Ich bin dann mal weg👋

Jetzt isches entli so wiit und ich bi ufem weg i miis nächste Abentüür🤩
Also eigentlich sind die letzte paar Täg oder sogar die letzt Wuche bi de Vorbereitig scho sehr abentüürlich gsi....wiemer mich als Sährli, Blicki oder eifach als Sarah kennt hani natürli alles no i letzter Sekunde wele erledige und wiedermal uf allne Hochziite wele/müesse tanze😅 (jetzt tüend mer au dFüess weh, umso meh chani Ferie bruche)....es isch mir scho chli schwer gfalle mich von allne verabschiede....au s' Putze und Ruume vo minere Wohnig het recht viel Ziit bruucht aber jetzt hanis ufalfall gschafft und hoffe ha au alles debii & nüt wichtigs vergesse...umso meh freui ich mich uf die Usziit und au mal chli chöne entspanne und eifach chli sLebe gnüsse und das mache, woni grad Lust druf ha.
Miini Reis startet in Guatamala (Antigua). Vo dete machi e 17tägigi Zentralamerika-Reis dur Honduras, El Salvador, Niguragua und Costa Rica. Ich bin sehr gspannt was mich für Mitreisendi erwartet und öb so e gfüehrti Tour wüki so miis isch. Aber ich han eifach möglichst viel wele gseh und isch au alles chli spontan gsi, drum möglich wenig wele vorbereite und au chli Sicher unterwegs si. Nach dere Gruppereis gahts denn wiiter nach Kolumbien woni endlich mal Spanisch lerne😄 dete gangi denn 3 Wuche id Sprachschuel und lebe inere Gastfamily...
Nachher hani no ca. 2 Mönet zum wiiter Reise. Wodure mich es denn zieht, lahni offe....Read more