Wüste und Ostküste Oman

Hallo i bins wider amol enker Rene... Nochdem dass mor insere leste Nocht lei a poor meter neben dor stroße verbrocht hobn, weil mor koan besseren Plotz gfuntn hobn ischs losgongen richtung dor Stot Nizwa. Dor Tog hot ungfongen indem mir ins des Stattl sein Morkt und sein berühmstes Schloss awia ungshaug hobn. Zu Mittog homors ins guat gian glossn und richtig traditionelles Omani essen gessn... Inser eigentliches Ziel von Tog wor ober di 300km longe Wüste zu durchqueren und bis auf di Küste oi zu fohren. Noch Stunden longor fohrt wo mor koane Menschensehle sondern lei wilde Kamele gsegn hoben, homor sel logischerweise a gschofft. A netts Platzl neben di gonzen Fischer homor nor a no zum schlofn gfuntn.

In negsten Tog sein mor fria gstartet richtung Hofen wo mor nocher inkl, Wortezeit und Fohrtzeit 4 Stund orbeit kop hobn af di kloane Insel Masirah zu schiffen... Dor Grund af der Insel zu fohren worn di endloden weißen Sondstrände wo wirklich KOAN Mensch isch... Gfuntn homorse, und inser Auto leider ah, stecken seinmor in Sond geblieben. Aloane auserkemmen wor unmöglich. Nochdem dassi fost 2 Stunden ins probiert hon frei zu schaufeln und di Lisa dorweil af dor Stroße noch Hilfe suachen gingen isch, sein 3 pensionierte Omani kemmn. Di sem hobn ins a nt viel helfen gekennt, ober ihmem Kolleg a richtiger beduinen Oman (Ureinwohner) hot ins noch mehreren Versuchen und Soalbrüchen mit sein goldenen Nissan Pickup, der laut wor wia a Ponzer und ungefair a di gleiche kroft kop hot, auser gezogen. Fost in gonzen Tog homor mit der Aktion gebraucht, ober an schianen schwottler af de einsamen Strände und a guate Obendessen homor ins noch den Tog nimmer endgian glossn.

In Tog drauf seinmor wider zrug ummi schifft afs Festlond.(dermol innerholb awia kürzere Zeit)
Küste endlong seinmor aui gfohren bis zum östlichsten Punkt Omans. Sem sein mor nocher afn Turtle Beach schwimmen gongen und homs ins richtig guat gian glossn. A haufen Schildkrötenlöcher sein sem wosi ihre Goggelen übernocht legen. Deswegn homor sem leider nocher a nt schlofen geterft, und sein von de Aufpasser verschikt worden. Sel homor nocher wideramol a poor Meter neben a wianig befohrenen Stroßen.

Enkre Gestrondeten Freunde

Rene & LisaRead more