Banff…

Hüt nid so früeh uf..☺️
Schwarz- u Grauwasser am Platz glärt. Früschwassertank nachem abhänke vom Citywasser ufgfüut.
Nächhär uf Golden no dr Camper ga tanke. O mit 133 lt Bänzin isch dä cheibe Tank nid vou gsi.

Dr nächscht Haut isch bi dä spiral tunnels gsi. zwöi Chertunnle wie d Chertunnle bi Wasse. Nach däm Vorbiud si o die zwöi spiral tunnels bout worde.
Die Züg si so läng, We die zwöi lokine zum Tunnu uschöme isch ds Ändi no lang nid im Tunnu.
Ha mau gluegt wie lang dr Zug het bis är bi eim verbi isch gsi. Acht ä haub Minute isch das gange.
Wehe wenn vore Barriere muesch warte!

Dr Lake Louise isch aus nächschts dranne gsi.
Scho fasch kitschig no mit äm Fairmont Chateau.
U die Lüt, wie bim Öschinesee.
Zum Ussichtspunkt heimer natürlach ö müesse gha, dä Usblick , super. Aber o hie, die vile Lüt. Schnäu äs paar Föteli gmacht u die 1 km wieder retour.

U nach dr nächschte Outofahrt si mir du im Tunnel Mountain Village 2 Campground acho. 160 Steuplätz mit Strom hets hie u ir nöchi isch dr
Tunnel Mountain Village 1 Campground mit 618 Steuhplatz aber ohni Strom, riesig!!!

Tierische Bsuech hets o gä. Ä Wpitichue hets sich a dä früsche Bletter gnüssläch gmacht. Viu jungi Strücher hei si wäge dä Tier hie izunet. Ha mi Chrüttergarte nid dusse gla!☺️Read more