Lubenice

Umzzumzzumzz ertönts us de chuchi am 8i am morge. Da sind wohl zwei früehi Reisevögel mit luuter EDM Musig am Pancakes vorbereite. Nach em gmüetliche Zmorge ufem Balkon gahts au scho los mit de wilde Fahrt. S hütige Ziel isch d Insel Cres. Damit mier bi de Überquerig vom Meer nid untergönd hend mier üs es Floss mit Motor zur Überfahrt gsicheret.

Uf de Insle Cres acho, hemmer nach ere staubige Fahrt uf sehr enge Strasse am Mittag Lubenice erreicht, emene Mini-Dörfli mitten im Nirgendwo. Det hemmer graschtet, es paar schöni Föteli gschosse und es vorzüglichs Käsesandwich gnosse (Nicht. Die 35 Chlatte währed sogar im Puff besser ufghobe gsii).
Später hemmer in Osor no en chlini Kaffi-Pause igleid. De Kaffepriis hed üs alli hert troffe, so hemmer für 5 Espresso läppischi 6.5 Euro zahlt, das het üses Tagesbudget wieder grettet :)Baca lagi