Reset search
2024 - Asien
  • Marco Berger
  • Marco Berger

2024 - Asien

~6 Monate Quer durch Asien.
Diving, Surfing, Wildlife, Camping
Ä mix zwüschä sparä & gönnä Read more
+6
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    February 24, 2024
    Marco Berger2024 - AsienMarco Berger

    Prelude

    February 25, 2024 in Oman ⋅ 🌙 21 °C

    Zersch mau augemein: d idee isch bis irgendeinisch im August ungerwägs z sii, di erste länder si fix, u när wirds spontaner.
    Wensmer nid verleidet wirds Asiä blibä, cha aber nüd versprächä.. Z Budget spricht aber für Asiä🙊.
    Ersti station isch Oman, woni hüt am 03:00 (AM) bi acho, u scho di ersti fäukalkulation mues zuegä 🤔 ha denkt cha ja de z gepäck deponiere u ner schomau d stadt ga aluege bisi cha iicheggä. Woni am 5i bim hotel bi gsi bini aber zu müed gsi, u hamer ä early checkin GÖNNT (was dr vou priis fürd nacht bedütet). Aber fair enough, dr flug da härä isch unger 400.- gsi    Read more

    See translation
  • Marco Berger2024 - AsienMarco Berger

    Muscat - die Anklimatisierung

    February 25, 2024 in Oman ⋅ ⛅ 26 °C

    Hüt hani nid auzu viu gmacht, chli gschlenderet u 1x Süd u 1x Nord-Indisch (sehr fein u günstig) gässä. Das letzte Abendmahl hani mer no gönnt, es Bier ire Rooftop Bar. Ab iz bini de ä Wuche abstinänt.
    Morn holi mer ä 4x4 Drifter u fahre druf los. Im Oman darfmä fasch überau Wildcampe, drum hani no es Dachzäut zum Outo buechet.    Read more

    See translation
  • Marco Berger2024 - AsienMarco Berger
    2

    Muscat - Fins / onthe road again

    February 26, 2024 in Oman ⋅ ☀️ 27 °C

    Am morge di grossi Moschee vom (ex) Sultan ga aluege u när zur Outovermietig. Obwous steinzeitlich abghandlet isch wordä, isches würk super organisiert (Nomad Tours). Dr ängländer Owner het woni gfragt ha, obs uf dere Route ir Regu empfang het gmeint "Better than in the UK, thas fo sho" 😂
    När losdriftet u ä Carrefour ufgsuecht, öbä 20 Stockwärk ines Parkhuus gfahre, u ke einzige Platz? Nach 15 minute suechä hani ä angere Carrefour mit meh glück gfunge.
    När riichtig losdriftet. Ir stadt chli müehsam, aber när herrläch gsi zum fahre.
    Iz z Camping ufgsteut ir nöchi vo Fins.
    Z wasser woni am obdue bi, chochet ging no nid, sit 40 minute ufem Gaschocher 😂😂This - is my design    Read more

    See translation
  • Marco Berger2024 - AsienMarco Berger

    Wüste, Wadis & Nizwa

    February 28, 2024 in Oman ⋅ 🌙 21 °C

    Gester zersch is Wadi Shab, sehr ä schöni Wanderig mit Schwimmpassagä & dürne höli schwümmä zumne chliine Wasserfau. Ä böös driluegende Russ het ä rückzieher gmacht wos äng isch worde 😂.
    När richtig Wüesti gfahrä. Eigentlich wär d Idee gsi, 10km uf "guetem" Wüestäterrain ine z fahre, u när näb dr Strass z zäutlä. Aber einä wo d Touriste abgraset hetmi verwütscht 😂 Für (überrissä viu) heter mi anä Spot bracht ufd dä düünä obä, drfür bini würk komplett alei dert gsi, u kes einzigs Outo ghört. Ha gstuunet wi guet dr Grip isch, o wens steil ufe oder extrem steil abä geit 😂 (Nomad Tours darf das aber nid erfahre🙊 ) Leider hets wider rächt gluftet ir nacht, aber am morge isch d stimmig drfür umso schöner gsi - Windstill.
    Hüt bini wider ines (?) Wadi gange, Wadi Bani Khalif. Es isch no schöner gsi aus gester 😍. D Wanderig aber glich rächt aspruchsvou (physisch) wius viu grossi Steinä zum überchlätterä het gä 🤪.
    Bimne Oman/Indische Buffet hani aber när z dopplete vo dä verbrönntä Kalerie wider inä-g-feastet.
    När no 250km nach Nizwa gfahre, zum hurti di (schöni) Stadt azluege und öbis z ässä (ja, scho wider). Ah u d Nizwa Fort bini no ga aluege. Rächt übertüüret, drfür hani usegfunge dassi früecher mit warmem DATTELSAFT lüt übergossä hei wose hei wöue agriffä 😂
    Iz bini liecht usserhaub vo Nizwa ufeme Fäud am zäutlä.
    Morn wots wätter leider zimlech übel mit Rägä u Gwitter, drum (und ou wiui nach 4 Tag widermau richtig söt Duschä 😂) gani ines Hotel.    Read more

    See translation
  • Marco Berger2024 - AsienMarco Berger

    Regentag, Jebel Shams, Al Hamra & Nizwa

    March 1, 2024 in Oman ⋅ 🌙 13 °C

    Gester früe los wius gruusig gmäudet het und i nid gwüsst ha wie dr gravel-pass ufe JebelShams wird wenns rägnet. Me het nid viu gse wägem näbu, aber irgendwie hanis ufegschafft.
    När hani nüm viu gmacht, chli di nächstä täg plaanet.

    Hüt drfür vorem sunneufgang am afang vom Balcony Walk gstange. 9km am Rim entlang vom Canyon 😍 sehr schöni wanderig, mini fehlendi fitness gspüri aber iz 😬
    Bim zmorgä ungerwägs hetmi ä Geiss beobachtet. Woni e shot vo ihre ha gmacht ischmer chli toastbrot abekeit, när hanis überus gworfe ohni viu züberlegä 🙈 d geiss isch gad hinger nache, oh lord.. si hetmi när verzwiiflet agluegt, aus wetsi vo mir wusse wiesi iz da wider ufe chunnt🥲 aber isch äuä eher es "gibmer no me" gsi, wiu si hets easy gschafft😱
    Nach 3.5h isch d wanderig fertig gsi, u uf Misfath gfahre, äs auts dorf i dä bärgä.
    När uf Al Hamra, woni äs 400 jährigs huus /museum bsuecht ha, sehr spannend gsi mitere füehrig.
    När nomau uf Nizwa wiui no chli meh ha wöue dert schlenderä.

    Hüt isch dr letscht ganz tag im Oman gsi :-(    Read more

    See translation
  • Marco Berger2024 - AsienMarco Berger

    Oman / Verdikt

    March 2, 2024 in Oman ⋅ ⛅ 17 °C

    Wunderschöns land, viu z gse u machä, sehr fründlechi & spannendi lüt, feini grüch u guets ässä 😍 wär sehr gern no lenger blibä.

    Menschen: 8
    Kultur: 8
    Essen: 8
    Natur: 9
    Temperaturen im Februar: 8

    Total: 8.5

    Ausgaben pro Woche exkl. Flüge: 1600.-

    Highlights:
    - Wildcampen
    - Jebel Shams Balcony walk
    - Wadi Bhani Khalid    Read more

    See translation
  • Marco Berger2024 - AsienMarco Berger

    Sri Lanka / Colombo & Unawatuna

    Mar 4–6, 2024 in Sri Lanka ⋅ ⛅ 32 °C

    Dr Flug vo Muscat nach Colombo isch am aabä gsi, 22:15 u am morge am 4i aacho. Dr Flughafe isch zu mim erstuune super gsi, viu Platz und feinä Incense gschmack 🥲 När hani mer es Taxi gönnt bis zum Hotel in Colombo. Wiui ke Stetter bi, hani ursprünglech eifach di fougendi Nacht buechet, aber när di loufendi Nacht no drzue gno - zur Erholig.
    Aber scho nach 30 Minute woni ir Stadt bi gsi nachem löiä, ischmer d stadt verleidet 😅 D lüt si ungloublech ufdringlech, ähnlech (aber nid ganz so schlimm) winis in Zanzibar erläbt ha. A jederä eggä isch öber cho womer het verzeut wär aus i sire Familie gstorbe isch und daser iz unbedingt mis gäud brucht.. so müehsam, u 1x nei längt leider nid.

    Aber z ässä isch huere geil 😍 bim znacht hani mi wöue puschä, u gseit "sri lankan spicy". När sisi 4x cho fragä, obis würk ärnst meinä. Si heimi när überredt nur mittel-richtig spicy z bsteue, wiusi überzügt wärä dasis schüsch nid gässä hät 😅. Fair enough, isch scho scharf gsi (dütlech meh aus weme ir schwiz "Extremely spicy" bsteut).
    Apropos hot, es isch fasch unerträglech heiss gsi 🥵.
    Am 2. Tag bini när froh gsi, hani witer chönne. Mitem Taxi (wiu d ÖV zittä wärä schreckläch gsi) bini uf Unawatuna driftet. 2h fahrt, sehr gmüetlech (Gönnung). Hie gfauts mer sehr guet. Grössers Dorf, Strand, viu Restaurant - u leider ou viu 🇷🇺 .
    Z "Hotel" woni ha isch o tip top, ha direkt dert no ä Roller chönnä mietä. Dr Vercher isch okey-ish. Eifach mitem Flow fahrä - aber d strasse si scho vou 😂.
    Iz speter gani de ane Surflektion damit i hoffentlich speter nur no brätter cha mietä u glich chli spass ha 🏄. Morn geits när für 4 Tag nach Mirissa 🐳    Read more

    See translation
  • Marco Berger2024 - AsienMarco Berger

    Mirissa

    Mar 6–10, 2024 in Sri Lanka ⋅ ☁️ 31 °C

    Dr Surfhype 🤙het leider mach 40 minute müesse beändet wärdä👎 woni z Chnöi verdräit ha drbi🙈 gloub kabutt isch nüd, aber duet no we u macht ke Sinn s nomau z probiere.
    Vo Unawatuna nach Mirissa bini mitem ÖV gfahre, isch völlig ok gsi u extrem günstig (40 rappä für 1h).
    Hie ischs rächt ähnlech, eifach aus chli kompakter. Es het wunderschöni stränd 😍.
    Bi när ga touche (2 dives) het gfägt, o wens nid auzu viu marinelife het.
    Am nächstä tag am 5a.m. uuf, fürnä illegali whale snorkelling session 😂🙈 iz weisi o wiso d priise nur haub so höch si wi vor konkurrenz, dä het offebar keni bewilligung das azbietä, hani ersch am tag des verbrechens usegfunge, woner nis het gseit fausnis es boot ahautet söue mer sägä mir sige ufemä fisching trip - attrappe Angle natürlech o drbi😂😅 är hets aber guet gmacht, statt planete 4 heimer 5.5h gsuecht. Aber leider keni gfunge 🫣 am aabä hani när mau chli unger d lüt wöue, drum bini ines hostel gange öbis ga trinke: di huere hostels😂😂😂 chumi ine u när dräiä si a somne rad, u när mues die wos dräit het 1 bier exä us 1m distanz: ja ist spritzig😂
    Chum bini abghocket het ä brasilier afa redä u nach 5 minute bini mitere rasslätä chli i usgang🍻
    Dr letscht tag (in Mirissa) isch wellness gsi: strand, läsä u ässä🥲
    Morn geits witer, i di letschti Stranddestination fürnes zitli: Hirikteya

    -----Annektote------
    Si hei hie überau uber, ou für tuktuks was s fortbewegigsmittu #1 isch hie. In colombo hets super funktioniert, hie isch irgendöbis ging komisch gsi, es het fahrer ir region, aber si heimi nie agno, u privati non-uber fahrer hets hunderte. U di sägä ging "uber geit hie nid". Hüt hetmi einä aagno, aber paar hundert meter witer vore ischer blibe sta, u hetmer gschribe: "walk to me, I'm afraid of those guys". Bi när fragend härägloffe u är isch imne hitzigä gspräch gsi miteme angere tuktuk, u woni bi aacho ischer drvo gfahre u hetmi nid mitgno. Ok, google wirds wissen... Offebar wärdä hie uber fahrer beleidigt, bedrängt u bedroht vor lokale tuktuk-"mafia" wiu uber z'gueti priise abietet u si so d touris nid chöi usnä.
    Au di chline (müehsame) details hingerlö chli ä negative biigschmack bimne schüsch sehr schönä land    Read more

    See translation
  • Marco Berger2024 - AsienMarco Berger
    ShackTouriSchnauzenfieber

    Hiriketiya / Fuläbär & Sonnenbrand

    Mar 10–13, 2024 in Sri Lanka ⋅ ☀️ 32 °C

    Vo Mirissa nach Hiriketiya (i mues dr name ging no verifiziere mit google) hani es TukTuk gno, öbbe 10.- für 75 min drive, fair enough.
    Dr Ort isch dütlech weniger touristisch aus Mirissa & Unawatuna. Nid einisch bini ide letscht 3 tag müehsam agsprochä wordä.
    Ds homestay woni buechet ha isch eifach, gmüetlech u günstig (16.- pro Nacht). Vo dert chame z fuess zu 2 stränd ga: Dikwella beach & Hiritek🥴iya beach. Dikwella isch sehr ruhig, zum entspannä u badä, Hirikuya isch vou zum surfe. Wiui das nid cha, hani du letschtä täg fuläbär gmacht: ufne ligistuu ga cola trinke u ga läsä (Holly😍), sowie ga ängländer☀️-brand holä, när chli dä surfer ga zueluege zumne 🍺 Es het o sehr viu Strassenhunde, di gse leider us aus hättä si au Schnauzenfieber 😢
    Gässä hani meistens z nationaugricht: Rice & Curry. Imne lokale Shack (wimesechs vorsteut, chrumi tischä, vou flöigä, plütterheiss, chauts ässä aber sehr fein) choschtets rund 1.- fürne riiseportion. Ab u zue bruchi aber o chli abwächslig u gönne mer westlechä food imne tourirestaurant.
    D zit hani o gnützt zum di nächstä täg sowue chli id zuekunft (vor Reis) z plaanä. Ab übermorn isch de chli meh programm agseit 🤫 morn probieri mit ÖV uf Tissamahara z cho 🙏    Read more

    See translation
  • Marco Berger2024 - AsienMarco Berger

    Tissamaharama / Safari @ Yala N.P.

    Mar 13–16, 2024 in Sri Lanka ⋅ ⛅ 33 °C

    Mitem Bus 2.5h nach Tissamaharama gfahre. Es het zwar unendlich viu Busstatione, aber uf 2/3 drvo hautä si nid a, o wesi nach fahrplan söttä, es isch chli müehsam 😂 ä tuktuk fahrer hetmi aber gratis mitgno u dert usegla woner het gmeint söttä si ahautä. Horrormoment när im Bus, di fahre mit offnigä türe uf outobahn mit über 100. Dr Bus isch rächt vou gsi, u paar si gstange, u irä gääiä kurve isch ä bump cho, u dr eint häts fasch usegschleuderet 😱 är hetsech aber mit beidnä häng ar tür chöne habä u zrüg ga. I gloub ihm hets äuä weniger angst gmacht aus mir vom zueluege 🙈
    Uf Tissamaharama bini wäg em Yala Nationaupark, ha ä Full day tour buechet. Früe ufmüesse (4i) für när 45 minute vorem gate z wartä bis dr park am 6i ufduet😂 d tour isch mit 2 dütsche u 2 holländer gsi, näbstem guide wo mehrmaus het gseit "i will drive fast, ok?" Jiu isch ok, me mues eifach ufd strass luege dasme sech bücke wenn ä bump chunnt, schüsch schlatmä dr chopf ar tili a 😂
    D safari isch guet gsi, aber (natürlech) ke vergliich mit Tansania. Ä Leopard heimer zwar nid gse, aber Elefante, Tukans, ..
    Verhäutnissmässig hets o viu Jeeps gha, 150 lut em guide imne eher chline Park (vergliche mit Serengeti z.b.).
    Het trotz dr Hitz gfägt u isch ä gueti Gruppe gsi.
    Hüt isch wider Relaxtag gsi, im Dorf chame nid viu mache (ussert dasi iz endlech würklech spicy becho ha, us aune poorä schwitzend hetmi dr chäuner gfragt obs gnue spicy sig 🥵😂
    Morn gani für 5 Tag uf Ella, i probieres wider mutem Bus, lut inexistentem fahrplan söter (ds hotel seits) am morge früe 3.5h ha 🙏    Read more

    See translation
  • Marco Berger2024 - AsienMarco Berger

    Ella / Wasserfälle, Teeplant. & Kochkurs

    Mar 16–20, 2024 in Sri Lanka ⋅ ☀️ 28 °C

    Busareis isch sidäfiin gsi 😌 hei paar höhemeter pusht u temperatur isch chli droppt 🤝.
    D umgäbig isch sehr schön mit viunä hüglä u teeplantage. Bi ga wanderä, Trainspotting (Baron häts glooft😂😂😂), Cricket training ga luege (Nationausport, i pöggäs nid🙈) i usgang mit 🥨🥩 u no anä Chochkurs.
    Dr chochkurs isch spannend gsi, 6 Curries, Riis, rotti, papadams u dessert heimer vo grund uf obda. "About the ingredients, this is chili powder, this is stronger chili powder, this is another chili powder, and this is chili flakes" 😂 u bim chochä: "Now we add chili powder for the color, and now we add chili flakes for the taste". D Areis isch auerdings weniger Toll gsi (Horror in fact..)

    Ha no ä füehrig ire teeplantage wöu machä, aber hüt isch d fabrik nid in betrieb gsi, u ä füehrig we niemer schaffet zum gliche priis hani du la sii 🙈. Hani auerdings ersch gmerkt, woni scho härägfahre bi, designer haut.

    Überau gits di streetfood snacks wo vor lutter frittieröu trieffä, i liebes😂

    Morn gani no ufne grösseri wanderig u übermorn när witer nach Kandy.    Read more

    See translation
  • Marco Berger2024 - AsienMarco Berger
    1

    Kandy / Zugfahrt, Strolling

    Mar 20–21, 2024 in Sri Lanka ⋅ ☀️ 34 °C

    Churz u bündig, d zugfahrt isch vermuetlech z highlight vo Sri Lanka gsi. Wenn ou chli lang (7h für 150km😂). Ir Stadt aacho bini när gad gflüchtet ine Park zum ga loufe🙊 das di Stadt nüd für mi isch, hani gwüsst drum bini o nur 1 nacht da. Am aaabä no i usgang mitem Brasiliansche dudeRead more

    See translation
  • Marco Berger2024 - AsienMarco Berger

    Sigirya / Lion's Rock & Pidurangala Rock

    Mar 21–23, 2024 in Sri Lanka ⋅ ⛅ 31 °C

    Geubert nach Sigirya (2.5h, Bus wär z müehsam gsi mit umstigä plus d läbenswartig schwindet mit jedere busfahrt wome hie macht😂🙈) .
    Zerste mau hets gschiffet in Sri Lanka, speter aber wider ufda u de bini no dr Lion's rock climbet. 1300 stägä ufepusht bi horrortemperature 🥵dert dr Sunneungergang gluegt, u hüt morge am 4i uf für am naheligende Pidurangala rock dr Sunneufgang z gse. Leider ischs bewölkt gsi 😭 es paar dudes si no ufne stei klätteret, es het hochkriminell usgse ohni sicherig u barfuess 🙈

    Bir ungerkunft hets affä wo ufem blächdach loofä umeztollä 😂🥁🥁🥁

    Annektotä no vo Ella: d locals riisä d schilder us bi dä wanderigä u düe markierigä zuezementiere damit d touriste dr wäg nid finge u si när zu überrissnä priise dr wäg chöi zeigä👍

    Hüt dueni no chli plaanä wi di nächste 2 wuche usgse, u morn gani zrüg uf Negombo für am aabä när uf Singapur z flüge (am 1 a.m)    Read more

    See translation
  • Marco Berger2024 - AsienMarco Berger

    Sri Lanka / Verdikt

    March 23, 2024 in Sri Lanka ⋅ ⛅ 29 °C

    Spannends Land mit sehr schöner Natur. Leider rächt viu Müll (an Land wie in Meer) und teilweise müehsami lüt, drfür ungloublech geils ässä 🤤🥲

    Menschen: 5.5
    Kultur: 6.5
    Essen: 10
    Natur: 8.5
    Temperaturen im März: 7 (oberi gränzä)

    Total: 7

    Ausgaben pro Woche exkl. Flüge: ca 550.-

    Highlights:
    - Zufahrt Ella - Kandy
    - Sigirya
    - Hiritekya

    Ps: das isch mini subjektivi iischetzig ;-)    Read more

    See translation
  • Marco Berger2024 - AsienMarco Berger
    Little boy1Capsule hotel

    Singapur / Kulturschock

    Mar 24–28, 2024 in Singapore ⋅ ⛅ 26 °C

    Notiz: Colombo isch ä horrorflughafä 😂

    Ja, Singapur, es ligt gäbig u umstigä häti eh müesä, drum warum nid paar tag ine grossi stadt? Hami für 4 nächt entschide, und es hetsech glohnt.

    Woni usem flughafe bi hani dr Kulturschock meines lebens gha, vomne 3. Wäutland ine Luxusmetropole, mir isch aus so ruhig vor cho, chame nid beschribä 🙈 und i bi gloffä, und gloffä, und gloffä, und es isch ruhig blibä. Kes gehuupe, kes "where are you from? give me money!".

    D lüt u kultur isch ungloublech divers, ds hani no nie gse 😱 me merkts o bi dä restaurant: ä chines näbeme koreaner näbämä türk näbämä japaner näbeme inder,...

    I denä 4 täg hani iz aus gmacht woni mer ergooglet ha, in unchronologischer reihefolg:
    - Gardens by the bay
    - Marina bay Sands (z schiff-huus)
    - Botanic gardens
    - National gallery
    - Witeri pärk
    - Kino: Kimetsu no yaiba. Herrläch, Demons slayer im IMAX. Hätti mer nid ertröimt. Zwar 2 fouge recap u 2 neui fouge, aber di letschte 2 vor letschte Season si o di bestä gsi. Yogataaaaaa😍
    - Kino: Dune 2 im IMAX, oh boy oh boy😍

    Wiso si dr chino so abechüehlä dasme no imne wollpullover chaut het wenns dusse 34° isch verstö vermuetlech nur d Singaporeans und d Amerikaner.

    Heit dir eigentllch gse, wi suber mini globali reiseroute iisch bis iz?
    Scho fasch eine Gerade, #Klimaschonend🫡

    Dr einzig negativpunkt fingtme ir kreditkarteabrächnig🙈 woni fürnes chlises bier am erste tag 15.- zaut ha, hani du när besser afa luege woni härä ga. We ä chlini vorspiis scho über 10.- chostet, hetsmi me aus einisch i 7/11 tribe u i ha instantnoodles kouft😂

    Ah, o d hotels si extrem tür, drum hani imne Capsule hotel übernachtet. Wines hostel, eifach miteme Sarg statt ämnä ettagenbett. Rächt futuristisch, u i bi beigesteret drvo 😍    Read more

    See translation
  • Marco Berger2024 - AsienMarco Berger

    Singapur / Verdikt

    March 28, 2024 in Singapore ⋅ ⛅ 31 °C

    Super Stadt woni oni vorbrhalt würd witerempfählä. Bietet sech perfekt a zum ä längä flug uf Asiä / Australie ufzbrächä.

    Menschen: 8
    Kultur: 9
    Essen: 6
    Natur: 5.5
    Temperaturen im März: 7 (oberi gränzä)

    Total: 8.5

    Ausgaben pro Tag: ca 90-100.-

    Highlights:
    - National Gallery
    - Gardens by the bay
    - Stadt im Gesamtpacket    Read more

    See translation
  • Marco Berger2024 - AsienMarco Berger
    1

    Yogyakarta / Java ist auch eine Insel

    Mar 28–30, 2024 in Indonesia ⋅ ☁️ 31 °C

    Witerflug isch nach Yogyakarta (Indonesiä / Java) gsi.
    Bis iz klar di am wenigste touristischi region.
    Super fründlechi lüt, ungloublech gmüetlechs homestay mit sehr hiufsbereutä lüt. Ig ha gwüsst dasi am morge nach dr akunft ä Sunneufgangstour mit dä 2 Sehenswürdigä tämplä wot mache u si hei mir mit sehr viu geduld aus organisiert.
    Am 3 a.m. morge hani scho wider ufmüessä füre Sunneufgang bimne ussichtspunkt ufne Vulkan z luege. D chance dasi nach ca. 5 Sunneufgäng woni i denä ferie bi gsi d Sunne zum 1. Mau gse hät, si ir rägäzit nid auzu guet gstange, aber mir hei schwein gha 😍
    Isch ä chlineri gruppe gsi wo drbi isch gsi, u miteme Chines u eirä us singapur (Touris) hani die 2 Tämplä när besichtigt. Zersch dr grösst Buddhistisch tämpu wos git (Borobudur) u när ä Tämpukomplex (Prambanan).
    Isch ä längä tag gsi (14h Tour) aber es hetsech glohnt u isch sehr lustig gsi mit denä 2, obwou i ds chinesisch-änglisch oft nid versta 🫣😂

    Si hei no vomne lokalä getränk wo us chridä besteit verzeut (cholärabäschwarz, muesi de ono mau probiere 😂).

    Di nächstä 3 täg bini nomau uferä haubwägs gfüehrtä tour wo ufem papier hochkomolex usgset und mini chleider si no ir laundry u si antworte nid, u i mues i 9 stung ufne 8 stündigi zugfahrt, hoffe iz druf das d homestay-dudes das no reglä di nacht 😂 aber i bi guter dinge🤫    Read more

    See translation
  • Marco Berger2024 - AsienMarco Berger
    👁️👁️

    Bromo

    Mar 30–31, 2024 in Indonesia ⋅ ☁️ 27 °C

    Oookey😂
    Ä marathon usflug het agfange, i weiss no nid wi schlau dases isch gsi das so z buechä (aber "bequem" uf jedä fau).
    I mehreri teilbize unterteilt bini gester:
    - 2h auto
    - 8h zug
    gfahre
    När scho recht müed aacho imne schäbige Hotel😂
    (Im zug bini mau no verchlüpft womi ä hung mit grossä ouge het agluegt, siehe foto😂)
    Ufem wäg härä hani no geld brucht für d tour z zahle, 2 bankomate testet: dr erst isch nid gange u dr 2t het mini chartä gsnackt (izogä u nüm usegla👍).
    Englisch isch hie sehr schwirig, mit häng u füess hetmer öber gseit am mänti sig d bank offe, aber denn bini scho wäg (wiu tour..).
    I ha no 2 witeri, aber die schiint iz mau fix wäg z si, wiu NEON di neui charte nid is usland cha liferä👍
    När am morge am 01:45 uuf fürä Sunneufgang vomne aktivä Vulkan 💦
    Superschön gsi, aber ungloublech überloffä 🥵 i bi ir klirrende chäuti amne guete spot gstange - leider zu guet - wiu au di chinesä si när cho, "excuuuuse me, i want to take photo", isch sehr asträngend u müehsam gsi, aber äbä, glich o schön (vor natur)

    När no ufe krater ufepusht, wiui mi dert pusht ha bini fasch aus erste dobä gsi😍
    A däm tag när no 11h auto gfahrä u im Aschluss no zum doktor müessä ga ä medical check mache ob ig fitt gnue für ä vulkan morn (si offebar i dä letschte monet 2 lüt ☠️ dert) drum muesmä das iz mache
    => Yes, i bi fitt gnue😂
    Zmingst ir theorie, ir praxis bini iz todmüed u i wirdä morn am 01:00 am morge abghout 🥵

    D tour isch rächt chaotisch organisiert, dr fahrer cha ke änglisch u d lüt müese ihm sägä woner mues dürefahre für sä bim hotel abzlade, säubst nach 50x "left" weiser no nid wo das left isch, u lugt ging hingere, u zeigt 👈👉bismä seit "yes this way"😂😅

    Drfür gönni mer när morn es schöns hotel u nimes sehr gmüetlech di nächstä 4 tag.

    Ps: zum teil schaffä hie i dä hotel u so lüt wo usgse aus wärä si 14i, dä womer mi gross rucksack ufs zimmer het wöue traagä hetnä chum chönne lüpfä u är isch fasch grösser gsi aus dr goof😂 u dr anger wo nur dr schlüssu treit lacht nä no us😂    Read more

    See translation
  • Marco Berger2024 - AsienMarco Berger
    ⚡
    1🫣😂😂😂😅🙈

    Ijen

    Mar 31–Apr 1, 2024 in Indonesia ⋅ ⛅ 28 °C

    Dr fahrer het gseit är houtmi am 0100 ab, ha aus sidefiin paratgmacht u dr wecker uf 0048 gsteut, am 0049 chlopfets u dr dude isch am stressä das si im bus uf mi wartä😂 herrlächä start.
    När knapp ä stung im bus bis zum drop-off am Fusse des Vulkans.
    Dert simer umetümplet u wo üse guide di medizinischä zertifikat isammlet, merkt eini dassi ihres im hostel vergesse het🙈 dür das hetsech aus (zu lange) verzögeret u mir si fasch aus letschti gruppe gstartet.

    Dr guide het 100x gseit dasmer müese zämä blibe usw., nach 1 minute bini nur no mit 3 schwizerinnä(🇫🇷) ungerwägs gsi😅😂
    Di ganzi wanderig isch 9km u 650hm, u ä grosse teil drvo isch eifachi aber zum teil steili strass, u vou touriste, grossteils chinesä.
    U di lö säch zum teil mit sore Karettä ufechauffiere, hei nei😂😂.
    När weme dobe bim rim isch, wirds technisch u me mues loufä, es isch pumpe vou lüt gsi u dür das heimer fasch ä stung gha bis abä zum blauä gas.
    Me bechunnt no ä gasmaskä u ä schutzbrüue, wiu dunger bim rouch oder wases isch brönts wi dä auge u bim schnuufä wi weme 10liter durgol inhaliert u über d ougä lärt😅
    Wo dr wind kehrt het u s eländ isch worde hani di angere verloorä, hasä speter dobe wider troffä u si hei gseit si heis nid usghautä🫣
    Es hetsech definitiv glohnt dennoch, mau ä ganz angeri erfahrig gsi😍 ah u bim ufeloufe hani bi mim erste SHOT no ä blitz verwütscht    Read more

    See translation
  • Marco Berger2024 - AsienMarco Berger

    Seminyak / Relaxing

    Apr 2–5, 2024 in Indonesia ⋅ ☀️ 31 °C

    Miter fährä nach Bali. Spontan ine bus igstige wo ufd fährä isch u när fasch bis zum hotel isch, het vom timing perfekt passt zum chli sparä. Dert gmacht hani wi planet nid viu, ässä, coiffeur, massage, kino ("Fast Charlie", ganz OK gsi). När a flughafe dr Jönu & Tschörtschi ga abhole.
    Tschörtschi hani i dä letschtä 15 Jahr 2x gse vor denä ferie 😂    Read more

    See translation
  • Marco Berger2024 - AsienMarco Berger

    Ubud / ATV, River rafting & Ausgang

    Apr 5–8, 2024 in Indonesia ⋅ ☁️ 32 °C

    In Ubud simer ga ATV fahre im Tschungu, und ig würd lieb zämägfasst sägä: so öbis geils hani no säutä gmacht. Isch sicher o dranne gschuldet dasmer au chli glich tickä (mir si gfahrä wi di hohlä 😂😂😂 vougas uf schmalä wägli, im schlamm und dürs wasser). Hei aube 45 sekunde gwartet das d afänger vorä ä gnue grosse abstang hei, dasmer sä när i 15 sekunde wider ufghout hei 🫣😂het nur 2 chlini unfäu gä vom Tschörtschi 😌
    När simer no i Affäwaud, wo dr Jönu isch gluset wordä 🤫 eine isch uf mi rüggä/rucksack u hetnä durchsuecht woni abgrüpelet bi fürne nice shot z machä 🫣
    River rafting heimer ono gmacht, isch o luschtig gsi. Wo dr Guide verzeut het wue wo was me wenn mues machä u stüre het niemer zueglosst, drum isch när ä grossteil vor diskussion bim fahre gsi obme iz i die oder die richtig mues paddlä, 3 lüt, 3 meinigä, es richtigs gwüet😂Am aabä no i usgang mit billard u axtwärfä (ups...), u tischtennis gägnä russ    Read more

    See translation
  • Marco Berger2024 - AsienMarco Berger

    Kintamani / Mt. Batur

    Apr 8–9, 2024 in Indonesia ⋅ ☁️ 25 °C

    Mitem Taxi uf Kintamani,ä guetä usgangspunkt zum ufe Mount Batur Vulkan z puschä.
    Bim häräfahre hei i u tschörtschi ä haubi härzparaggä gha womer ä milliarde grossi spinnelä uf ängstem ruum gse hei🫣
    Bim hotel simer aber clean gsi. Hei günstig imne 4er zäut übernachtet (0min schlaf) drfür hets e super hotspring pool gha mit schöner ussicht.
    D wanderig het am morge am 4i gstartet. Ir nacht heimer no ä komplett verrückti amerikanerin troffä wo jeensits gliiiret het über gott und die welt und und und, horror 😂 u när hetsi no ä vulkan song gsunge (mehrmaus, inkl ufem vulkan dobä😂). Si miteme guide. Dobe hets viu lüt gha aber nid so viu wie erwartet.
    U när am gliche tag vou im stress no uf Lombok witerpusht mitere horrororganisierte fähre wo när wider obermüehsam isch gsi mit taximafia, hei überne stung gwartet bismer ä normale fahrer verwütscht hei (mit telefoniere) dank 2 Chinesinä. Uf dr fähre ufem deck hetsnis no vou verschiffet, dr chopf hets nid zuegla i schärmä z ga, hei ging gseit i paar minute ischs düre - bismer pflotschnass si gsi 😂 sehr lustig gsi. U jönu vo dinnä hetnis gschribe mir söue ine cho schüsch vercheutemernis no, am Tag druf isch Jönu chrank gsi 😂
    D ungerkunft in Senggigi isch hammer gsi, dr bsitzer - ä östricher - aber ou di ganz zit am liirä gsi 😂di 2 tag heimers när gmüetlech gno, schlaf nacheholä, roller fahre, strand. Ah u leider heimer no ä hai gse wo am stärbä isch gsi am strand, wüsse nid waser het gha 😭    Read more

    See translation
  • Marco Berger2024 - AsienMarco Berger
    HUGO2

    Gili Trawangan

    Apr 11–14, 2024 in Indonesia ⋅ ☁️ 29 °C

    Gili T.: Partyinsle vo Indonesiä. Mir si 3 nächt blibe u hei ä Schnorchuusflug gmacht (glasklars wasser 😍 drfür viu müll o im wasser 😤)
    Ga surfe simer no, u viu billard gspiut. Ah u tschörtschi hets im Beerpong wettkampf vom hostel zämä mitem HUGO (wos innert sekunde jewils gachafft het d gägner so hässig z mache dases ke handshake me gä het) i finau gschafft, u dert när gägä komischi Finnä verlorä 😵 ah u es velotürli umd insle heimer nis ono gönnt, u viu gschwizt bi jedere aktivität🥵Read more

    See translation
  • Marco Berger2024 - AsienMarco Berger
    👍Follow the leader

    Südbali / Billardretreat & Abschied

    Apr 15–21, 2024 in Indonesia ⋅ ⛅ 27 °C

    Mitere Horrorfähre wo es wunderschöns 1.4 uf Google maps het simer zrügg gange nach Bali. Dunger ischs dr horror gsi miter stickigä luft, nid funktionierende AC und komplett überbuecht. Mir si so schnäu wi möglech (schnäu ischs aber nid möglech gsi) ufds Deck gflüchtet womer zwar ä Sunnebrand igfange hei, aber das heimer wüssentlich i chouf gno 😅
    Eich heimer uf Uluwatu wöue, aber d priise si rächt höch gsi in Strandnähe, drum heimer chli näbä ussä ä wunderschöni Villa buecht mit Privatpool 😍
    Ir nöchi vor ungerkunft hets ä Burgershack gha mit Billardtisch und 2 outdoor liinwänd wosi aktuelli fiume zeigt hei (z.b. Dune 2) - for free😍
    Nachteil: es isch mit schrecklächä synchronsprächer russisch Dubt gsi 😂 hei sehr viu Billard gspiut (Baron i vernichte di weni hei chumä🤫)
    Am nächstä tag heimer ä roller gmietet u si chli desumegfahre (Billard, surfe) u när simer nach Uluwatu zumne tämpu zum tickets choufe fürne füürtanz. Hei seehr lang müesse aasta u d show isch ok gsi, aber mitem aasta zämä würdis nid unigschränkt witerempfählä.
    Bimne chlinä klipperundgang simer am Guide Jönu i dschungu gfougt. "Mou gielä, hie isch ä wäg, i gses hie uf google maps" - im dickicht ohni spur vomne wäg 😂
    Di letschtä 3 nächt uf Bali simer ä chli witer i norde nach Legian ines surfer hotel.
    Ah u aunä lüt wo d brülle nid versteckt hei sisi vo affä gstohle worde, damit d ranger sä chöi iitusche gäg food 🙈

    Gester simer no ine Freizitpark, hei üs ä Fasttrack pass gönnt, abgse vom gokart simer aber überau o ohni direkt z vorderst glandet 😂 allgemein isch dr park rächt tod gsi und d bahne si - lieb usdrückt - härzlos 😂
    Aschliessend heimer äs Biervelo buechet: 2 stung "pedalliere" ufeme partyveloouto und all you can drink. Sehr luschtig gsi, di meiste si Amis gsi.

    Jönu u Tschörtschi si hüt mittag hei gfloga, es het gfägt, merci siter cho ;-)

    Iz geits witer nach Sorong miteme 3h inlandflug, när no 2 fährä u i chume im Corepen homestay in Raja Ampat aa (merci Dave füre tipp ;-) ).
    Dert gani ga touche (me chame nid machä, isch äs bungalow mitten im nirgendwo. Ah mou, schnorchlä chame ono 😜)
    Dert blibi 8 tag. Ke ahnig obi dert empfang ha 🫡    Read more

    See translation
  • Marco Berger2024 - AsienMarco Berger

    Raja Ampat 1/2 / Diving, diving & diving

    Apr 21–25, 2024 in Indonesia ⋅ ⛅ 31 °C

    Raja Ampat isch ä Insugruppe in West Papua. D areis isch recht müehsam, chamir nid vorsteue wies für die isch wo us europa direkt nur da härä chömä 😅😂
    Vo Bali nimmt mä ä flug (wo am morge am 0215 flügt) für 3.25h nach Sorong, när geitme mitem Taxi a hafä wome no 3 stung mues warte bisme tickets fürd fährä cha choufe, u die fahrt när 2.5 stung. U ner chunntmä in Waisai a, wome z fuess mitem ganze baggage is "Tourist information office" mues loufe, u dert nomau ewig lang aasta für d Marine-Parkgebühre z zahle. Vor ungerkunft hets gheisse di hole mi de ab, aber wo isch nid würk klar gsi, bim aasta dert hani när eine dr name vomhomestay ghörä sägä, dä het mi u ä Japanerin när zum homestay gfahre miteme chline boot, nomau 30min. U dert isch när niemer gsi wo üs het iicheckt,aber zum glück angeri bsuecher wo hei gseit mir söue mau zmittag ässä 😂 (si du 2 schwizer gsi wisech usegsteut het, eine drvo ä usstiger (komischä kauz)).
    Im homestay hets 5 Bungalow direkt überem wasser, när no es paar wc u duschinä (wasserschlüch, chaut). U ä gmeinschaftsberiich wome zämä isst. Am afang simer 5 gest gsi, au in einzelbelegung. Het när immer chli gänderet.
    Uf dere insle hets absolut nüd ussert paar bungalows. Keni strassä, begränztä strom für 5h / tag, ke Ladä.. aber aus hani gwüsst und es isch ungloublech schön. So öbis abglägnigs / LOST feeling hani no nie gha 😍
    Wiso mä da härä chunnt isch eifach beantwortet: zum touchä. Es gilt aus einevode schönste orte weltwit. D ungerwasserwelt hie isch ungloublech, riisigi schwärm, viu haiä, rochä, lobsters, ...mache jede tag 2-3 touchgäng.
    Ah: und meistens weni ga ga touche würdi mi im mittufäud istuefe vom skilllevel här. Hie muesi zuegä, i bi mit abstang dr schlechtist. Dear lord, die hei tausende touchgäng, ungloublechs gear für z fötele, jede einzeln het es vou usgrüstets rig drbi. Und d strömigä hie, ds hani no nie erläbt 😬 teilwiis muesme sech am riff festhäbä dasme nid wäggschwemmt wird. D profis hei au sone Haagä drbi fürsech irgendwie festzmachä, hani no nie gse 😂😅
    Buddycheck usw. Wird o aus gstrichä. Gfragt ungerwasser ob aus ok isch wirdme höchstens 1isch pro dive, aber si maches super, z gear isch vou managed, vom bungalow ga zmorgä ässä, när zum boot, aazug alegä u aus angere isch scho schön ufem boot parat. När däifä, kaffepause, däifä, zrügg, zmittagässä, chille / schnorchlä, znachtässä, schlaafä (heiss ohni fenti🥵) rinse and repeat. Cha stundelang hie ufs meer useluege vor hängematte ohni dases längwilig wird 😍 i blibe no bisem mänti    Read more

    See translation
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice