Reset search
RRBHyderabad-FT2024
  • Aditya Joshi
  • Aditya Joshi

RRBHyderabad-FT2024

Hum 3 pagal nikle hain iss trip par. Tikya ka 18 Dec ko exam hai, toh uske saath aa gaye. Dusra hai The AK, jo kisi bhi trip ki vaat lagane ke liye kaafi hai! Aur main, Mr. AJ, jo traveling ka deewana hai. Waise bhi ghoomne ke liye reason kyu chahiye Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    December 17, 2024
    Aditya JoshiRRBHyderabad-FT2024Aditya Joshi

    Safar Ki Dramatic Shuruaat! 🎭🚆

    December 17, 2024 in India ⋅ ☀️ 12 °C

    Abhi toh bas shuruaat hai, doston! Pehla stop – H.S. Nanded! Aur jaisa maine pehle kaha tha, The AK kisi bhi trip ki aisi taisi karne ki shakti rakhta hai! 😆

    Subah 7 baje train thi, hum ekdum time pe, 6:55 par station par! Par AK sahab? 7:05 pe tashreef laye! Subah 6:35 pe confident message bhej diya tha – "I’m on the way." Bhagwaan ka shukriya ki train late thi, warna yeh trip wahi khatam ho jati! 😅

    Khair, station se asli safar ka swag shuru – 3 chips ke packets ke saath! Train board ki, chips khulti gayi, aur journey officially shuru! 🎉    Read more

    See translation
  • Aditya JoshiRRBHyderabad-FT2024Aditya Joshi

    The AK Ke Tight Pants Ka Tamasha! 😆

    December 17, 2024 in India ⋅ ☀️ 29 °C

    Lo ji, hamari pehli destination – H.S. Nanded! Train sirf 10 min late thi, jo India ke hisaab se "on time" hi maana jayega. 😅

    Sab badhiya chal raha tha, par The AK ke tight pants ne bawaal macha diya—bechare ko rashes ho gaye! Station se utarte hi pehla kaam – medical se dawa lena. Phir riksha pakdi aur nikal pade.

    Mazaak ki baat? Hamari train toh direct final destination ja rahi thi, par The AK sahab ka "special kaam" tha Nanded me! Bas, unke chakkar me yaha utarna pada. 😆    Read more

    See translation
  • Aditya JoshiRRBHyderabad-FT2024Aditya Joshi

    The AK Ka Secret Mission! 🎭

    December 17, 2024 in India ⋅ ☀️ 30 °C

    The AK ko college me apne papers sign karwane the, par asli challenge tha hostel me bina entry diye bag rakhna! Agar register me naam chadh gaya, toh attendance maintain karni padti—aur ghar pe call pahunch jata. 😅

    Usne ek mastermind move khela—ghar pe maa ko call kiya, bola, "Phone kharab ho gaya, shayad call na lage!" Ab ghar wale tension-free, aur AK apne secret mission me successful! 😆    Read more

  • Aditya JoshiRRBHyderabad-FT2024Aditya Joshi

    Classmates Cafe – Yaadon Ka Ek Aur Sip☕✨

    December 17, 2024 in India ⋅ ⛅ 29 °C

    Time 3:40, train 4:30 ki – aur The AK bola, "Yaha ek cafe ki cold coffee best hai!"

    Train miss ho jaye toh bhi chalega, par coffee try karni hai. Waise bhi general ticket wale the – reservation ka tension nahi! Saath hi Tikya ko printouts nikalne the, toh wo bhi ho gaya.

    Cafe ka naam tha Classmates Cafe – ekdum fitting! Cold coffee sahi thi, masti aur yaadon ka ek aur chapter add ho gaya.

    Coffee khatam, printouts ready, aur ab riksha se station ki taraf bhagaa! Tension bas ek – kahin maze maze me train miss na ho jaye… 🚆☕🔥    Read more

  • Aditya JoshiRRBHyderabad-FT2024Aditya Joshi

    Ek Naya Safar, Ek Adhura Ehsaas

    December 17, 2024 in India ⋅ ⛅ 28 °C

    To ji haan, train mil hi gayi! Riksha se utar ke bhagte bhagte platform pahunch gaye, saans phool rahi thi, par jeet ka ehsaas ho raha tha—train bhi mili aur baithne ki jagah bhi!

    Lekin jaise hi train chalne ka waqt aaya, ek aur twist—train ek inch bhi nahi hilli! Pura ek ghanta delay, aur sath hi ek chhoti si chubh—Nanded aake bhi ek khaas relative se nahi mil paya. Milna zaroori nahi tha, par dil chahta tha.

    Phir ek zor ka jhatka, aur train dheere dheere station chhodne lagi… ek adhura ehsaas peeche chhod ke, naye adventure ki taraf! 🚆✨    Read more

    See translation
  • Aditya JoshiRRBHyderabad-FT2024Aditya Joshi

    Biryani, Tension Aur AK Ka Chapter Close

    December 17, 2024 in India ⋅ ☁️ 18 °C

    Secunderabad Junction ke outer pe train time se pehle aa gayi, par sabse badi tension thi – The AK! Mahashay ghar batakar nahi aaye the. Call uthate to train ka shor ghar tak pahunchta, aur nahi uthate to IVR Telugu me… samajh jao! Isliye aeroplane mode laga diya.

    Fir ek mitra ka call aaya—AK ka raaz khul chuka tha! Sab shock me the. Jaise hi train platform pe aayi, decide hua—AK ko wapas bhejna padega!

    Tension aur bhook dono lagi thi, jaldi se Hyderabad biryani li, par na mood tha na appetite, aur biryani waste ho gayi.

    Thodi der me AK ki train aa gayi, aur wo wapas Nanded ravana ho gaya. Pehli baar uske liye genuinely bura laga.

    Ab sirf mai aur Tikya bache. Raat ke 11:40, Secunderabad ki sadkon pe veg khane ki talaash! Maps pe ek restaurant dikha jo 1 baje tak open tha—12:30 ho chuka tha… aur hamne tezi se nikal liya! 🚀😅    Read more

  • Aditya JoshiRRBHyderabad-FT2024Aditya Joshi

    Midnight Feast: Ek Anokha Experience

    December 18, 2024 in India ⋅ ☁️ 17 °C

    Raat ki thakaan lekar hum restaurant pahunche, dekha toh hum jaise kayi log aur families bhi waha thi. Jaldi se ek table pakdi, menu dekha, aur Hakka Noodles order kar diye. Noodles itne loaded nikle ki pet aur dil dono bhar gaye!

    Neend se bojhal aankhon ke saath uthne lage hi the ki pata chala hum last customers hai. Restaurant band ho chuka tha, aur sabko piche ke raaste se nikalne ko kaha gaya.

    Band hoti roshniyon ke beech, hum raat ke safar ke liye taiyaar the—ek naye adventure ki shuruaat ke saath!    Read more

  • Aditya JoshiRRBHyderabad-FT2024Aditya Joshi

    Secunderabad ki Raatein: Ek Anokha Safar

    December 18, 2024 in India ⋅ ☁️ 17 °C

    Restaurant se bahar nikalte hi hum Secunderabad ki galiyon se hote hue main road tak pahunch gaye. Raat ka sukoon tha, sadke mostly khaali, aur hawa bhi ekdum fresh lag rahi thi. Tabhi ek aadmi aaya aur humse help maangne laga.

    Uska kehna tha ki use paise chahiye, aur hum already tight budget me chal rahe the, to politely mana kar diya. Par next moment jo bola, usne humein hasi se lotpot kar diya—"Bhai bas cigarette ke paise de do!" 😂 Hum usse kuch bol bhi nahi paaye, bas haste-haste waha se nikal gaye.

    Ab sone ki tension thi, kyunki koi hotel book nahi kiya tha. To hum Secunderabad station ke platform 1 pe hi apni raat guzarne ka plan bana liya. Thodi der tak station pe bajta sundar gaana sunte rahe, jo surprisingly mood set kar raha tha.

    Subah hui, aur fresh hone ka time! Public washrooms aur bathrooms ka socha, par mann me ek doubt tha ki kitne gande honge. Par jaake dekha to ekdum sparkling clean! Itna saaf ki yakeen hi nahi ho raha tha ki ye ek public place hai.

    Tabhi cleaning staff fir se safai karne laga, to mazak-mazak me humne keh diya, "Aur kitna clean karoge bhai?" Wo bhi has pade aur bole, "Ye hamara roj ka kaam hai!" Dil se unka kaam appreciate karne ka mann kiya.

    Fresh hoke, hum Secunderabad ko explore karne nikal pade—ek naye adventure ki taraf! 🚶‍♂️✨    Read more

  • Aditya JoshiRRBHyderabad-FT2024Aditya Joshi

    Hyderabad Ki Subah: Charminar Ke Saaye M

    December 18, 2024 in India ⋅ ⛅ 22 °C

    Subah fresh hote hi Hyderabad ki shaan—Charminar dekhne ka plan bana! Public transport ka maza lene ke liye humne ek local bus pakdi aur Hyderabad ke busy streets ka anand lete hue Charminar ki taraf nikal pade.

    Waha pohonch kar pehli nazar bajaar ki chhoti-chhoti dukaanon aur bheed-bhaad pe padi. Thoda market explore kiya, kuch traditional shops dekhi, aur phir Charminar ke chaav mein jaake baithe.

    Tabhi ek uncle 20 Rs ki garma-garam idli bech rahe the. Bhookh lagi thi, to bina soche samjhe le li. Mujhe hamesha idli sambhar ke saath pasand thi, par yaha sirf chatni mili—aur surprisingly, woh itni tasty lagi ki maza aa gaya!

    Aram se nashta kiya, uncle ko paise diye, aur agli destination ki taraf nikal pade—Hyderabad ke naye adventure ke saath! 🚶‍♂️✨    Read more

    See translation
  • Aditya JoshiRRBHyderabad-FT2024Aditya Joshi

    Hyderabad Ki Galliyon Mein: Ek Naya Mod

    December 18, 2024 in India ⋅ ☀️ 26 °C

    Charminar ka maza le chuke the, ab agli manzil thi—Abids! Phir se public bus pakdi aur Hyderabad ki chahal-pahal bhari sadkon ka maza lete nikal pade.

    Abids sirf ek jagah nahi, Hyderabad ka ek mashhoor aur purana business hub hai. Yahaan heritage aur modern vibes ka ek unique mix dekhne ko milta hai.

    Agar aap Google pe "Abids" search karein, to high chances hai ki ek mandir ka naam sabse pehle aaye. Aur haan, ham bhi ussi mandir ki taraf ja rahe the—ek naye experience ke liye! 🚶‍♂️✨    Read more

    See translation
  • Aditya JoshiRRBHyderabad-FT2024Aditya Joshi

    Shanti Ka Ek Pal: ISKCON Mandir Ka Aasth

    December 18, 2024 in India ⋅ ⛅ 27 °C

    Bus se utarne ke baad, humne chalna shuru kiya—galiyon se hote hue temple ki disha me badhne lage. Man me ek excitement thi, kyunki jo mandir hum Google pe dekh rahe the, ab usse real me dekhne ka time aa chuka tha.

    Jaise hi hum ISKCON - Sri Sri Radha Madan Mohan Temple ke samne pohonche, hum dono ekdum hakka-bakka reh gaye! Mandir ki bhavya sundarta dekh ke ek alag hi vibe aa rahi thi. Tabhi samajh aaya ki "Abids" search karne pe sabse pehle ye temple hi kyu dikhai deta hai!"

    Mandir ke shuddh aur shaant mahaul me kuch waqt bitaya, afternoon ki aarti attend ki, exams aur life ke liye blessings maangi, aur prasad leke ek nayi energy ke saath waha se nikal pade! 🚶‍♂️✨    Read more

  • Aditya JoshiRRBHyderabad-FT2024Aditya Joshi

    Hyderabad Ka Asli Maqsad – Exam Time!

    December 18, 2024 in India ⋅ ⛅ 29 °C

    Ab asli reason aaya—ION Digital Center, jaha TK ka exam tha! Aur bhai sahab tension full on—"Time pe pahuchenge ya nahi? Taxi le le kya?" Par fatehmand log the, time se pehle hi pahuch gaye!

    TK andar gaya, aur mai street explore karne nikal gaya. Ek stall pe corn aur soda liya, aur waha Yashoda aunty mili—jo 13 saal se stall chala rahi thi! Gupshup me pata chala unke 3 bachhe hai, subah 9 baje stall lagti hai, raat 7 baje band hoti hai… full Hyderabad vibes le raha tha!

    Tabhi ek naya issue—mobile ki battery dead hone wali thi! Ek local se bola, "Bhai, mobile charge kar sakta hu kya?" Banda mast nikla, bola "Laga do!" Aur waha baithke random sochne laga ki life me kitni ajeeb aur mast cheezein hoti hai!

    Jaise hi TK ka exam khatam, andhera ho chuka tha. Usko pick kiya, ek chhoti dukaan pe coffee maari, aur ab naye adventure ki taraf nikal pade! 🔥🚀    Read more

    See translation
  • Trip end
    December 19, 2024
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice