Usflug….

Hüt am Morge früsch verschneit. Gseht zouberhaft us! Settige trochene Schnee hani scho lang nüm gseh. Eifach furtblase.

Die geschtrige Wanderig het guet ta. Hüt no grad einisch.
Aber das Mau gömer uf Williams Lake. Nach äre Stung Outofahrt heimer am haubi Eufi dr Bull Mountain Cross Country Ski Trail erreicht. Super Langlouf -Löipe, Langlouf-Löipe mit Hung oder Schneeschuehtrail.
Mir hei dr Schneeschuetrail aus Winterwanderwäg brucht😜😅.. Super gsi. Villächt gömer no einisch u mache de dr läng Schneeschuetrail.
We mir no mau im Winter uf Horsefly sötte ga, wird d’Langlouf-Usrüschtig (ohni Schi, chame miete) mitgnoh!

Uf dr Rückfahrt simer ds Williams Lake öppis chlise ga ässe (Fox Moutain Brew ) u nächhär no ga ichoufe. Isch scho fischter gsi wo mir du daheim si gsi!Baca selengkapnya