Tilbakestill søk
Canada 2023
  • Carpe Diem 6100
  • Carpe Diem 6100

Canada 2023

Et 58-dagers eventyr av Carpe Diem 6100 Les mer
FølgOversiktOversiktKalenderKalenderBilderBilderDelDelBøtteliste
Nyeste først
  • Reisens start
    22. juli 2023
  • Carpe Diem 6100Canada 2023Reisende

    happy landing

    22. juli 2023, Canada ⋅ ☀️ 25 °C

    Guet glandet u weme aus daheim vorbereitet, so isch me innert 2 Min. dür Passkontroue. So schnäu bi ig no nie ds Canada igreist👏🏻👍🏻😀. Aber äbe, itz heissts uf ds Gepäck warte!
    We ds Gepäck da isch ab uf dÖV.Les mer

    Se oversettelse
  • Carpe Diem 6100Canada 2023Reisende

    Hotelzimmer

    22. juli 2023, Canada ⋅ ⛅ 25 °C

    Nachere 50 Minütige ÖV- Fahrt mit umstige ds Hotel erreicht.
    Bi 28 Grad bini froh mini Stützstrümpf ändläch ds abzieh.
    Nächer geit wieder zrügg a dWaterfront öppis ga zNachtässe.

    Se oversettelse
  • Carpe Diem 6100Canada 2023Reisende

    Cactus Club Cafe

    22. juli 2023, Canada ⋅ ☁️ 23 °C

    Sötsch mau ds Canada äs Cactus Club Cafe gseh, musch umbedingt dert ga ässe! Für kanadischi Verhäutnis eher nid grad günschtig, aber ds Ässe äs Tröumli. isch natürläch immer Gschmacksach.🥩🥩🍗🍖🍤
    Cactus Club Cafe, Waterfront,/Canada Place, Vancouver    Les mer

    Se oversettelse
  • Carpe Diem 6100Canada 2023Reisende

    Harbour Air

    23. juli 2023, Canada ⋅ ☁️ 24 °C

    its hanis gschafft, ha mi Stadtrundflug mit Harbour Air gmacht. Äs isch super gsi. Dr Start u d‘Landig si chli houprig gsi! Aber die zwänz Minute Rundflug, idrückläch u Vancouver waterfront mau vore angere Perspektive. Isch sus zempfäle.Les mer

    Se oversettelse
  • Carpe Diem 6100Canada 2023Reisende

    u da wär de no das gsi

    23. juli 2023, Canada ⋅ ☁️ 24 °C

    Di riesige Chrützfahrtschiff chli ga aluege. Ichecket hei de nid nume euteri Lüt, o viu jungi Päärli si derbi gsi! D Goffere si wie im Flughafe o grönget worde bevor si im Schiffsbuch verschwunde si.
    U de vo neuem ga luege ob in Gastown Dampuhr immer no louft. So viu Lüt hani in Gastown no nie gseh!    Les mer

    Se oversettelse
  • Carpe Diem 6100Canada 2023Reisende

    Its geits witer nach Williams Lake

    24. juli 2023, Canada ⋅ 🌧 15 °C

    Mues öppis ässe , miteme läre mage geits nid gäbig.
    YVR-South-Airport regional flights, nid nume dr Flugplatz isch chliner, o dr Flüger isch ä Spur chürzer. Mau luege, si Gwitter agseit.
    Dr Flug isch guet gsi, nüt gseh, si ir „Suppe“gfloge. Ha trotz am Lärme chönne chli pfuuse.
    Guet in Williams Lake glandet. Outo überno. Aus erschts uf RBC Bank, mi kanadischi Debitcharte funkt. nid. Mau luege itz ichoufe u Mittagässe u de ab nach Horsefly.    Les mer

    Se oversettelse
  • Carpe Diem 6100Canada 2023Reisende
    2

    Irume, Irichte u beobachte

    25. juli 2023, Canada ⋅ ☁️ 18 °C

    Im Schlafzimmer hets äuä spezeui Bsuecher gä.
    Het doch äs chliners Tier säch im Doppubet gmüetläch gmacht.
    Was fürigs Tier u wie das isch ine use cho isch weiss i nid. Ha bevori ds Bett geschter am Abe chönne paratmache no fei Püetz gha.
    D‘Düvet u dr Matratzeschoner si nids bruche gsi.
    Gschlafe hani aber sehr guet😀😉

    Am früeh si ä Tschupelete jungi Hirsch-Chüe u Bock vorem Hus friedläch am Grase gsi.

    Reserve-Wasser für WC-Spüehlig im Chäuer i auti Miuchchessi parat gmacht, Taschelampene, Kerze u Zundhöuzli kontrolliert. Mit Dusche isch geschter am Abe u hüt am Morge nüd gsi, ke warms Wassser. Dr „Santärle“ isch du am Nami cho u itz hoffe äs klappt hüt am Abe…🙊😷🦨
    Chli chillet hani natüläch o.
    Hie ds Horsefly hei si ä sehr ä guete Lieferservice für zNachtässe. 😑    Les mer

    Se oversettelse
  • Carpe Diem 6100Canada 2023Reisende

    diverses erledige

    26. juli 2023, Canada ⋅ ☁️ 18 °C

    Problem mit äm kanadische Bankkonto in Williams Lake glöst. 45 Minute für äs Konto ufzlöse!
    No äs paar Ichöif dätige. As neus Voguhüsli het häre müesse, dsAute isch bir Erneuerig vom Baukonglände/Zuun kaputt gange,, isch scho fasch 30 Jahr brucht worde.
    Churz vor mim Acho in Horsefly isch ds Gländer vor Terrasse neu u Chindersicher gmacht worde. Die aute Isetreger für ä aufäuigi Witerverwändig uf dSite da.

    Weni de hie im Chäuer öppe de no sött ds richtige Houz finge so probier i de ds aute Voguhüsli nachezboue.    Les mer

    Se oversettelse
  • Carpe Diem 6100Canada 2023Reisende

    Kamloops

    27. juli 2023, Canada ⋅ ☀️ 19 °C

    Für ä letschti Besprächig für ä orthopädische Operation in Williams Lake vor Frou vom Caretaker (Huusbetreuer) heimer für dä Arztbsuech bis nach Kamloops müesse fahre (3,5 Std. ei Wäg). Zum Glück operiert dä Orthopäd sit däm Jahr o in Williams Lake, schüsch hätt sie o für dOperation nach Kamloops müesse fahre.
    Si am Morge am Sächsi abgfahre u hei nach ca. 1,5 Std zmörgelet.
    Ds Kamloops hets no äs paar Bsorgige zmache gä, unger angerem bim grosse open cash and carry. Das isch ä riesige Lade gsi, Zwöi mau so. gross wie Prodega Heimbärg.
    Nach äm Arztbsuech im Spital simer no schnäu fish and chips ga ässe.
    Für dHeifahrt bin i am Stür ghocket.
    Fazit vo 6 Std Outofahrt: .
    Teurer Arztbesuch, nach 35 Min. warte, nume
    15 Min. Konsultation.. Macht ja nüt. Fahrchöschte chame bi dä Stüre abzieh.
    Am Morge am Sächsi abgfahre, am Abe am Sächsi wieder dahei gsi!    Les mer

    Se oversettelse
  • Carpe Diem 6100Canada 2023Reisende

    uHu, ums Huus ume

    28. juli 2023, Canada ⋅ ⛅ 21 °C

    ä Uhu hani nid gseh u o nid ghört
    Ha provisorisch dKolibri-Tränki u ds koufte Voguhüsli provisorisch montiert. Während äm Montiere isch isch plötzläch ä Schwarzbär derhärcho u het sich bim Beerifrässe dür mis Tue nid la störe. Isch no ä jüngere Bär gsi, äuä früsch vor Mueter verstosse.
    Die erschte Vögu si o scho cho luege was da abgeit.
    Die wichtigschti Pendänz isch gsi, dr Grill wieder reaktiviere. Zersch hani müesse entrümple.
    Ds erschte Grille nachem Chille isch guet gange u het fei guet usgseh. We dir euch öppe fraget was das grüene Zügs ufem Täuer isch, das isch Seeauge-Salat. Super fein wie dr Räschte o!    Les mer

    Se oversettelse
  • Carpe Diem 6100Canada 2023Reisende
    4

    Chille u chli…..

    29. juli 2023, Canada ⋅ ☁️ 26 °C

    Hüt isch ä Chilltag gsi.
    Aus erschts bini ga tanke. Fr. 1.20 dr Liter Bänzin. Aber äbe dr Verdienscht isch hie natürläch viu tiefer aus bi üs.
    Nächhär bini ufem Märit ds Horsefly gsi (nid zvergliche mit äme Dorfmärit binüs. Ds Agebot isch aber wi bi üs aber viu, viu chliner. Ha Eier u äs Glas säuber gmachte Böhndlisalat kouft.

    Dachablöuf hei nach dr Erneuerig vo de Logs o wieder müesse montiert wärde. Ke Angscht die rünne nid, ha nume am Caretaker ghuefe😜.
    Dr Sauzstei bir Sauzläcki für Hirsche, Euche etc. hani ersetzt, das heisst äs het kene me dinne gha.
    U de hani bim Zrüggah bir Grundwasser-Wasserbohrig gluegt ob aus i.O. isch.
    Grillet hani o wieder, muess doch Routine übercho weni mau Bsuech ha!😟😀    Les mer

    Se oversettelse
  • Carpe Diem 6100Canada 2023Reisende

    nid viu los, ke Strom..

    30. juli 2023, Canada ⋅ ☁️ 22 °C

    Hüt hani mis Projekt, neus Voguhüsli i agriff gno.
    Bi ni so wit cho. Plötzläch isches im Chäuer fischter worde. Stromusfau☹️😢 Zum Glück gits no Smartphone, im Chäuer hets keni Taschelampe gha. So hani d‘Stäge glich no gfunge.
    Aus erschts hani dsUrauttelefon igsteckt, brucht ja nume dr Strom vom Talefonnetz, u das het funktionniert. Ha am Caretaker,15 Min. vo hie, aglüte. O die hei ke Strom gha. Da bini beruhigt gsi.
    Hä dänkt lasch mau dini Drohne flüge, da ig keni Büecher lise, isch das die bescht Idee gsi🤪
    Hie ds Canada darfsch aus foreigners nume uf dim Grundstück flüge. D das Grundstück gross gnue isch, hani o niemer gstört. D Vögu hei zwar scho chli komisch reagiert.

    Hä dänkt duesch no chli chille u bi tatsächlech derbi 😴😀.
    Nach drüähaub Stung isch dr Strom wider da gsi.
    Ha du no chli witer gwärket am Voguhüsli.
    Für zwe Bratwürschtschli hani hüt dr Griu nid versouet.🤣🤣

    Nachem Znacht isch no grad ä schöni Abestimmig gsi, Drohne het wieder müesse flüge.    Les mer

    Se oversettelse
  • Carpe Diem 6100Canada 2023Reisende

    Ichoufstag ds Williams Lake

    31. juli 2023, Canada ⋅ ☁️ 22 °C

    Hüt isch wieder Wucheichoufstag ds Williamslake gsi.
    Ha nid schlächt gstunet wo ni am Morge bim Belade vom Outo zwöi Tier uf dr Schitterbigi näbe dr Tür ha gseh. DFlädermus hani nid der erwartet. Dr Squirrel het mi dif nid überrascht, seckle die viu o uf dr Terrasse umenang.
    Uf dr Fahrt uf „dHouptrass“ heimer Chüeh u ä währschafte Muni dr Wäg versperrt. Woni de usgstige bi heisi du Platz gmacht.😀

    Wi das so isch weme uf Williams Lake geit ga ichoufe git das ä Tagesusflug.

    O hüt hani wieder dr Grill für Pouletoberschänku agworfe.    Les mer

    Se oversettelse
  • Carpe Diem 6100Canada 2023Reisende
    2

    Guests

    1. august 2023, Canada ⋅ ☁️ 23 °C

    hüt isch Zyt gsi, Terrassemöbu usesteue. .Für di nächschti Wuche isch guet Wätter .agseit.
    Gwüssi Ufrum-Arbeite um ds Huus ume hani o grad erledigt.
    U dr caretaker (Esther u Beat) hani zum 1. Ouguscht u zum BC Day (BC = British Columbia) zum zNacht iglade. Surf and turf. Ha fei zdüe gha.
    Fertig ufgrumt u Abgwäsche wird de am 2. Ouguscht!🤪    Les mer

    Se oversettelse
  • Carpe Diem 6100Canada 2023Reisende

    „Usflug“

    2. august 2023, Canada ⋅ ☁️ 20 °C

    Eigentläch hani ä Usflug wöuä mache.🚙
    Ds Wätter isch aber ni ä so gsi wi si gmäudet hei.

    Da isch du dä Usflug id Wöschchuchi u i Chäuer gange. Äs het no Wösch vo letscht Jahr gha. Das isch normau, du wosch ja bis am Schluss im Bett schlafe etc.
    Im Chäuer het mis Projekt „Voguhüsli nacheboue“ uf mi gwartet. O dert hets müesse vorwarts ga. Fäut nume no ds Dach … Agstriche wirds de o no.
    Bi de gspannt🤪
    Hüt hani mau fasch ke Fleisch ufem Täuer gha. Isch o so guet gsi.👍🏻😃    Les mer

    Se oversettelse
  • Carpe Diem 6100Canada 2023Reisende

    Quesnel

    3. august 2023, Canada ⋅ ☀️ 15 °C

    Hüt hani itz mi planet Usflug vo geschter gmacht.
    Nach knapp zwe Stung Outfahrt bin i im nördläch glägene Quesnel (sprich Quenel) zumene Zwüschehaut acho. Churz im Tourist Center gsi.
    Nächär witer nach Barkerville.Les mer

  • Carpe Diem 6100Canada 2023Reisende

    Barkerville

    3. august 2023, Canada ⋅ ☁️ 16 °C

    Nachere gut stündige Outofahrt bin i ds Barkerville acho. Das ische ä auti Goudgräberstadt..

    Barkerville isch ab 1863 dr Houptort vom Cariboo-Goudrusch gsi u ligt öppe 80 km östläch vo Quesnel im Quesnel-Hochland bi de Cariboo- Mountains.
    1924 isch Barkerville zur Nationale Gschichts-Stätt erklärt worde.
    Sit 1958 wird Barkerville loufend restouriert u ihri Gschicht erforscht.

    Äs isch sehr idrückläch u intressant gsi, ds gseh, wie die zu dere Zyt gläbt hei u wie die Sadt boue isch gsi.
    Äs het fasch überau us Houtz erhöhti „Trottoir“ , dass me, wes so richtig nass u moraschtig isch gsi, chli besser u einigermasse suber vorwärts isch cho. Da i Senior bi, hani 5$ weniger Itritt müesse zahle😃😜
    Übernachte chame i eim aute Hotel o! Het leider kess Zimmer me frei gha. So bini du haut wieder 3 Stung uf Horsefly gfahre. 🤣

    Bi am viertu ab Sächsi acho u mir zum zNacht no Räschte mit Salat gmacht.    Les mer

  • Carpe Diem 6100Canada 2023Reisende

    Fürabebänkli

    4. august 2023, Canada ⋅ ☀️ 26 °C

    Hüt isch zersch chli Chille agseit gsi, ha mi vo dere länge Outofahrt geschter no chli müesse erhole🤪 u chli am Voguhüsli gwärchet.
    Wo du ds Sunne vorem Huus wäg isch gsi, isch ads „Uspacke“ vom „Fürsbebänkli/Tisch“ gange.
    Wes schön Wätter u warm isch, isches äm Nami uf dr Terrasse viu zheiss.
    De gits äbe no das Fürabebänkli wo am Schatte isch. Dert chame de ds warme Wätter gniesse. We aber dMugge zviu wärde muess me haut de ine😢

    Ha nächhär no Plache chli müesse putze.
    Ha gar nid gwüsst wiso so ä grosse Plache isch gno worde! 18x10 Meter isch die gsi. Het meh zdüeh gä aus dr Tisch usupavke.
    U de ersch ds Zämelege allei isch o nid grad eifach gsi. Fürne Cämper kes Problem🤣

    Zum zNacht hets öppis usem Meer gäh.🍤🍤    Les mer

    Se oversettelse
  • Carpe Diem 6100Canada 2023Reisende

    Abchüehle

    5. august 2023, Canada ⋅ 🌙 21 °C

    hüt isch ä heisse Tag vorusgseit gsi u dä Tag isch o heiss gsi, 31 Grad u das uf 830 M.ü.M. Am haubi Nüni isches immer no 27 Grad gsi.

    Mis Programm het hüt eigentläch öppis angersvorgse gha.
    Das Wucheänd isch äs längs Wucheänd, Das heisst viu Gschäft hei am Mäntig zue,
    I ha mi drum entschlosse, scho hüt ga ä „Grossichouf“ zmache. Ha unger angerem no müesse Chaga ga bsteue. (https://de.m.wikipedia.org/wiki/Schiefer_Schill…) U dä wird o zKanada gärntet.
    Äbe, längs Wucheänd, da hei viu chlini Läde o scho am Samschtig zue. Chage bsteue isch nüt gsi, aber mi Wucheichouf, vorauem Brot, Gmües, Härdöfpu etc.; Fleisch hani no gnue im Tiefchüehler. Hie zKanada si haut Verchoufeinheite viu grösser.

    Tomate hani no vom letschte Ichouf gha, ä früschi Mozzarella-Chugle het mer no gfäut. Potz tuusig, bis i dei gfunge ha u de dr Pris, äs chlises Chügeli öppe 70 g het 8.50 CAD koschtet (Fr. 5.50), ha ds Chügeli grad wiede id Regau gleit.

    Ds guete a däm Ichoufstag isch, dases im Outo u i dä Gschäfter cheibe agnähm chüeu isch, ideau bi der Hitz, Da het me sich so richtig chöne abchüehle. Ds Williams Lake isches scho am MIttag 31 Grad gsi.

    Bi hei cho u ha no schnäu wöue di erschte Zile vo däm Fototprint schribe, Isch du nüt gsi, Kes Internet vom 4 PM bis 8.30 PM. Ha eifach ke Radio übers Internet chöne lose.

    Gmüetläch zNacht vorbereitet, geblatene Leis u ä Art Poulet-Curry-Süess-Sur. Hie zCanada muesch die cheibe Verpacki o hinger läse. Dä Ris woni kouft ha isch spezieu für dMikrowäuä.
    Dr geblatene Leis isch haut ä chli pampig gsi aber nid minger guet.

    Nach em Znachtässe bini no chli a di chüeläri Luft ga dröhnele u dr Sunneungergang vore angere Perspektive gseh.

    Das vorgsehne Programm mache de morn am Morge früeh, so um di Sächsi.    Les mer

    Se oversettelse
  • Carpe Diem 6100Canada 2023Reisende

    Morgepüetz

    6. august 2023, Canada ⋅ ☁️ 28 °C

    Churz vor mire Akunft hie in Horsefly het ds Loghus ä üsseri Renovation erfahre! D‘Logs (Boumstämm) si hie scho 35 Jahr Sunne, Cheuti, Räge etc. usgsetzt. Die Logs hei müesse putzt u nöi gschtriche wärde. Ä dünni üsseri Schicht vo de Logs isch „mürb“ gsi. Hie ds Canada dörfe si ke Sand zum „Sandstrahle“ im Usseberich brucht wärde, wiu das für ds Grundwasser u angersch schädläch isch. Wäge däm bruche si hie ä Mischig mit ganz finem receycletem Glas u
    ei Plache mit däm Gmisch isch no vorem/näbem Huus umegläge.
    Das hani ja eigentläch geschter wöuä mache. Hüt bini am haubi Sächsi ufgstange, da isches grad rächt gsi vor Temperatur (9 Grad.) die schwäri Plache i dUmgäbig vom Huus dszieh u der das Gmisch zdeponiere. Wes de im Herscht gnue rägnet u mit äm Schnee im Winter sött de im Früehlig nüm umesi. Mir wärdes gseh!
    Äs het du Hunger gä u i ha Spieguei mit Späck zum zMorge gässe. Die chline Eier hani hie im Dorf vorä Büüri kouft. Zu dä Eier hie in Canada muess i säge, dass die normale, günschtige Eier äs ganz häus Eigäub hei. U äs cha de vorcho, dass we me äs Rührei macht aues usgseht wie nume Eiwiss. Im save-on-food gits aber Eier die gross wie bi üs si u hei o schöne Eigäub, het aber si Pris.

    Wos du wermer isch worde hani uf dr Terrasse no chli chillet u de mau ds Loghuus mit dr Drohne chli besser chöne aluege.
    Am Eis ische mir du zheiss dusse worde u i bi ine no ga Siesta mache.

    Da ig hüt ä chli früeh sMorge ha gha u nüt zMittad, het d‘Chuchi mir zNacht scho am haubi Sächsi parat gmacht.😜🤪

    übrigens die Squirrel (Eichhörnli) hets hie überau u mägisch si die sogar ä Plag. Viu Kanadier schiesse de chline Viecher mit äm Gwehr we si überhand näme.
    u de no das, hüt hani mir mis äs Gin Tonic gönnt.    Les mer

    Se oversettelse
  • 2025© FindPenguins
  • Hjem
  • Om oss
  • Gruppesporing
  • Presse
  • Vilkår
  • Personvern & Cookies
  • Hjelpesenter
  • Avtrykk