Bäre und erbamigslose Räge

Hüt simer bi Sunneschien und nid ganz so chaute Temperature gstartet. Es si nomou 50 km düre Yellowstone agstande. Mir hei trotzdem nüm so vüu Hoffnig gha no Bäre z gseh und dänkt die sige äuä eher im Norde azträffe. Doch de ganz unerwartet hets nachere Kurve so vüu Lüt gha, dasmer gwüsst hei: Do cha nid nur e Bison si. E Grizzly-Mueter und ihri 2 Junge hei sech nid loh störe. Churz druf hei mr nomou eine imene tote Wald gseh, das mou ohni angeri Zueschauer und nomou e Moment spöter si nomou 2 Grizzlys ir nöchi vor Stross z gseh gsi. Wo d Rangerin de gseit het, me söu nöch bi sim Auto bliebe hei mir dänkt jetz sig dr Zitpunkt cho für üs zum witergo😅
Chum hei mir dr Yellowstone nachem Sylvan Pass verloh, het üs au s Wätterglück verloh. Uf de nöchste 80 km hets gschiffet, Böe gha und de au no gwitteret. Mir si sehr dankbar, simer hüt bimene Warmshower-Host und hei wie dr Name seit e warmi Duschi chönne gniesse.Read more