Märit u chli si…

Ha wöue d‘Outo vom Huus wägsteue, isch ja nüm nötig, äs sött nüme gfrühre . Aber dr Subaru het uf dr rächte Site fasch Bladi gha. Mau luege ob ig öppis wine Pumpi im Chäuer finge. Ä Zwöichoube-Fuesspumpi hets gha. Aber dä het gli dr Geischt ufgäh. Zersch dr eint, nächhär dr anger Choube.
Auso am Mäntig uf Williams Lake für ä Pumpi ga luege. Am Sunntig hani angers im Sinn.

Jede Samischtig is im Dorf ä Farmer-Market. Brötli, Eier u igmachti Gurke hani kouft. D‘Eier si sogar grösser u biuiger aus im Supermarkt gsi, 6 CAD (3.60 Fr.) für 12 Eier. Morn wird Qualität teschtet.

Bis itz si no keni Vögu bim Voguhüsli cho frässe.
Ä chline Chipmunck isch ds erschte Tier wo isch cho d¨Sunneblueme gniesse.

Ha am Namittag uf dr Terrasse chli chillet.

Am Abe bini mit Esther u Beat im wieder eröffnete Anvil-Pub gsi. Fein gässe heimer. Me über ds Anvil-Pup später ä mau.

Hüt isch rächt warm u wächsuhafti Bewöukig gsi, 23 Grad, u am Abe am haubi Eufi immer no 15 Grad! d‘Vegation hie isch öppe angehaub Monet im hingerdri. d‘Söublueme si ersch itz schön gäub.Baca lagi