Wandere u de no…

Ds Wätter sött hüt schön wärde. Wei ä chlini Wanderig in Williams Lake mache.
Zersch ids Tourist Center ga frage wo mir so ä Wanderig, nid zläng, bi -18 Grad, chöi mache? Ds Williams Lake isches cheuter gsi weder ds Horsefly. Im Scout Island Nature Center (ä chlini Haubinsu) isch dr Vorschlag gsi.

Hei no grad einisch Ungerlage vo Vancouver Island u Northern BC mitgno.
Ganz schöni Wanderig, um die Insle ume, teuwies sogar ufem See.
Im Summer söus dert no schöner si, we Pflanze blühe. Viu verschiedeni Tier söu me o gseh.

Nach üsem stündige Spaziergang simer no zur Outoversicherig. D‘Martina het no müesse aus zuesätzläche Fahrer vom Pickup itreit wärde. Bi Kontrouene etc. söus besser si we si itreit isch. D‘Erklärig lani la si, wär viu zläng.Read more