Kafr Ghaţāţī

Guet vorbereitet und voller vorfreud fahred mier ägstra gnuegfrüeh a Flughafe Zürich.... Zum Glück!

Mit vorfreud uf es chlises Apero nachem Security Check, wemmer nurno gschwind üses Gepäck ufgäh. Leider wirds det scho komplizierter und üs wird gseit das mir (anders als üs s Reisebüro gseit het) trozdem en Negative PCR Test bruched. Nachdem mir de "Speed-Testschalter" bsuecht hend, warted mir nurno uf üses Ergäbnis wo Zuegmailed set wärde... Und warted und warted.... Am Schalter sägeds üs, s Gepäck chame bis zunere halb Stund devor no ufgäh, aber das gad erst wenn mir de Negativ Test hend.
▪️20:45Uhr: (no 40min bis zum Flug) :de Mario gad is Testzenter go frage, wo üsi Ergäbnis blibed
▪️20:48 Negativs Ergäbnis becho.
▪️20:50: De Mario seckled zum Testzenter, will sie üs säged mir mönds Usdruckt vorwiise, sust gilteds nid.
▪️20:55 s Testzenter nimmts gmüetlich, d Mitarbeiter bi de Gepäckufgab fönd ah über verschiedni sache lestere
▪️21:00 De Mario chund agrennt 🏃‍♂️
▪️21:05 Gepäck ufgäh
▪️21:10 Security Check ✅
▪️21:15 🏃‍♂️🏃‍♀️ Ankunft Gate, sie warted scho uf üs und die liebi Stuardess seid: "ah kei Stress, Sie sind noned z Spat"
▪️ 21:25 Abflug wie plant (nur e chli verschwitzer, durstiger und Hungriger als Plant)

De flug verlauft problemlos und so chömed mir sogar chli früener in Kairo ah. Det warted scho en Fründliche Herr mitmene Schild wo üsi Näme druff stönd. Er füerd üs vo Schlange zu schlange so das mir schlussändlich mit Visa dur vier Passkontrolle chömed. S isch 02:15 und während mir uf üses Gepäck warted, macht sich langsam d Müedigkeit breit. Mier sind froh, hend mier s uf de Flug gschafft und so gmerked mir langsam, dases üses Gepäck wohl nid gschafft het. Üse fründlich Herr mitem Schild regled zum glück alles und telefoniert mit üsem Gepäck wo in Züri hange blube isch. S set alles morn is Hotel gschickt wärde. (hoffentlich 🤞)
Immerno top Motiviert begleited er üs dur die letst Kontrolle use zum ne grosse Holperbüssli, wo er und sin Fahrer üs zu üsem Hotel bringed. Er erklährt üs die wichtigste Regle vo Ägypte und reded über üsi bevorstehende Toure. Sogar am Hotel Checkin hilfter üs und so sind mir am morge am 04:00 müed, glücklich und no bitzli dur de Wind i üsem Hotelzimmerbett.Read more