Barkerville

3 августа 2023 г., Канада ⋅ ☁️ 16 °C

Nachere gut stündige Outofahrt bin i ds Barkerville acho. Das ische ä auti Goudgräberstadt..

Barkerville isch ab 1863 dr Houptort vom Cariboo-Goudrusch gsi u ligt öppe 80 km östläch vo Quesnel im Quesnel-Hochland bi de Cariboo- Mountains.
1924 isch Barkerville zur Nationale Gschichts-Stätt erklärt worde.
Sit 1958 wird Barkerville loufend restouriert u ihri Gschicht erforscht.

Äs isch sehr idrückläch u intressant gsi, ds gseh, wie die zu dere Zyt gläbt hei u wie die Sadt boue isch gsi.
Äs het fasch überau us Houtz erhöhti „Trottoir“ , dass me, wes so richtig nass u moraschtig isch gsi, chli besser u einigermasse suber vorwärts isch cho. Da i Senior bi, hani 5$ weniger Itritt müesse zahle😃😜
Übernachte chame i eim aute Hotel o! Het leider kess Zimmer me frei gha. So bini du haut wieder 3 Stung uf Horsefly gfahre. 🤣

Bi am viertu ab Sächsi acho u mir zum zNacht no Räschte mit Salat gmacht.Читать далее