ä Wuche Horsefly isch verbi…..

di erschti Wuche hie isch verbi. Aues im Huus kontrolliert, o Taschelampe.
Si ruhig startet, Heis üs dinne u dusse bequem gmacht. Terrasse-Möbel vom Chäuer ufeghout, dr Griu i Position bracht. Hei usser zwöi Mau immer chönne dusse Znacht ässe.

Aus erscht si mir mit äm Pickup i dGarage hie ds Horsfley ga luege ob öppis mit dä Brämse nid i.O. isch. Usser amene Sensor isch aues guet. Dr Sensor wird nach üsere Abreis ds Williams Lake ir Ford-Garage gwächslet. Öuwächsu isch o verlangt worde. Dä heimer hie ir Garage ds Horsfley chönne mache. Trotz dä 7,5 lt. Öu isch dä Öuwächsu gar nid tür gsi.

Nid nume dr Pickup het äs Problem gha. Dr Trimmer het sich nüm la starte. Scho letschts Jahr het är nid rächt wöue. So heimer früecher aus mir im Sinn hei gha wieder um Williams Lake müesse fahre.

Dr Fluchtwäg heimer beguetachtet u glichzitig o Stromleitig kontrolliert ob nid Böum znöch zur Leitig chöme. Hie hets äs paar wo no das Jahr furt müessse.
Dr Wäg bis zur Strass het o ä Schönheitskur nötig gha. Die grossi Püetz gits de im nächschte Jahr.
O um ds Huus ume gits Arbeit. Rase mäie. u Strücher wo znöch bim Huus si müesse abgouhe wärde. Die erschte Pine’s hani scho gfäut u vom Huus äwägg entsorgt. Die Arbeit wird üs no äs zytli beschäftige.

Ä Euch-Chueh, ä junge Hirsch, ä brune Schwarzbär, Kolibris, Squirells, Chipmunks, Wyschopfadler u viu Hase u äs Tier wo mir no nid gnau wüsse was für eis heimer gseh. Die Vicher si aube schneuer verschwunde gsi aus mir üses Smartphone hei chönne zücke.

Geschter am Abe, haubi Sibni isch bi orkanartigem Wind dr Strom usgfaue. Zum Glück isches no häu gsi. Vorsorgläch heimer ds Reservewasser für d‘WC-Spühlig vom Chäuer ghout. Hie geit nüt ohni Strom! Am 20 ab Zwöi ir Nacht isch dr Strom wieder cho!En savoir plus