Aramayı sıfırla
Hawaii 🌞🌸🌊🥥🏄‍♀️Hawaii 🌞🌸🌊🥥🏄‍♀️
Rotayı düzenle
Livia tarafından 30 günlük bir macera Okumaya devam et
  • Livia Betschart

ülkelerin listesi

  • Amerika Birleşik Devletleri Amerika Birleşik Devletleri
  • İsviçre İsviçre
Kategoriler
Dünya gezisi, Sırt çantasıyla seyahat, Arkadaşlık
  • 29,2bkilometre seyahat etti
Ulaşım araçları
  • Uçuş26,5bkilometre
  • Araba446kilometre
  • Tren16kilometre
  • Otobüs16kilometre
  • Tuk Tuk5kilometre
  • Yürüme-kilometre
  • Yürüyüş-kilometre
  • Bisiklet-kilometre
  • Motosiklet-kilometre
  • Camper-kilometre
  • Karavan-kilometre
  • 4x4-kilometre
  • Yüzme-kilometre
  • Kürek çekme-kilometre
  • Deniz motoru-kilometre
  • Yelkencilik-kilometre
  • Yüzen ev-kilometre
  • Feribot-kilometre
  • Cruise gemisi-kilometre
  • At-kilometre
  • Kayak yapmak-kilometre
  • Otostop-kilometre
  • Cable car-kilometre
  • Helikopter-kilometre
  • Çıplak Ayak-kilometre
  • 33ayak izleri
  • 30günler
  • 295fotoğraflar
  • 235beğeniler
Takip EtTakvimPaylaşYapılacaklar listesi
En yenisi başta
  • Livia BetschartGezginHawaii 🌞🌸🌊🥥🏄‍♀️
    1
    1

    Kalalau Trail⛰️🥾🌞

    24 Kasım 2023, Amerika Birleşik Devletleri ⋅ ☁️ 24 °C

    Am 6i am Morgä hed ys dä Gügel vom Hotel gweckt. Grad gäbig, miär hend sowieso friäh los miässä. Hit isch dä Kalalau Trail ufem Programm gstandä, dä hemmer scho drheimä buäched - zum Glück dä isch nämli sehr beliäbt. So simmer ca. 9 Kilometer zumänä Strand gwanderet, debii hemmer ä fantastischi Uissicht gha. Ah däm Strand dafmä aber wäg dä hechä Wällä nid badä. Wiiters simmer 5Kilometer zumänä Wasserfall glufä. Fir det hii hemmer ä Bach mehrmals uberquert, s‘hed aber nur sältä Stei zum druber laifä gha, so dass miär jedesmal hend miässä d’Schuäh abziääh (bises ys gnärvt hed & miär Barfuäss glufä sind). D‘Wanderig isch vom Start bis zum Wasserfall ei dräckätä gsii & seeehr rutschig. Äbäfalls ischs nu ziemli stotzig duruif gangä. Temperatuir isch absolut tropisch gsi - hed sich ahgfihlt wiä 40 Grad. Äs hed sich aber meh als glohnt, dä 100 Meter hechi Wasserfall isch gigantisch gsii zum gseh😍 S‘zrugg laifä isch um einiges meh rutschig gsii will so viel Liit durä glufä sind. Glicklich aber dräckig simmer nach dänä 28Kilometer bim Aito ahcho. D‘Abigstimmig hemmer bi ys i dä nechi gnossä✨ Im Hotel hemmer natirlich nu i Whirlpool miässä, hed de epä
    so uisgseh🦦    Okumaya devam et

    Çeviriyi gör
  • Livia BetschartGezginHawaii 🌞🌸🌊🥥🏄‍♀️

    Waimea Canyon & Lawai Beach🌾🏝️

    25 Kasım 2023, Amerika Birleşik Devletleri ⋅ ☀️ 21 °C

    Wieder einisch meh heds äs guäds Zmorgä gä. Gstärkt hemmer ysä ufä Wäg zum Waimea Canyon gmacht. Obä
    ahcho simmer zu mehrärä Lookouts "gwanderet" (meh als spaziärä, aber nid wandärä & ja mit Birkästöck😊). D‘Uissicht isch genial gsi. Dä Wasserfall womä uf dä
    Fotis gsehd, isch dä glich vo gester. Vom heissä Wätter simmer scho chli is schwitzä cho. So ischs Namitagsprogramm schnäll klar gsii. Am Lawai Beach chamä guäd schnorchlä & sünnälä. D‘Abchiälig im Meer hed guäd da. Äs guäds Znacht hed hit nid derfä fählä. Kauai isch ä unglaiblich scheeni Inslä, hiä
    gfallts ys bis ez am beschtä (ich dänkä das blibt ai soo). Morä wartet (phaibt ich ez mal) s‘greschtä Highlight vo därä Reis uf ys… iär chend gspannt sii🎉🤩    Okumaya devam et

    Çeviriyi gör
  • Livia BetschartGezginHawaii 🌞🌸🌊🥥🏄‍♀️

    Helikopterflug Kauai🚁🥺

    26 Kasım 2023, Amerika Birleşik Devletleri ⋅ ☁️ 24 °C

    WauwWauwWauw😍
    Hit morgä hemmer wieder einisch bitz länger gschlafä. Voll erholt hemmer ys ufä Wäg gmacht. Ahcho bim Jack Harter Helicopters hed d‘Sicherheitsschuälig gstartet. Dä Shuttlebus hed ys ahschliässend zum Landäplatz chauffiert. Dä Preston isch fir dä Flug ysä Pilot gsi (cooler Typ!). Dä Helikopter MD500 hed ys de uber diä scheen Inslä gflogä. Äs unvergässlichs Abentiir😍. Zum erwähne isch, dass mr ä Door off Tour buäched hend, heisst also dass dä Helikopter kei Tiirä gha hed. Miär sind absolut sprachlos vo däm Helikopterflug, das hed sich meh als glohnt🥺 S’Wätter hed nid ganz mitgmacht wiä diä letschdä Täg, was aber halb so wild gsi isch. Wenns nämlich bewölkt isch chund d’Landschaft viel meh zur gältig & d’Wasserfäll gsehd mä intensiver (Worte von Preston) Aber äbä Bilder sagen mehr als tausend Worte..
    Am Namitag hemmer diä Ihdrück erstmal miässä verarbeitä & hend drum ä gmiätlichä Sunntig gmacht, s’isch schliässlich nu voll cho rägnä. So hemmer ganz spontan nu ä Railway durnä Plantage buäched. Äs Zügli hed ys dur dä Dschungel gfahrä. S’hed ä Stopp gä zum Rösser & Schweindli zfiätärä (da hemmer wieder einisch chli Chind chenä sii). Nah simmer dä bekannt HotDog go probiärä, numal go Schildkrote beobachtä & is Dörfli Koloa go käffälä & lädälä. Dä letschd Abig uf Kauai hemmer im Whirlpool lah uisklingä🛁    Okumaya devam et

    Çeviriyi gör
  • Livia BetschartGezginHawaii 🌞🌸🌊🥥🏄‍♀️

    Aloha O‘ahu🐬

    27 Kasım 2023, Amerika Birleşik Devletleri ⋅ ☁️ 25 °C

    Nachem Mittag simmer z‘Oahu glandet. Als Transportmittel zum Hotel hemmer hit d‘Limousine uisgsuächt. S‘Wätter isch bewölkt aber sehr warm. So simmer am Strand entlang glufä, um epis vo dä niiw Inslä zgseh. Yses Hotel isch am Waikiki Beach z‘Honolulu hiä isch wieder richtig Bigcitylife🌇. Ganz anders als uf dä andärä Inslä. S‘hed ah jedem Strassärand irgend ä Ladä. Verwilä hemmer ys chenä. Ih Wiähnachtsstimmig chemid miär i dä nechschtä Täg sicherlich, bi därä Dekoration. D‘Sunnä gad uf ysärä Siitä under, so chemer diä scheenschtä Sunnäundergäng gniässä. Äs feins Znacht hed nid derfä fählä. Morn fahd yses Programm friäh ah, so dass mr hit scho glii Firabig machidOkumaya devam et

    Çeviriyi gör
  • Livia BetschartGezginHawaii 🌞🌸🌊🥥🏄‍♀️

    Chillday Honolulu🏖️☀️

    28 Kasım 2023, Amerika Birleşik Devletleri ⋅ ⛅ 25 °C

    Hit wäremer eigentlich midärä bekanntä vo Alpnach (wo da im Sprachufenthalt isch) ufem Diamond Head dä Sunnäuifgang go luägä. So isch dä Wecker am 5i am Morgä ab. Wo miär verwached sind hemmer miässä gmerkä dases voll rägned. So hemmer diä Wanderig leider miässä absägä. Immerhin heds nu chli meh Schlaf gä. S‘hed nah ziemli dä ganz Vormittag nu grägned. Imänä Kaffi hemmer de Schärmä gfundä & hend dä Tag gmiätlich gstartet. Wiiters heds nu einigi Sachä zum organisiärä gää & diä nechschtä Täg sind ez ai planed. S‘wartet sehr cools Programm uf ys🤩 Firnäs letschds Mal sind d‘Chleider numal gwäschä wordä. Am Namitag heds Wätter um 180 Grad gänderet. D‘Sunnä hed vollgas gä, s‘isch 29 Grad wordä & miär hend chenä is Meer go badä & am scheenä Waikiki Beach sünnälä. Schliesslich miämer ysä Sunnätank uberfillä fir das Wätter deheimä. Gägä spätere Namitag simmer mim Bus zum Moana Zenter, äs rieeesigs Ichaifsgschäft, gfahrä. Det hani mi langersehnti Patagonia Ladä gfundä🤑💸 Wills nu so scheen warm isch hemmer ys z‘Fuäss ufä Heiwäg gmacht. Hit mal ä Biitrag mit wenig Fotis🙃Okumaya devam et

    Çeviriyi gör
  • Livia BetschartGezginHawaii 🌞🌸🌊🥥🏄‍♀️
    1

    Roadtrippin' in den Norden🌧️☕️

    29 Kasım 2023, Amerika Birleşik Devletleri ⋅ ☁️ 24 °C

    Hit Morgä simmer s‘Aito go holä. Dasmal gids ä VW, dä fiährt ys diä nechschtä zwei Täg dur d‘Inslä. So hemmer ys ufä Wäg i Nordä gmacht & d‘Grossstadt hinder ys gla. S‘Wätter isch glich wiä gester Morgä, äs rägnet! Ah diä 6 spuirig Aitobahn hani mich definitiv zerst miässä drah gwehnä. Bi dä North Shore ahcho heds wiä immer zerst äs Kaffi gä, i dä Hoffnig dass dä Rägä nah gid - isch aber leider nid dä Fall gsi. Dä Rägäschirm isch d‘Investition vom Tag gsi. Guäd uisgristet hed ys dä Rägä kei Bang meh gmacht und miär hend dä Surfer zuägluägt, d‘Wällä ah dä North Shore sind i dä Wintermenet riesig hech, bis zu 10 Meter, hiä surfid also nur d‘Profis. Am Meer hemmer paar scheeni Muschlä gfundä🐚 Am Namitag hed dä Rägä immerhin bitzli nahgä, so hemmer ah diverse Spots halt gha & d‘Uissicht gnossä. Dä letschdi Halt isch bim Tantalus Lookout gsi, det gsehdmä uf Honolulu, dä Krater isch dä Diamond Head (wo mr gärn nu dä Sunnäuifgang wend go luägä). Dä Whirlpool ghert afä zu ysem fixä Tagesprogramm, s‘isch amä sehr lustig da machtmä Bekanntschaftä us aller Wält mit jung & alt 🦦Okumaya devam et

    Çeviriyi gör
  • Livia BetschartGezginHawaii 🌞🌸🌊🥥🏄‍♀️

    Roadtrippin‘ in den Osten🌊⛰️

    30 Kasım 2023, Amerika Birleşik Devletleri ⋅ ☁️ 25 °C

    Hit simmer dä Ostä vo dä Inslä O‘ahu go erkundigä. S‘Wätter hed hit guäd mitgmacht, was ys sehr gfräit hed. Nachem obligatorischä Kaffistopp simmer ufnä Ranch chli go nissä. Wiiters hemmer einisch meh das wunderscheenä Meer & diä wildä Wällä bestuint. Froh um bewölkts Wätter simmer uf dä Wanderig zu dä Pillboxä gsi, d‘Wanderig isch nämli ziemli stotzig gsi (zum Glück hemmer d‘Trekkingschuäh mondiärt). Pillboxä sind Bunker vom zweitä Wältchriäg, eignit sich hit aber als coolä Spot zum
    paari Fotänä z‘machä. D‘Ahstrengig heds sich definitiv glohnt🫠😍 Nachärä churzä Aitofahrt hemmer diä zweit Wanderig ih Ahgriff gnu & zwar zumänä Lüchtturm. Dä Sunnäundergang hemmer bi dä China Walls gluägt. Diä Wällä da sind scho schiär aggressiv gsi & mä hed chli miässä uifpassä. Ai da heds Local Liit gha am Surfe, sehr imposant gsi dänä zuäzluägä..
    Ungärn hemmer dä VW wieder zrugbracht, diä restlichä Täg vo ysärä Reis simmer nu ohni Aito unterwägs.
    Mit dänä vielnä Ihdrick gemmer ez go pfuisä, wenn s‘Wätter morä mitmacht gahds fir ys nämli friäh los😊    Okumaya devam et

  • Livia BetschartGezginHawaii 🌞🌸🌊🥥🏄‍♀️

    Delfinschwimmen🐬

    1 Aralık 2023, Amerika Birleşik Devletleri ⋅ ☁️ 23 °C

    Am Morgä am 6i isch hit dä Bus los gfahrä, zum Hafä im Westä vo dä Inslä. Det simmer ufs Boot umgstigä & sind los düsed. Um diä Ziit isches nu ziemli frisch gsi ufem Boot, s‘hed ai ziemli diä ganz Fahrt biz grägnet. So simmer wiit i Ozean uisä gfahrä. D‘Crew hed debii immer nach Delfinä gluägt. Als Ritual hemmer alli ä Bluämä ubercho, d’Hymne (oder epis ähnlichs) gsungä & de d’Bluämä uber Board griährt - das sell Glick bringä. Miär sind sicher epä ä Stund umänand gfahrä bis mr diä erstä Delfinä entdeckt hend. Äs sind epä um diä 15 gsi, sie hend ai d‘Babys debi gha die sind so härzig gsii😍 Delfinä sind sehr schnälli Tiär, drum sinds amä gschwind wieder fort gsi. Z‘Hawaii isch vom November bis April Walsaison. Diä nämid dä langi Wäg vo Alaska uf sich um hiä i dä Winterziit ihri Babys uf d‘Wält zbringä & sie grossziäh, diä hemmer hit leider nid gseh. Chli necher am Ufer hemmer amänä Riff halt gha & hend det chenä go schnorchlä, isch bis ez dä scheenschti Riff gsi🤩🐠🐡 S‘Boot hed nu diversi Wasseraktivitäte ahbotä wo sehr lustig gsi sind zum uisprobiärä & ys warm phaltä, wiä ä Rutschbahn, Paddle Board, Luftmatratze & nu meh. Dä Yuya (Fotograf) hed cooli Fotis ufem Boot wiä ai under Wasser gmacht, diä Fotis hemmer leider nunid ubercho..
    Zrugg bim Hotel hemmer ys erstmal im Whirlpool miässä uifwärme. Am Namitag simmer numal chli dur d‘Stadt glufä, sind go käffälä & hend dä Volleyballer zuägluägt. Spannend hiä in O‘ahu isch, dass egal wiä wiäscht s‘Wätter durä Tag isch am Abig duäds immer uif & gid ä scheenä Sunnäundergang. Jedä Fritig gids äs Fürwärch, das hemmer ys natürlich nid chenä la entgah🎇 Spontan hemmer diä bekannti vo Alpnach glich nu troffä & dä Abig so lah uisklingä. Miär frääid ys morn mal wieder chli länger z‘schlafä😊    Okumaya devam et

    Çeviriyi gör
  • Livia BetschartGezginHawaii 🌞🌸🌊🥥🏄‍♀️

    Beachday & surfen 🏖️🏄🏻‍♀️

    2 Aralık 2023, Amerika Birleşik Devletleri ⋅ ☀️ 25 °C

    Dä Wätterbricht hed fir hit wieder einisch Rägä gmäldet, drum hemmer käs Programm plant & uisgschlafä. Wo miär verwached sind, isch aber s‘scheenschti Wätter gsi. So simmer schnäll usem Bett gsi & churzi Ziit später im Kaffi. Da miär scho viel vo dä Inslä O‘ahu gseh hend hemmer ys ä gmiätlichä Tag am Strand gmacht. S‘hed so guäd taa diä warm oder besser gseid heiss Sunnä gniässä. Hit heds ai dä erscht Sunnäbrand gä🫣 Am Namitag simmer nu go surfe. Diräkt am Strand chamä Surfboards miätä. Da miär beed scho sind go surfe hemmer kei Kurs buäched sondern sind älläi uisä. Das isch ziemli lustig gsi. Hend aber ai diä eint oder ander Wällä verwitschd. Diä Sunnäundergäng hiä am Meer sind ein absoluter Gaumenschmaus. Am Abig heds äs feins Znacht & äs Dessert gää. Nach däm Tag isch ysä Sunnätank ziemli gfillt☀️☀️ Hit gads wieder chli friähner is Bett, morn warted numal richtig cools Programm uf ys🤩Okumaya devam et

    Çeviriyi gör
  • Livia BetschartGezginHawaii 🌞🌸🌊🥥🏄‍♀️

    Last Day Hawaii🌞🌄🌺

    3 Aralık 2023, Amerika Birleşik Devletleri ⋅ ☀️ 25 °C

    Am Morgä am 5ii isch hit Tagwach gsi. Dä Bus hed ys zum Startpunkt vo dä Wanderig ufä Diamond Head gfahrä. So simmer ca 50 Minuitä obsi gwanderet. Det ahcho hemmer ä scheenä Sunnäuifgang gnossä🌞 Äs isch am Morgä friäh scho sehr warm wordä. Zrugg i dä Stadt hemmer ys äs feins Zmorgä verdiänt. Firnäs letschds Mal simmer ah Strand go sünnälä & im himmelblauä Meer go badä. Da d‘Wällä hit chli hecher gsi sind hemmer ys surfe nid lah entga. Wills hiä am Waikiki Beach zum Teil chle komischi Gstaltä umä hed hemmer s‘Natel zum Surfe im Hotel glah & drum gids käs Fotis devo. Am spätere Namitag simmer vom Car abgholt wordä fir as Luau. Det heds zur Begriässig ä richtigi Bluämächetti gää (wo miär leider nid derfid mit is Flugziig nää..). Det hedmä diversi traditionelli Aktivitäte chenä uisprobiärä wiä Ukulele spielä, Bluämächetti machä, lerä Fischä, Tanzä & nu viu meh. Vorem Znacht heds numal bitzli grägned, wo‘s nah aber ä Rägäbogä gä hed🤩 Am Buffet hemmer eiditig gnuäg feins Ässä ubercho. Wo all fertig gässä hend, hed diä offiziell Luau Show ahgfangä, sehr spannend gsi d‘Kultur & d‘Gschicht vo Hawaii zkennälerä. Das hemmer hiä sehr spontan buäched, was sich aber sehr glohnt hed, isch äs wiiters Highlight vo därä Reis😍🌺 Zum letschdä Mal hemmer ysi Rucksäck packt, will äs gad heizuä. Diä nechschtä zwee Täg (mit Ziitverschiäbig) sind miär am zrugg reisä, da nimm ich ych ai nu bitz mit, bevor diä Reis hiä definitiv z‘Änd gad. Miär sind sehr dankbar fir diä toll Ziit hiä im Paradies & sind uberglücklich🌴🌞🐬🐢🐚Okumaya devam et

    Çeviriyi gör
  • 2025© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga