wösche, Strücher schnide, neui Bewohner.

Wöschtag isch agseit gsi u ds Wätter für ds „Usehänke“ het gstumme.

Uf üserem Zuefahrtswäg gits immer überhängendi Escht vo Böum oder Strücher. Äs het äs paar Escht gha, wo chöi ds Oute ferchraue. Die bi ig ga wäg-sage oder -schnide.
Die grosse „Verschönerig“ vom Wäg mach mir de wes nümm so warm isch.

Übere Mittag simmer uf dr Terrasse gsässe u hei komisch Grüsch über üsne Chöpf ghört.
Äs hinhär Loufe im „Zwüschedach“.
Mir hei gwärweiset was für Viehcher das chönnte si. Für Müüs isch das Täsele z Lut gsi. Chönnte Ratte, Chipmunks oder Squirrel si.
Am Nami hei mir du ä Squirrel gseh imene Egge d Wang vom Huus ufechlätere. Wiu i mit äm Bockleiterli nid ganz ufe gseh ha, hani mit äm iPhone äs Foto gmacht wo das Loch chönnts si. Wos du heisser isch worde, hei plötzläch zwöi junge Squirrel a di früschi Luft müesse.
We de die Junge vor Muetter vertribe wärde, vermache mir das Loch wieder. Die Squirrels gö hinger d Isolation u fö a witeri Wäge z chnabere.

Am Abe heimer dr Griu agworfe. Esther u Beat si cho. Ds Aperitiv heimer uf dr Terrasse gha, gässe du im chüele Huus.Read more