Copan (Honduras)

Tag 1: Bereits am 4i am Morge simer mit euisem Minibüsli loosgfahre, damit mehr de Morgestau in Guatemala City hend chöne vermiide. Nach Honduras (Copan) sinds öpe 8h Fahrt. I dere Reisegruppe sind die meiste us Australie, Neuseeland oder USA und denn hets no es paar us Ireland und no zwei anderi Schwiizer. Zum Glück hets doch no es paar jüngeri drunder, vieli sind aber scho Ü50😅 Aber sind all sehr nett und isch e lustigs Grüppli. Ufem Weg het euis de Guide no spannendi Facts über Guatemal verzehlt. Guatamala heisst übrigens übersetzt "Land of many trees". Leider hemer unterwegs erfahre, dass irgendwo e Brugg zämmebroche isch und mir drum müend en Umweg mache. Die Strasse isch denn sehr abentüürlich gsi, da sie nid betoniert gsi isch (entsprechend sehr viel Schlaglöcher) und sehr engi Passage ka het, womer am Gegenverkehr het müesse uswiiche. Aber dafür het mer nochli chöne Iidrück vom Lebe dete sammle, da mir die einigi chliini Dörfli gfahre sind. Scho sehr iidrücklich wie die Lüüt da lebed, aber die gsehnd irgendwie sehr glücklich us mit dem wo's hend😊 Au dChind sind da mega herzig und lächelt euis a oder winked sogar.
DGrenzüberquerig vo Guatemala nach Honduras isch au sehr speziell gsi, de Guide het euis no erklärt wiemer euis müend Verhalte damit alles möglichst effizient gaht ...immer schön lächle und "buenas tardes" säge 🙂
Schliesslich simer endli am Mittag in Copan acho. Am Nachmittag simer zu de "Hotsprings". Dethi hemer aber nomal müesse 1.20h ufere holprige Strass fahre. Es het sich aber sehr glohnt. Zerst hemer no es sehr feins Mittagesse derfe gnüsse und denn i de heisse Quelle i de mitti vo de Natur entspanne. Ich ha das nach dere lange Reis dringend brucht! Es Isch alles mega schön gmacht und es het so wie en chline Trails mit verschiedene Quelltemperature, Sauna und Wasserfäll. Ich muess säge, dass isch miis schönschte Spa Erlebnis gsi!Leia mais