Camp Valhalla…

Dr Räge isch nid weniger, u cheuter isches o worde. Knappi 10 Grad isch es eigentlech dr ganz Tag gsi.
Üses Zieu isch ä Campground churz vor dr längschte Gratisfähre vo B.C. in Kootney Bay gsi.
Da dr Räge i däm Gebiet nid weniger hätt söue wärde, hei mir üs entschlosse, id Nöchi vo Nakusp z fahre. Ungerwägs no einisch ikouft, me weiss ja nie!
Isch de haut ä chli ä lengeri Fahrt vo über 5 Stung worde. D Martina isch aues gfahre,
Da mir wieder i Pacific Time gfahre si , hei mir ä Stung gwunne unäs isch nid au zu spät worde.

Im Camp Valhalla, ä viertu Stung vor Naskup, hei mir am Summit Lake ä schöni Site gfunge. Hie blibe mir zwe Nächt. Ds Wätter isch hie o besser aber nid wermer.
Wieder ä mau ke Mobile-Empfang.
Dank üsem Starlink, guete Internetempfang.
Die Wlan uf dä Campgrounds si nid grad starch u nid immer sicher….

Am spätere Abe no äs Campfire gmacht u äs Chäswürschtli brätlet. Ds Bierli het o nid dörfe fähle.

Übrigens: Ds Banff hets hüt sogar gschneit!Læs mere