Produziere, teschte u äs Missgschick..

Hüt hani ä Produktionsmorge gha.
Mis Fleischgwürz u Chrütersauz hani gmacht. Chame o im Camper de guet bruche.
Ä Mini Bacon Pie isch o kreiert worde u gmischti Hamburger gwürzt (Rind/Schwinigs) hani o äs paar uf Reservärve gmacht..

Gas für d’Heizig/Warmwasser isch bsteut. Itz het no Platzt für ä Gasschluch zum Tank müesse gmacht wärde. Mit dr Motorsagi u äm Fademäiher isch das kes Problem gsi.

Ds Highlight oder MIssgschick isch bim Grille passiert. Da d‘Insekteschiebtür kaputt isch muess mä immer d‘Schiebtür uf Terrasse zutue. Aues isch tip top gange. Doch einisch hani die Schiebtür nüm chönne uftue, dr Rigu isch igschnappet (söt eigentlich nid passiere).
Ha ghofft, das ig d‘Huustür no nid verrieglet ha. Isch du nüt gsi. Da i mini Kreation Mini Bacon Pie u d‘Hamburger ha wöue fotografiere isch ds iPhone (süsch äua o) uf Ma gsi. Facebook isch Dank. Ha a Esther u Beat per Facebook mini misslächi Lag chöne mitteile.
Dr „Schlüssuservice“ isch nach 20 Minute mi cho entpanne. Äs Glächter vo Beat isch mir sicher gsi. MIt äm Nachtässe het‘s doch no klappet.🤣
Dr Mini Bacon Pie u dr Hamburger si fein gsi.

.Leia mais