Wösche, putze, röike…

Äs isch Räge agseit gsi u wäge däm hani hüt d Bettwösch vom Winter gwäsche. Tüecher mit dene mir aube Postergruppe u d Sässle zudecke hei o müsse dra gloube. Ha ja nüt chönne verpasse.

Ha di zwöi chlini Teppich vor Chuchi uf Terrasse usegleit u wo dr Räge cho ischt hani mit ä chli Wöschmittu die Teppiche gschruppt u dr Räge het mitghuefe d Teppiche z spüele.

Im Chäuer hets no ä chline elektrische Röucherofe gha, dä hani scho lang wöue usprobiere.
Ä Pouletbruscht isch mis Teschtstück gsi. Röikihouz hani im Chäuer o no gfunge.
Drü Stung isch d Bruscht im Ofe gsi. Im Dampfgarer isch Pouletbruscht no fertig „kochet“ worde. Morn zum z Morge wird d Bruscht teschtet.

Hüt am Abe isch plötzläch ds schönscht Wätter gsi. Bi no chli uf dr Terrasse gsi u de hani no Bsuech vom ä ne Eichhörnli übercho. Isch gar nid schüch gsi!Weiterlesen