First day's in Delhi INDIA

Laut, Chaotisch, Nervenaufreiben und Verdreckt, des sein lei einige Adjektive de af de Stotd 1 zu 1 zuatreffn. Di ersten 2 Stunden homor shun amol mit ondere hunderte leit bei dor sicherheitskontrolle, wos fost zu a schlägerei kemmem waret, verbrocht.
Um holbe 6e in dor fria nocher drausn fan flughofen, sein mor zu inserer ersten Unterkunft gfohren, wos mittlt in Rotlichtmileu isch(hot ins erst dor Taxi Fohrer gsog)... Di Unterkünfte sein do olle ähnlich: dreckig, koane richtige Dusche, koan Klopapier und a stoanhörte Madrotze... Di Ungstelltn olle recht freundlich und hilfsbereit.
Mir hoben awia Zeit gebraucht um zu verstian wia des do in indien funktionert. I konn enk mit sicherheit sogen VERTRAUT NIAMEMD, GOR NIAMEMD!!!! ⭐ JEDER will oan eppes undrahnen probiert oan zu überreden sem eppes zu buachen oder si keksn di un wegn Geld oder Fotos mochen... Wenn men so durch di Stott geat ischs extrem laut weil jeder ohne Grund ständig hupet, wia wenn sel oanfoch normal waret. Es gib überoll kloane standler wo men eppes essen konn und is Streetfood fa Indien genießen konn. Man riacht oft shun fa weiten wia viel do gewürz drin isch oder wia schorf dasses isch, oke wenn men ignoriert dasses oft noch pisse riacht weil jeder nieder fetzt wo er will und es oanfoch stinkt weil sooo a dreckige luft isch dass men lei gonz triab segen konn, wia ba ins in dor fria wenns neblig isch. Ahh und joh Müll und dreckiges Wosser isch a überoll manond.

Oke es denkt enk iaz sicher, wos tiates überhaup do nocher no, fohrt irgentwo shianeres hin... Des sein amol de Sochen wos Indien in a net guaten Liacht dorstian losst. OBER die Geräusche, Gerüche, die Menschen und generell ihmene Lifstyle isch einmalig, und muas men af jeden Foll amol gsgen hoben. Die Kultur mit dor Religion und mit die gonzen Gebäude zusommen bring so viel Gefühl, wos ins verstian losst wiso jeder sog Indien isch wirklich besunders und isch gonz a klasse für sich.
Mir wellen iaz no net zu viel übers gonze Lond beurteilen, sondern kennen de sochen amol fa Delhi behaupten. Weil ins isch gsog worden man braucht a gonzes Leben long um Indien kennen zu lernen und um is leben do zu verstian. Obgsegn fa insere Eindrücke homor logisch shun di holbe Stodt ohgeklappert und ins di besten Platzler a shun ungshaug wia is Indien Gate, Lotustempel, Lodigärten, viele Bazaare, a haufen Tempel, und logisch di Essensstantler.

⭐Wia es wisst hoben di Lisa und I fa niamend Ongst und hoben ins decht zu de schwindligen Typen zui getraut... Folls olls glott laft seg es ban negsten Post insere nuin abenteuer, und folls net segn mor ins boll wieder dorhoam😉😉

Enkre aus guaten Holz gschnitzelten Freunde

Rene&LisaRead more