Portugal Roadtrip 2023 | FindPenguins

Newest first

Trip start
September 9, 2023
Portugal Roadtrip 2023 Traveler
Porto 🍷
September 9, 2023 in Portugal ⋅ 🌧 22 °C
Die erste zwöi Täg vo üsem Roadtrip heimer in Porto verbracht und‘s üs kulinarisch la guet gah. Mir hei Portwyy und Super Bock trunke, Pastels de Nata gässe und ä Insidertipp (Francesinha) usprobiert. Näbebii heimer die schöni Stadt im Norde vo Portugal z‘Fuess und via Metro erkundet und so nid nur feiechli viu Schritte sondern ou einigi Höhemeter zrüg gleit.Read more
See translation
Travelerim kulinarische himmel 😍
9/12/23ReplyTranslate
Travelerja 🥰 danke fürt insider tipps ☝🏼
9/12/23ReplyTranslate
TravelerGniesses
9/12/23Reply
Travelermache mir danke 🥰
9/12/23ReplyTranslate
7 likes
Portugal Roadtrip 2023 Traveler
Nazaré 🌊
September 11, 2023 in Portugal ⋅ ☀️ 22 °C
Am 3. Tag in Portugal isch üse Roadtrip ändlech losgange. Pünktlech wiene Schwizer Uhr simer am 11:30 Uhr am Schalter vo Hertz gstange. Ds Outo heimer schlussändlech ersch am 13:00 Uhr gha, einersits wöu mini Kreditcharte nid isch gange (ig ha no ä offeni Rächnig vo CHF 4‘000 gha 😵‍💫) und angersits wöu vor üs no öpe 20 angeri Lüt dranne si gsi.

Dank ere sehr verständnisvoue Mitarbeiterin und viu Geduld ischs de när glich ändlech i Richtig Süde gange und mir hei öpe 2-3h speter üses Airbnb in Nazaré mit bestem Blick ufe Strand chönne bezieh.

Zum Glück hets abe ah Strand äs Standseilbähndli à la Gurte gha, de heimer die Höhemeter i paar wenige Minute chönne bezwinge und dr Nami am Strand chönne gniesse u ahschliessend dr Tag miteme Bierli bim Sunneungergang chönne la usklinge.Read more
See translation
7 likes
Portugal Roadtrip 2023 Traveler
Nazaré - Peniche - Lissabon 🚗
September 12, 2023 in Portugal ⋅ ☀️ 22 °C
Dr hütig Tag heimer früeh gstartet und si gah dr berüehmt „big surf spot“ und dr Lüchtturm vo Nazaré gah aluege. Die Wäue womer hei gseh, si scho sehr idrücklech gsi aber es isch fasch unvorsteubar, dass es hie im Winter Wäue vo bis zu 30m (!) git. Dank emne Ungerwasser Canyon gits hie nämlech düre Winter u bi stürmigem Wätter die höchste Wäue vor Wäut. Dr Rekord vor höchste Wäue wo hie je gsurft isch worde ligt bi wahnsinnige 26m.

Am Vormittag heimer ds härzige Örtli verlah u si richtig Lissabon düset, ungerwägs heimer üs in Peniche am Strand scho dr erst Sunnebrand igfange wöu mä sech ja nid muess icreme, wenns bewöukt isch.

Uf Lissabon ine z‘fahre isch für zwöi eher ungüebti Autofahrer ä mittelgrossi Herusforderig gsi, aber mir si mit üsem Nissan Qashqai unfallfrei und lebändig ir Houptstadt ahcho.Read more
See translation
8 likes
Portugal Roadtrip 2023 Traveler
Lissabon 🚋
September 12, 2023 in Portugal ⋅ ⛅ 25 °C
Nachdäm mir dr Verchers Stress hei verarbeitet hei mir die schöni Stadt Lissabon erkundet. Mir si meh oder weniger per Zuefau i die beide bekannte Stadtteile Alfama und Bairro Alto spaziert und hei viu g’aperölet und z schöne Wätter gnosse.

Mir hei üs ou ä Fahrt mitem klassische aute Tram vor Linie 28 nid lah entgah, obwou mir öpe ä Stung si ahgstange für
das. Anschliessend simer nochli dürt Gasse geschlendert und heis üs wieder kulinarisch lah guet gah - dasmau sogar mit Fisch. Ize fröie mir üs druf, dass es morn ändlech richtig Algarve geit.Read more
See translation
7 likes
Portugal Roadtrip 2023 Traveler
Lissabon - Algarve 🚗
September 14, 2023 in Portugal ⋅ ⛅ 25 °C
Hüt hei mir t‘Grossstadt wieder verlah und si nach guet 3h Fahrt ir schöne Algarve ahcho. Mir hei üs für die nächste 3 Nächt imne Airbnb in Lagos iquartiert und erkunde vo hie us t‘Gägend.

Am Namitag hei mirs aber zersch chli gmüetlech gno und am Strand wo quasi vor dr Hustür ligt ah üsere Brüni gschaffet, bevor mir am Aabe z‘hübsche Stedtli hei erkundet.Read more
See translation
6 likes
Portugal Roadtrip 2023 Traveler
Faro 🌭 & Lagos 🏖️
September 15, 2023 in Portugal ⋅ ☁️ 22 °C
Hüt simer westwärts bis nach Faro und no witer gfahre und zwar zum Cabo de São Vicente - dr südwestlechst Punkt vom europäische Festland. Ig ha einersits natürlech die schöni Ussicht wöue bewundere, aber weni ehrlech bi de bini eigentlech primär wäg dr Wurstbude dahäre cho. Vor über 25 Jahr hei nämlech zwöi Dütschi hie ä Wurststand mit dütsche Bratwürst eröffnet und dä „Die letzte Bratwurst vor Amerika“ gnennt - Marketing at its best! Und d‘Wurst isch auso oh sehr fein gsi.

Mir si när dr glich Wäg auess zrüg wieder uf Lagos zu dä berüehmte Klippe und Felsformatione „Ponta da Piedade“ gfahre. Dert heimer aber ke Parkplatz gfunge drum simer zrüg zu üsem Airbnb und hei es Bolt bsteut (z’gliche wie Uber).

Mir hei eigentlech vor gha, bi dene Klippene irgendwo ah Strand z‘gah aber heis nid gschafft dr richtig Stäg z‘finge… 😂 Drum simer irgendwenn wieder ah üsem Huustrand glandet u probieres morn nomau ä nöie Strand z‘entdecke.Read more
See translation
6 likes
Portugal Roadtrip 2023 Traveler
Lagos ☔️
September 16, 2023 in Portugal ⋅ ☁️ 22 °C
Us üsem plante Strandtag isch leider ä Schlaf-Netflix-Spiel-Spaziertag worde, wöus düre Tag fasch nume grägnet het.

Es het när aber gäge Aabe glich nochli uftah, drum heimer Lagos nomau chönne erkunde, bevors am nächste Tag scho ah die letsti Destination vo üsere Reis geit.Read more
See translation
4 likes
Portugal Roadtrip 2023 Traveler
Albufeira 🎉
September 17, 2023 in Portugal ⋅ 🌬 23 °C
Uf üsem letste Stopp simer im britische Touristeörtli Albufeira glandet, hie ghörtme british english und gseht t‘UK Flagge praktisch ah jedem Egge und z‘ässe gits ungerangerem ou english breakfast oder meat pies.

Z‘Städtli und dr Strand si aber glich no hübsch und die crazy Engländer chöi no guet Party mache, drum gniesse mir üsi letste Täg in Portugal mit dä Brite trotzdäm no sehr.Read more
See translation
Travelerfockin‘ amazing mate
9/18/23Reply
Travelersi ds nid t aussies?🤣
9/18/23Reply
Travelerguete punkt😂
9/18/23ReplyTranslate
Travelergloub scho ou d britte 😂☝🏻
9/18/23ReplyTranslate
Travelergive me a jug of your finest ale aight
9/18/23Reply
4 likes
Portugal Roadtrip 2023 Traveler
Benagil Caves & Golfinhos 🐬
September 19, 2023 in Portugal ⋅ ☀️ 24 °C
Füre letst Tag in Albufeira hani Rüfi no zure Touri Tour chönne überschnurre, aber är hät z Gäud äuä lieber für witeri 4 Mojitos usgäh.

Mir si mitemne Katamaran ufs Meer usegfahre und hei dert ganz viu Golfinhos (Delfine) gseh. Ds isch sehr schön und idrücklech gsi, aber haut oh sehr touristisch mit dä angere gfüut 10 Boot wo mit üs ungerwägs si gsi.

Ahschliessend simer die berüehmti Benagil Höhli ga aluege, wieder mit dä besagte 10 angere Boot. Drum hetme oh meh Lüt aus Höhli gseh wöume mitem Katamaran eigentlech ou nid würklech het chönne ine fahre. Aber t Föteli uf Google gseh oh sehr schön us. 😉 Mir si när ar Küste entlang zrüggfahre und hei no ganz viu schöni Höhline, Klippe und Felse gseh, drum het sech dä Usflug auso glich no glohnt gha.

Iz gniessemr no die letste paar Stung am Strand u hoffe dass eini vo dene viele Sports Bars hüt Aabe dr YB Match live übertreit.Read more
See translation
TravelerHesch di Huet oh dert kouft? 😂 Hamer dä z Madeira postet 😜
9/19/23Reply
Travelerisch Rüfi sine, dä het sech grad 2 gönnt zu däm Schnäppli Priis 😂 oh vom Lade mit dr Chueh? 🤪
9/19/23ReplyTranslate
TravelerJup, genau vo däm Lade 😂 hamer ebe oh denkt, sig es huere schnäppli 😜
9/19/23ReplyTranslate
Travelerso guet 💪🏼😂
9/19/23Reply
5 likes

Trip end
September 20, 2023