Reset search
2025 - Indien
  • Marco Berger
  • Marco Berger

2025 - Indien

A 14-day adventure by Marco Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    December 6, 2025
    Marco Berger2025 - IndienMarco Berger

    Anreise & Mumbai

    December 6, 2025 in Switzerland ⋅ ☁️ 8 °C

    No nid so lang här, womer abgmacht hei dasmer uf Indiä gö, u me oder weniger nüd vorbereitet, drum heimer o ersch am 7 tag vor dr abreis usegfunge dasmer es Visum bruche,isch ä stressigi wuche gsi, aber mir si dr fluug aträttä😅
    Bi mit Jönu u tschörtschi ungerwegs, siehe letscht Jahr in Bali🤩

    Um Geld z sparä bim flug heimer Zitat Tschörtschi: "mou umstige isch no easy, hurti chli umeloufe, öbbis ässä, u ner geits witer" gmacht. Nume heiner nachem "öbbis ässä" gse, das dr aschlussflug 5h verspätet isch. 😡🤬 Dr flughafä - abu dhabi - isch aber relativ guet gsi.
    Fasch 24h vo tüür zu tüür, aber mir heis gschafft.
    Nach auem wome list u vo indiä ghört, heimer nis ufds schlimmstä vorbereitet, u si positiv überrascht bis iz, es stinkt nid übermässig, es isch nid abartig verstopft vo lüt, aber ja, dr müll isch scho es thema😅
    Komplett übermüeded, simer glich no ufne Streetfood tour am erste tag, wiu dr food isch scho das, woni mi am meiste druf fröiä 😍

    Är het üs wäg gschäftspolicies auerdings nüd richtig scharfs dörfä gä, das mues no wartä, aber es isch sehr fein gsi 🤤

    No ä absacker u när ä langi nacht, wasmer hüt mache luegemer no, u wo aus nechsts härä.

    Im zug a flughafe, ischmer no öbis i sinn cho woni zum ziel vo dä feriä ernannt ha, stay tuned 🥰    Read more

    See translation
  • Marco Berger2025 - IndienMarco Berger

    Mumbai II, Wäscherei & Slums

    December 8, 2025 in India ⋅ ☀️ 27 °C

    Nachem usschlafe bis 11:00 simer ga feastä u diskutiere was wei machä.
    Hei uf getyourguide ä tour zure Wöscherei und ines Slum gse, u relativ lang diskutiert obmer das würklech wei machä 😅
    Heis när buecher, o us mangu a alternative .
    Tschörtschi hetnis fachmännisch zugtickets kouft, mit hiuf vomne local 🤫.
    D züg si sehr agnähm, unbeliiiievable.
    D wöscherei heimer nur vo witem ufere platform chönnä gse, was chli schad isch.
    Dr grossteil vor tour het när z fuess dürs Dhavali Slum gfüehrt. Plastigtrenning (sehr ähnlech zur Garbage city in Kairo), dert wosi wohne u töpferei heimer chönä aluege, würk sehr iidrücklech.

    Aufdringlichkeit hautet eech sehr in gränzä sowit, 2.5/5.
    Dr food isch huere geil, aber mir sueche d scherfi immer no 😅
    "guud evening sar" Dr dialäkt isch chli nerveroubend, siehe jedes IT youtube video

    Iz simer an flughafe für witer nach Goa, chrank isch no niemer 😱    Read more

    See translation
  • Marco Berger2025 - IndienMarco Berger

    Goa

    December 10, 2025 in India ⋅ ☀️ 31 °C

    Inlandflüg choschte hie nid viu, irgendwie 50.- für vo Mumbai uf Goa.
    Eigentlich hätte mer lieber dr Bus gno, mues ä schöni strecki si, aber "you have to book the tickets at least 2 weeks in advance" - oh f*ck off 😅
    Drum simer gflogä, me seit Goa sig chli d ferie/party/strand destination vo indiä. Aber viu nid so viu los gsi, ds highlight isch äuä Karaoke gsi, am 2e aabä direkt bim hotel. Das het di 70 jährige ängländer aaglockt 😜 d stränd si vou wiehnachtsbelüchtig gsi 🫠

    Jönu het ä song ugschribä zum singe, wos när het gheise "jonas? Jonas keller?" Heter ä rückzieher gmacht: "dä meint nid mi" 😂

    Unbelievably fein gässä heimer, zu jeder uhrzit. Gester simer am 2a.m. no ines resti. Diarreah het immer no niemer 😱 aber scheisse schlafä isch chli müehsam, so 2-4h klappets nume 😅 no idea why.

    Ha no probiert ä Safari z organisiere im Tadoba NP, bi kläglech gschotteret wiu o das me oder weniger usbuechet isch gsi, respektiv nur no fürne haube tag kapazität hät gha, u das rendiert nid in anbetracht dases 2 inlandflüg mitsäch zieht.

    Iz gömer ine angere Park, übernä 4 tägigi vou organisierti tour, si vo Goa nach Delhi gflogä    Read more

    See translation
  • Marco Berger2025 - IndienMarco Berger

    Delhi

    December 12, 2025 in India ⋅ ☀️ 16 °C

    Kollege chatGPT het gmeint Delhi sig hektischer aus Mumbai, dä idruck isch gad bestätigt worde bir fahrt i üses 4-* hotel wo 18.- pro macht kostet het. Es richtigs kloake hotel ischs gsi 😂 schimmu, dräck, risigi fläcke ufem bett.. gschääch nüd schlimmers 😅

    Hei när recht lang es resti gsuecht wo tschörtschi sine asprüch genügt 😂 aber es isch (oh wunder) uuuultradeliiicous gsi 🥰

    Am tag darauf simer abgholt worde uf üsi 4-Tagestour. Dr erst tag isch delhi gsi: zersch ä Sikh-Tämpu, isch no spezieu gsi, när miter ritschka (ä typ wonis mitem velo zogä het, het vei chli müese pedalliere 😂

    Mit däm simer i gwürzmarkt, sehr cool gsi. U natürlech ine tourishop gfüehrt worde wosi nis usgno hei 😂

    Mir si chli spät gstartet. Drum heimer nachere lange fahrt zumne angere temple (nacheme ausgiebigen zmittag am haubi 4i) scho zue gha. Profis wisis organisiert hei😅

    Aber isch ok, mir hei när no 3.5h uf agra müesse fahrä. Dert geits mirn eiter mitem Taj.

    Ir outofahrt heimer no spili gspiut, di augeneini spielesiegerrangliste füehre ig a, aber jönu hets guessing gane gwunne im outo (drfür heter dr 💩😂). Mir het delhi sehr guet gfaue    Read more

    See translation
  • Marco Berger2025 - IndienMarco Berger

    Agra: Taj Mahal

    December 13, 2025 in India ⋅ ☀️ 18 °C

    Gester simer in Agra aacho u nachem usschlafe direkt zum Taj Mahal. Isch scho sehr iidrücklech 🤩
    Ner simer zum Agra Fort u ga zmittag ässä.

    Är hetnis ines bonze restaurant wöue fürhrä, hei gseit er söu zumne billigere fahre
    Di tour allgemein isch chli komisch, respektiv müehsam. Si fahre nis immer wider zu orte wosi zeigä wime öbis härsteut, z.b. kashmir techinä, u nach 20 sekunde erklärä fat es verchoufsgspräch a 🫠 si heinis TOP OF THE TOP kashmir wöu vervhoufe, vo öbisem wo im lade überau bilder hange, abers offebar gar nid würklech git 😂

    När simer 5+ stung witergfahre nach Ranthambore. Womer morn früe uf Safari gö    Read more

    See translation
  • Marco Berger2025 - IndienMarco Berger

    Ranthambure NP

    December 14, 2025 in India ⋅ ☀️ 11 °C

    Hüt isch Safari ufem Programm im Ranthambure nationaupark.
    A grösserepark mit verschidnigä zone wome usglost zuetreilt bechunnt.

    Ä Bengalischä Tiger z gse, isch wasi wüürk no ha wöue gse, u je nach zone hetme gueti oder fasch unmöglechi chance. Mir hei zum glück ä gueti verwütecht womer miteme grössere charä voupackt mit inder d safari gstartet hei.
    Mir hei gad 2 wiiblevhi Tiger aus nächster nähe gse 🤩😍 es si würk sehr schöni tier 🥰 hetsech glohnt.

    Hei när änlängi mittagspause gmacht bis zur 2e safari. Dert simer ine Zone iiteilt worde wod Tiger-Chance äuä 0.1% isch 😅 drfür hets viu angeri tier gha wome dasmau o drfür aghaute het.

    Gueti sach gsi dä park, sicher z highlight näbster chuchi.

    Ha iz afa chränkele (oh wunder).

    Am abä darum ner nüm viu gmacht, u imne horrorbett übernachtet wo mehrmaus zämäbroche isch ir nacht. Aber drfür hets mau ke schimmu 😅    Read more

    See translation
  • Marco Berger2025 - IndienMarco Berger

    Jaipur & Ab nach Dubai

    December 15, 2025 in India ⋅ ☀️ 17 °C

    Dr läng tag mit Tour u witerreis isch cho, und ig u Jönu si beidi so haub chrank gsi 🫠
    Zersch simer mitem Guide zumne Fort, zumne attrapehuus u no zumne see.
    D guides si zum teil (hani gloub scho erwähnt) rächt müehsam gsi, är het üs o wider zwunge es 5-Stern review z gä bevorer üs usem auto het gla, het öbis gseit vo wege schüsch bechunnter si lohn nid 😏

    När het di grossi reiserei widermau agfange 😅 zersch 4h a flughafe - viu z früe dert gsi - ufe Flug gwartet - verspätig - 4h flüge - när no mitem Taxi vo Abu Dhabi nach Dubai.

    Am 4i am Morge simer aacho, ufgstange am 8i am morge vom Vortag. Das aues weme chrank isch, trust me, isch dr horror gsi 😬

    Ok - aber nümme z indie? Ja. Mir hei üs ä pitstop i dä Emiratä initiau scho überleit, aber när nid so buechet. Während indie heimer aber lang diskutiert us när doch entsprechend umbuechet u dä kontrast auf allen ebenen iz doch no iiboue. Faus mir wider gsung wärdä, weimer hie chli die sache mache womer letscht jahr in indonesiä o gfiiret hei: Billard, Quad, Kart u so.

    Drum hie no mis VERDIKT zu Indiä:

    Menschen: 6.5
    Kultur: 6.5
    Essen: 10
    Natur: 7.5
    Temperaturen Dezember: 9

    Total: 7.5

    Ausgaben pro Woche exkl. Flüge: ca 700.-    Read more

    See translation
  • Marco Berger2025 - IndienMarco Berger

    Dubai & Istanbul

    Dec 16–19, 2025 in the United Arab Emirates ⋅ ⛅ 25 °C

    😂 weiss gar nid wo aafa.

    Aso Dubai isch nach wi vor ä richtig geili stadt. Mir hei vorallem entertainment gmacht:

    - Es Horrorhuus mit Schouspiler: immer wider es highlight 😂 (siehe video)
    - e quizz-show mit Buzzers womer nis duelliert hei, tschörtschi het unerwarteterwiis gwunnä 😡 aber sehr lustig 😂
    - es schrecklechs minigolf wo d närve überstrapaziert het
    - tüürs bier trunke
    - Es schreckläch übertüürets "Art experience"
    - Geilä äthiopischä food gässä

    Und ewig lang gshoppet ir Dubai Mall unger Tschörtschi sire beratig.

    In dubai rägnets eigentlich fasch nie. A 2 täg heimer nieselregen gha. U a 1m tag hets nume abeglaa. D stadt isch nid für das usgleit, issch aus verstopft gsi. U windwarnige heimer becho, u paar stungvorem abflug heimer d meldigbecho das üse flug storniert isch wordä 🫶 när heimer umbuechet ufne früechere flug u agfange packä.
    Uf google flights hani gse: dr neu flug het 10 stung verspätig, aber offizieu heisi nis nid informiert. Auso usgschlaafä u a flughafä zum usefinge dasmer no meh verspätig hei.
    Nachembmne witere ewig längä reisetag simeracho, aber nid in zürich, sondern istanbul, dr aschlussflug heimer natürlech verpasst. Ewig lang aasta heisi nid gseit dasmer am folgetag früe chöi flüge, u heinis es hotel organisiert. Churzi nacht in istanbul u bevor mer z taxi hei gno hani hurti checkt ob dr flug pünktlech isch: Yes, auso los.
    Am flughafe aacho: Delay 😂😂😂
    Iz hocker mer wider in flughafe u warte.
    I gloub hüt söts klappä mit heicho.

    I flüge nie meh 😅    Read more

    See translation
    Trip end
    December 19, 2025