Wattleup

für üs isch eigentli immer klar gsi, dass mir as great barrier reef gu tauchä wend und somit ad ostküstä vu australiä günd. mir hend de aber nach üsernä erstä tauchgäng agfangä me rechechierä, wos diä bestä tauchplätz uf dr welt git und de isch dr name ningaloo reef in westaustraliä gfallä.
mir hend de nu me über das glesä und festgstellt, dass wänn mir in australiä sind e unglaublich guäti ziit wäri zum det gu tauchä. es isch walhai saison, mantas sind det, seeküh, buckelwal und vieles me.
mir hend de relativ lang überleit eb mir beides chend verbindä und das üs de au vorgnu. aber bim gnauerä herä luägä ischs eifach z wit weg und mir wend ja ziit in australiä nöd nur im auto vrbringä. australiä isch riiiesig. heted mir me ziiit hetted mirs uf jedefall verbundä, aber ziit wird ja langsam knapp🤫😶😳😳😳😳
also mönd mir üs entscheidä ost oder west.
im ostä isch eigentli alles womä kennt grossstädt we sydney, melbourne etc., fraser island, byron bay, great barrier reef etc. uf grund vu dem ischs aber natürli au viel touristischer.
westküstä het ei grossstadt perth. dr rest isch wildi, unberuährti natur mit unzähligi wildä tier. es isch rauer, aber het au wunderschöni stränd, wo sicher einsamer sind als im ostä. das unberuährtä, wildä, weniger touristischä und natürli tier reized üs und überzüged üs fast me. mir holed de nu ei letschtä rat bi dr sibylle i (gotti vum robin). si empfiehlt üs d westküstä. also ischs glaub ez klar. mir günd ad westküstä🤗

perth isch diä einzig grosstadt in westaustraliä, wo us unzähligä bezirk bestaht. es isch vielsitig und het unglaublich guäts essä.
postnä chame im aldi. gseht genau so us we bi üs, aber het anderi produkt.
in perth hets überall tolli parks und mehreri natur reservar wo tier fri sind, aber gschützt werded vorem verkehr.
mir entscheided üs für eis reservar und laufed durä.
und mir gsehnd det üseri erstä kängeru🦘🦘🦘🦘🦘🦘
morn isch nuch dr nationalfirtag vu westaustraliä dr western australia day. überall wird normalerwis gfiret und imnä park hends es gross festival, wo gratis isch. mir hend vor z gu, aber leider kiehts wortwörtlich is wasser. es schütted und z festival wird sogar abbrochä. schade.Read more