Mount Timothy

Hüt si mir ga luege wo mir de im 2025 üsi wüchige Winterferie verbringe!😜 Im Skigebiet Mt. Timothy. Nume 1.5 Std Outofahrt!
Im Winter muess das wunderschön si. Taustation vo dä Sässulifte isch uf 1350 m u ände uf 1600 m.
Zum Übernachte het neui Cabins ghä. 200 CAD pro Nacht (4 Persone).
Zu üser Überraschig het ds Restourant offe gha.
Mir hei uf üses Pic Nick verzichtet u hei feini Poulet Strips u Ognionsrings u Quesadillas mit Ognionsring gässe.
Wiu ir Gägend ä grosse Schwarzbär u ä Grizzlimueter mit ämä Junge umestrielet, heimer ufene grösseri Wanderig verzichtet.

Ufem Rückwäg simer no bim Dugan Lake Recriation Site ä chline Spaziergang ha mache.

Ds Znacht hets du üses Pick Nick ghä. Das heimer uf dr Terrasse gässe u hei dr schön Sunneungergang gnosse.

Übrigens:
Am 1. Apriu 2023 wo ds Schigebiet zu het da, isches -1 Grad gsi u het no über 2 Meter Schnee gha, das si Zuestäng.Les mer