Salu Bungin

Bevors hüt morge zu de Beerdigung vomene Dorf-Anfüehrer gange isch, hend mir amene Tiermarkt en Bsuech abgstattet. Do werdet Büffel wie au Saue kauft, zum als Gabe anere Beerdigung zge. Imene abglegene Dörfli acho, sind mir gfühlt inere andere Welt glandet. De Toti isch einmol ums ganze Dorf transportiert worde und währenddessen sind d Saue gschlachtet und usenand gno worde. Denn das wird au allne Gäst zum Zmittag serviert. Als er zruckbrocht worde isch, isch es ei Fest gsi und mer het de Toti gfiiret. Im Aschluss hets den Zmittag ge, wo mir mit emene Teil vode enge Familie het dörfe esse. Mir hend üs debii aber meh uf de Riis konzentriert wie ufs Fleisch. Am Schluss sind mir au no Züüge vom für mii schlimmste Bruch vode Toraja worde. Vor üsne Auge sind zwei riese Büffel brutal gschlachtet worde. Für sie isch das Normal aber für mich doch sehr schockierend. Und will das d Beerdigung vomene hoche Mensch gsi isch, werdet rund 45 Büffel gschlachtet, damit er de Weg in Himmel findet.

Fazit: es isch sehr spannend gsi, die Kultur nöcher kennezlerne. Es isch aber au biz schockierend da eifach so mitzerlebe. Die Iiheimische hend aber uu freud wenn öbber vo so wiit weg sich für ihri Kultur interessiert. Trotzdem bini glaub froh wenns morn wiiter goht noch Zentral Sulawesi.

Achtung Triggerwarnung: Bilder chönt für Tierliebhaber schockierend sie…Meer informatie