg, über Ithaka, miteme blinde Passagier a Bord. Dert si mer uf d Suechi nach de Spure vom Odysseus und hei nä tatsächlech de o gfunge 😅. Aschliessend sinmer witer nach Lefkada und Meganisi, wo säch dr Wäg wiedr mit dr SY Tramunta chrüzt het u mer ä schöne, aber für üs chli unruhige Ankerplatz (wüu soviu Touriböötli umekurve) für üs allei hei gnosse... Mir "verabredenis" de für di nächschti Nacht in Lefkada und suechenis für dä Abe ä letschti wunderschöni Ankerbucht. Mir finge de o eini mit kristallklarem Wasser, nume mit paar Tagestouris und äre wahnsinns Kulisse mit grüene Büschlis, Felse und wissem Strand. Das hei aber de o angeri no gwüsst u drum hei mer Spektaku puur gha. Zersch ä Hüratsatrag im Sunneungergang und de no ä "privat" Beach Party ir Nacht, wo mer mit 200 angere Mönsche hei dörfe gniesse (siehe Video 🙈)... Idylle pur di letschti Nacht.

    In Lefkade im Hafe hei mer am Charterstäg festgmacht, wo unger dr Wuche tote Hose isch und hei nis langsam wiedr a Zivilisation gwöhnt. Äs "härzigs" Dörfli mit chli kubanischem Flair. Am nächschte Morge geits de witer dür d Brügg u i Heimathafe in Preveza 🥲. Zyt isch wi im Flug vergange, mir hättes no chli usghaute.☺️    Read more

    See translation
  • Kalimera Odysseus
    Lefkada

    Yassas - γειά σας 🤗🥲

    August 21 in Greece ☀️ 28 °C

    Die letschte Seemeile gö viu ds schnäu und scho gli drufabe heissts putze 🙃... üse Terminplan isch leidr nume haub ufgange. D'Werft cha ds Schiff am vorletschte Tag nid uswassere u drum müesse mer das a üsem Abflugtag mache 😎. Putze chöimer aber aues scho am Donnschti ufem Wasser. Am Friti isch de doch chli Närvosität ume, öb de denn aues funktioniert u nüt id Hose geit ✌️😁...

    Dr Zytplan isch de würklech sehr äng wörde, aber geit praktisch uf d Minute uf (chame immer säge 😃). Grad wo mer wei a Flughafe düse, chunnt nis no grad i Sinn, dass mer die früsch gwäschni Wösch no dusse glah hei, het de no ä Schlussspurt gä u nomau ids Schiff irgendwie inechlättere 😎. Mit chli hängende Chöpf chöme mer pünkläch am Flughafe a u chöis nid gloube, dass das Abentüür scho düre isch 😃. Wunderbar u unvergässlech ischs gsy, mit viu Nöiem, Improvisiertem, aber vorauem tolle Erläbnis und viiu Abentüür womer dörfe mitnäh.💙    Read more

    See translation
    Trip end
    August 21, 2026