City Reach

Mir hei hüt z'wüsche 9:00 und 10:00 üse Camper müese abgä in Vancouver.
Alles isch ribigslos verlofe, die ganze sach isch i öbe 15 gmacht gsi.
Mir hei denkt das geit de viu lenger aber umso besser hei mir denkt.
Mir hei de e Uber pstellt das mir vo dert us it Stadt mitti chöme.
Da mir leider üses Airbnb ersch uf di 16:00 hei chöne bezie si mir z'ersch mit üsem ganze Gepäck ines Kaffi und hei dert chli organisiert was, wie, wenn ,wo.
Churzum isch Mittag gsi, mir hei üsi 7-Sache packt und si de ines Resti ga öbis feins esse.
Iz si nur no 2h zum überbrücke, de simer ine Park ghoket und hei "hänkertlispiu" gspiut oder "schiffliversänke" oder " Ich sehe was, was du nicht siehst"
ja somit isch Zit de ou im nu verbi gsi und mir si i üses schöne Apartment.
Mir hei üs i gtrichtet und hei de öbis henne feins kochet.Read more