検索条件をリセット
2024 - Asien
  • Marco Berger
  • Marco Berger

2024 - Asien

~6 Monate Quer durch Asien.
Diving, Surfing, Wildlife, Camping
Ä mix zwüschä sparä & gönnä もっと詳しく
+6
フォローする概要概要カレンダーカレンダー写真写真共有共有バケットリスト
概要カレンダー写真
  • Marco Berger2024 - AsienMarco Berger

    Bulgarien

    2024年7月18日〜26日, ブルガリア ⋅ ☀️ 29 °C

    Ar gränzä ewig lang gstange u när uf Bansko gfahrä. Ohni viu recherche bini när überrascht gsi wi cool dr ort isch, offebar sehr beliebt vorallem im winter. Iz het ca. 70% zue gha wius im summer nid viu lüt het. Dementsprächemd bini härä für is bärgä: Pirin Nationalpark.

    Ig ha mir es E-Bike gmietet, damit i eeendlech widermau ufeme velo bi, woni scho sehr vermisse 😅

    Ds isch mini ersti e-bike erfahrig gsi, u hetsech sofort bemerkbar gmacht woni nachem ufstige und ufd strass fahre vou usedonneret bi wiui vergesse ha dasi ufeme e-bike hockä und s velo im turbo modus isch gsi 😅

    När bini d skipiste ufe, mehrmaus 20% stigig, aso bini gottäfroh gsi hani ungerstützig 😅😂
    Het gfägt, aber hetmi no verschiffet (ou unerwartet). Und agressivi hüng heimi müese routetechnisch la improvisiere. Es wird eim nüd gönnt 😅
    Ah, u d ungerkunft ungerem dach ohni klima und ohni fenster isch horrormässig heiss gsi 😅
    Nach 2 nächt bini witer uf Sofia, 2 nächt ines riiisä hostel.
    Di mache jede tag pubcrawl, si aber nid ganz mit mim tagesrythmus im einklang, di starte am 10i u denn bini normalerwiis scho fasch am schlaafä 😅😂
    Isch easy gsi, aber abgse vom Alfredo ("pizza by alfredo, or alfredo's pizza?") hets nid soo cooli lüt gha, aber isch für mi gschmack o ä z grossi gruppe gsi. Drum bini am 2. Aabä när nüm gange und nur 2 pubs blibä.
    Aber no ä easy stadt.

    När di mit abstang schrecklächsti outofahrt hinger mi bracht. Wiusi hie zum teu wi di hoolä fahre, hani mi fürne ort entschide woni fasch aus ufdr aurobahn cha fahrä, de chöisi mi überhole wesi wei 😅
    Leider:
    - hani mini ersti voubrems mit 120kmh müese machä
    - ischs wägere outobahnsperrig schlussendlich 6 statt 4 stung gange
    -u di strass übers land isch... VOU schlaglöcher gsi, so dasme 50% ufdr angere strassesite isch gfahre, aber immer hin u här versteit säch 😅
    - Und di ersti verbali usenandersetzig miteme verrückte outofahrer gha

    Aber ja, i has gschafft u bi fürne Nacht in Sozopol acho 🥵

    Am nechste tag bini es Fantasy-schloss ga aluege, no guet gmacht aber eher tür u dinne heisi für aus no meh verlangt.

    Dütlech besser isch när ä bsuech bire Voguwartä gsi, hät nid denkt dasme so viu gset ufeme Trail näbädran. Teu heimi no wöue verjagä wiui z nöch a ihri junge bi cho, indem si im sturzflug chräiend immer wider uf mi abedonneret si u churz vorem chopf ufezogä hei 😅

    När bini 3 nächt uf Sunny Beach: relaxing, läsä u badä 🧖🧘

    Iz geits zrüg uf Rumäniä füre räscht    もっと詳しく

    翻訳をご覧ください
  • Marco Berger2024 - AsienMarco Berger

    Danube Delta / Birdwatching-Safari

    2024年7月28日〜29日, ルーマニア ⋅ ☀️ 27 °C

    Nacheme Tag am Strand vo Rumäniä bini in Tulcea aacho (merci ufre Tipp @Lola 🤩)
    Ha ä Wildlife Safari im/ufem/dürs(?) Danube Delta buechet. Mir si 7 gsi, 2 Belgier, 2 amis u 2 rumänä. Dä rumänä hetme gseit si söue am 8i dert si, wiusi offebar notorisch z spät si 😂 effektiv cho sisi am 0845, auso stimmts äuä ,😅

    I ha zwar vorgängig scho gläsä, das dert schiins z europawit beste wildlife gebiet isch, aber di schieri massä a vögu hätti nid erwartet 😱 ungloublech schön gsi, de si o di vile stunde ufem boot schneu düre i denä 2 tag. I la d bilder redä, ma o nüm so schribä 😂😂

    Das Ende naht, morn gibi z auto zrügg 🫡    もっと詳しく

    翻訳をご覧ください
  • Marco Berger2024 - AsienMarco Berger

    It's a song to say goodbye & Balkan Ver.

    2024年7月30日, ルーマニア ⋅ 🌙 24 °C

    Woni vor paar wuche ha gse, das Placebo (❤️) genau am tag wo ig z outo mues zrügg gä in Bucharest spiut, hani nid lang gfaklet u es ticket gsnackt 🤩

    Ds isch gester gsi, u obwou i sä scho über 10x gse ha, ischs immer no super gsi, allen voran dr Song "Song to say goodbye" het natürlech perfekt passt.
    Bevor z konzert gstartet het, heisi es bändli vom sänger abgspiut woner seit dasme z konzert nid dürs natel darf luege, aso nid fiume u keni föteli machä. Nachem start hani gse, dasers würk ernst meint, d security hei au wo z natel ufegha hei verwarnt und wesi nid glosst hei direkt usebegleitet 🥰 ds het drzue gfüehrt das teilweise me würklech kes einzigs display het gse lüchtä, ds söt standard wärdä 👏

    Ig ha aber o paar shots gmacht 🙈 da ig aber weiss wime z display dimmt und dasi z natel nid mues übere chopf ha hets definitiv o niemer gstört 🤭

    --------------------

    Menschen: 7.0
    Essen: 6.5
    Natur: 6.5
    Wetter im Juli: 9

    Total: 7.5

    Ausgaben pro Woche exkl. Flüge: ca 600 inkl. Mietwagen

    Highlights:
    - Ohrid (Mazedonien)
    - Placebo
    - Danube Delta

    Iz bini am Flughafä, u a mi nächst stop gani ir regu weniger gärn, aber dasmau fröii mi sehr: Basel.

    Bis gli, fröiä mi uf euch 🫡

    (Vilech gits de no es gsammtfazit, churzfassig isch aber: es isch super gsi👏👏👏)    もっと詳しく

    翻訳をご覧ください
    旅行の終了
    2024年8月1日