Reset search
Hawaii 🌞🌸🌊🥥🏄‍♀️
  • Livia Betschart

Hawaii 🌞🌸🌊🥥🏄‍♀️

A 30-day adventure by Livia Read more
FollowInsightsCalendarShareShareBucket list
Newest first
  • Trip start
    November 6, 2023
    Livia BetschartHawaii 🌞🌸🌊🥥🏄‍♀️Traveler

    Flug von Zürich nach Los Angeles

    November 6, 2023 in Switzerland ⋅ ☀️ 2 °C

    äs gad loos🤩
    D’Rucksäck sind abgä (wer häts dänkt je nur 11kg - & das bi Fraiä🤪) ez wartet erstmal ä 12stündigä Flug nach Los Angeles uf ys.
    Ademeercii scheeni Schwiiz🫶🏼

    See translation
  • Livia BetschartHawaii 🌞🌸🌊🥥🏄‍♀️Traveler

    Salüü 🇺🇸

    November 6, 2023 in the United States ⋅ 🌙 18 °C

    Bi 9 Stund Ziitverschiäbig nach hindärä simmer am spätere Namitag guäd z‘LA ahcho. Im Fliiger scho diä erstä Sunnästrahlä gnossä & ez bi ahgnähmä 22 Grad dä Wäg zum Hotel suächä🌞 Firnäs Taxi hemmer zerst mal mim Shuttle durä ganz Flughafä miässä. Zum Glick defemer ys hiä lah chauffiere la, diä 6spuirig Aitobahn wär glaib niid fir ys🫣🤪
    Vo därä lang Reis simmer ez aber ziemli miäd & miänd erst mal chli nachäschlafä😴    Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Sightseeing LA

    November 7, 2023 in the United States ⋅ 🌙 17 °C

    Vom Jetlag erholt, simmer friäh am Morgä d‘Stadt go erkundä. Am Wätterbricht hemmer nid ganz truiid & sind mit lang Hosä usem Hotel - was mr glii scho bereut hend🌞🌞 s‘wär churz Hosä- & Sunnäbrilläwätter Äbäso hemmer miässä gmerkä dass s‘Stadtläbä z‘LA erst am 10.00 erwacht. So hemmer dä Walk of Fame fir ys älläi gha. Ahschliessend simmer wiä richtigi Touriste ufnä Hopp on Hopp off tuiir. Z’Beverly Hills hends vollgas gä mit dä Wiehnachtsdeko, was i däm warmä Wätter komisch isch zum ahluägä😵‍💫 Ä huifä hemmer gseh. Am Abig simmer numal dur d‘Stadt glufä & hend mexikanisch Znacht gässä - wo‘s nu chli reschtä gä hed..Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Universal Studios🤪

    November 8, 2023 in the United States ⋅ ☀️ 24 °C

    Hit ischs Universal Studio ufem Programm gstandä. Mit vielnä andärä Touristä hemmer diä verschiednigä Wältä erkundigt, viel Bahnä gfahrä (bis miär pflotschnass gsi sind & dä Sarah eländ schlächt wordä isch😄), fein gässä & viel glached. S‘Wätter isch ai hit wieder genial gsi. Will das Universal Studio so riesig isch hemmer ys det dä ganz Tag chenä verwiilä. Wo mr zrugg cho sind hed sich d‘Sunnä bereits verabschiedet. S‘Tagesprogramm fir morä stahd, drum gend miär scho gli is Bett👋🏼Read more

  • Livia BetschartHawaii 🌞🌸🌊🥥🏄‍♀️Traveler

    Hollywood Hills & Santa Monica Pier

    November 9, 2023 in the United States ⋅ ☀️ 23 °C

    Hit Morgä simmer zum Griffith Observatorium "gwanderet". Fir ys eher ä churzi Tuir gsii defir scho scheen warm oder besser gseid heiss gsi. Vo det uis hemmer dä bekannti Hollywood-Sign bestens gseh. So viel Eichhörndli wie det gids glaib suscht niänä. Am Namitag simmer mit dä Metro zum Santa Monica Pier, det hemmer im chiählä Meer d‘Fiäss baded & dä wunderscheeni Sunnäundergang gnossä. Feins Znacht heds imnä härzigä Restaurant i dä neechi vom Meer gä. Wiä uf dä Fotis liächt z‘erkennä gfallts ys hiä usinnig guäd. Ez heissts aber ab is Bett, will morä gads friäh wieder los. Gutee Nacht & bis moorgen😘Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Adios Los Angeles👋🏼

    November 10, 2023 in the United States ⋅ ☀️ 11 °C

    Bi ys isch afä 7ni am Morgä. Scho sitem 5i simmer uif will hit gahds uf Hawaii😍 Erfolgrich icheckt lemmer diä Grossstadt hinder ys & wartig ufä Abflug.
    Bis spääter..

    See translation
  • Livia BetschartHawaii 🌞🌸🌊🥥🏄‍♀️Traveler

    Aloha Kona 🌺

    November 10, 2023 in the United States ⋅ ☁️ 22 °C

    Am Namitag simmer z‘Hawaii ahcho, dä Flughafä isch sehr chlii & härzig, optisch uberhaipt nid verglichbar mimänä Flughafä womä suscht kennt. Bi heissä 30Grad hemmer erstmal miässä uisägfindä wiä miär zu ysem Hotel chemid - so liäbä Lyyt hend ys ghulfä & miär hend dä richtig Bus verwitschd. Dasmä z‘Hawaii gratis ÖV fahrt, hättemer nid erwartet. Nachärä lustigä Busfahrt zum Hotel simmer minärä Muschelchetti empfangä wordä (wie im Film). Bimänä Hotelrundgang hemmer bereits zwee lustigi Lyyt (Bild 5) kennäglernt, wo zu wildä Chatzä luägid (miässti ez nid unbedingt sii). Zudem wimmelts hiä vo Frettchen (miässt äbäfalls nid sii). S‘Hotel liid grad am Meer so hemmer das natirlich ai miässä go besichtä. Det hemmer diä beidä Taicher Mike & Katy kenneglernt - absolut zweii cooli Sockänä. Sie zwee wohnid z‘Kona & hend ys viel verzellt & einigi Tipps gä. Äbäfalls hend sie ys zum Mantarochä-Schnorchlä ihgladä - da druif fräiid miär ys riesig!! D‘Katy (Bild 7) pflegt näbäbii dä Gartä vomänä Feriähuis (1 Nacht chostet 3500$ - Bild 6-8) - chamä sich aso vorstellä was das firnä Hittä isch. Das hemmer derfä go besichtigä, debi hed ysä Gsichtsuisdruck epä so uisgseh: 😲😲. Erstuiint heds ys nid wo sie verzellt hed dass det bereits einige Reality TV Shows dreiit wordä sind. Afä ä halbä Tag da & miär sind uf Wolkä 7! Gniässid diä scheenä Fotiis..🤩🌴 🌊Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Chillday in Kona🦦🌞

    November 11, 2023 in the United States ⋅ ⛅ 22 °C

    Mit Morgäyoga hemmer dä hütig Tag gstartet, diä Uissicht dezuä isch grandios gsi! Voller Energie hemmer ys z‘Fuäss äs scheens Plätzli am Strand gsuächt & sind go bädälä. Ufem Wäg hemmer diä typische Hawaii- Hiiser uisgnissed - so cool! Es isch unglogä wiä im Bilderbuäch hiä, eifach nur WowWowWow😍😍. Bevors am spätere Namitag isch cho rägnä simmer im Pool nu ä Schwumm go machä. Zudem hed hit ufem Hotelareal nu äs Hochziit stattgfundä. Zum Znacht heds hit Hawaiianisch gä, chli scharf gsi - suscht aber superfein. Trotz chli Rägä heds ä scheenä Sunnäundergang gää. Dä Abig hemmer gmiätlich im Whirlpool verbracht🦦
    Ä wiitere unvergässlichä Tag gad z‘Änd🫶🏼    Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Roadtrippin durch Big Island 🚗

    November 12, 2023 in the United States ⋅ ⛅ 22 °C

    Hit Morgä ischs fir ys friäh los gangä. Mim Bus simmer zum Flughafä & hend ys det äs Aito gmiätet - ä coolä KIA. Wohii dases sell ga hemmer de glich nid gnai gwisst - so simmer planlos ufä Plan los. Muisig voll uifträiid simmer ab düsed. Als ersts heds im Nordä vo dä Inslä äs Kaffi gää. Nachär simmer zumänä Uissichtspunkt gfahrä. Ä chlini Tuir zu Wasserfäll hed nid derfä fählä. Als nächschts isch scho glii s‘Highlight vom Tag cho: Cow Cuddle. Am Krishna sini Chiäh chamä so richtig knuddlä - absolut härziig gsii.
    Wiiters simmer zum Black Sand Beach, dä Sand isch us Lava & wenn d‘Sunnä schiint wird dä richtig heiiss. Det hed sich nu ä riesigä Schildkrot lah blickä. Ufem Heiwäg heds nu ziemli fest afä rägnä aber dä KIA hed ai so dä Heiwäg zum Hotel bestens gfundä. Ob iärs glaibid oder nid, mim KIA hemmers hit einisch um diä ganz Inslä gschafft, das sind knapp 200 Meile gsi. D‘Strassä hiä z‘Hawaii sind sehr breit & höchscht Gschwindigkeit liid meistens bi 55mph aso mä nimmts hiä sehr gmiätlich.
    Miär hend hit so viel wunderscheens derfä gseh, s‘hed sogar paar Fräidätränä gä😍
    Bilder sagen mehr als tausend Worte, vieel Spass    Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Magical Sand Beach & Mauna Kea🌞

    November 13, 2023 in the United States ⋅ ☁️ 23 °C

    Hit hemmer dä Tag gmiätlich am Magical Sand Beach gstartet. S‘Meer hed sonä klari Farb & isch vo dä Temperatuiir sehr ahgnähm. Am Mittag hemmer ys ufä Wäg zrugg zum Hotel gmacht & hend ysi Rucksäck packt. Yses Ziel: Sunnäundergang ufem Maua Kea (4000m ü. M.) Det hemmer dä Beni & d‘Johanna kennäglert, dä Sunnäundergang hemmer mit ihnä zämä gnossä & fescht gfrorä. Chleider fir uf 4000 Meter (0 Grad) hemmer natirlich nid debiä gha. Dä Mauna Kea isch ä coolä Spot zum Stärnä luägä. Zrugg im Hotel simmer nu churz i Whirlpool gumped zum ys uifwärme. Ez machemer aber Firabiig😴Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Volcano Nationalpark🌋

    November 14, 2023 in the United States ⋅ ☁️ 21 °C

    Bi beschtem Wätter hemmer im Dörfli näbem Hotel fein Zmorgä gässä. Z’Hawaii gids so cooli Kaffis. De simmer mim Aito zum Vulkan Park gfahrä. Det ahcho heds scho ziemli fescht grägnet. So simmer mim Motto: s‘gid käs schlächts Wätter nur schlächti Chleider los gwanderet. Nach ca. 10 Minuitä hemmer miässä ihgestah dases doch ai schlächti Chleider gid, will miär sind bereits nach derä churz Ziit pflotschnass gsi. Sind aber nu guäti 5km vor ys glägä.. so simmer halt wiiterglufä. S‘Wätter hed mit ys kä erbarmä gha & s‘hed die ganz Wanderig ubärä Krater voll abäglärt - jänu, willkommä z‘Hawaii😄 Somit hed d‘Räggäjaggä & Trekkingschuäh dä Rägätest nid bestandä. D‘Wanderig isch aber trotzdem sehr cool & ihdrücklich gsii. So nass guäti 2 Stund heifahrä isch de eher weniger cool gsii. Im Hotel gschwind trochä ahgleid, hemmer dä KIA wieder retuiir ah Flughafä bracht. Fir hei hemmer gärn numal dä gratis Bus gnuu. Wiäs zum Backpackä ghert hemmer hit mal miässä Wäschä, schliässlich hend im Rucksack nid chleider fir 1 Monet platz. Mim Wäschä simmer de guäd de ganz Abig beschäftigt gsii… bis mr de mal ä Maschinä gfundä hend wo grad nid bsetzt gsi isch. Ez isch bi ys scho spaat & miär gennid ys bitz Schlaf👋🏼👋🏼Read more

  • Livia BetschartHawaii 🌞🌸🌊🥥🏄‍♀️Traveler

    Hoteltag🌞

    November 15, 2023 in the United States ⋅ ⛅ 24 °C

    Hit hemmer so ziemli dä ganz Tag am Hotel verbracht. Diä warmä Sunnästrahlä hend ys nachem Badä im Pool schnäll uifgwärmt & scho fir bruinii Huit gsorgt🤩. Am Namitag hed ufem Hotelareal ä Märt stattgfundä, det simmer durägschländeret & hiäsigs probiärt - diä frischä Frücht sind sehr lecker gsi. Am 6i hemmer mit ysnä Frindä Katy & Mike abgmacht zum go schnorchlä. Ja das isch äs absoluts Highlight gsi. Sie hend ys bestens uisgristet mit Lampä, Neoprenahzüg, Brillä & Flossä. So hemmer ys ufä Wääg is Meer uisä gmacht & vieli scheeni Fisch gsi. I dä Nacht chemid sehr viel Mantarochä zum Liächt. So sinds vor ysnä Aigä durägschwummä & miär hend sie sogar chenä ahlängä. Wenn diä uf eim zuäzschwimmä chemid ischs im erstä Momänt chli unheimlich, diä sind nämlich bis zu 7 Meter breit. Wo mr de ä ca. 2.5 Meter langä Hai gseh hend hemmer scho chli Angst gha. Dä Mike hed jedoch scho ziemli viel Erfahrig & hed ys chenä beruhigä. Zrugg a Land hemmer ys vo dänä beidnä miässä verabschiedä, sie wärdid ys definitiv fählä. Fotis vo däm Schnorchelabentiir gids leider keini will GoPro de Geist uifgää hed. Isch aber halb so schlimm, so hemmers vollkommä chenä gniässä & wärdids nid so schnäll wieder vergässä. Ä Schwumm im Whirlpool hed ai hit Abig nid derfä fählä. Unvergässlichi Momänt hemmer uf Big Island derfä erläbä. Morä ziämer wiiters uf diä nechscht Inslä. Ez heissts aber erstmal nu Rucksack paackeen🤿🐠🌊🐚Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Aloha Maui🐚

    November 16, 2023 in the United States ⋅ 🌬 25 °C

    Mim Bus simmer hit Morgä friäh vom Hotel zum Flughafä gfahrä. Dä hed ziemli verspätig gha & mier hend scho bitz Sorgä gmacht um ysä Flug. Pünktlich hemmernä aber verwitschd & sind i nur 30 Minuitä z‘Maui ahcho. Am Flughafä simmer dä Nissan go abholä & zum Hotel gfahrä. Ihdrücklich zum gseh wiä dä Brand diä Inslä verwiäschted hed. Dä Blick vom Zimmer ufs Meer isch genial😍 Am Namitag hemmer s‘Nachbarsdörfli besichtiged & sind go Znacht ässä. Am Abig hemmer s‘Programm fir diä nechschtä Täg zämägstellt & s‘Hotel nu chli erkundiged.
    So simmer uf derä Inslä guäd ahcho😄    Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Roadtrip durch Maui🐢

    November 17, 2023 in the United States ⋅ 🌙 23 °C

    Hit isch dä Wecker einisch meh friäh ab. So hemmer yses Ziigs zämäpackt & sind mim Aito los cruiised. Hit simmer dä Nordä vo Maui go ahluägä. Ä wunderscheeni Strecki isch das gsi, wo alles sehr griän isch. D‘Strass isch zum Teil seeehr eng, froh simmer gsii das ys nur 1 Aito entgägä cho isch🫣. S‘hed paar cooli Spots gha wo mr hend chenä ahhaltä & d’Uissicht gniässä. Ä Kaffistopp hend natirlich nid derfä fählä. S‘Städtli Paia hed ys ziemli guäd gfallä, s‘hed cooli Lädeli & scheeni Restaurants. Am Ho‘okipa Beach hemmer ah dä Surfer zuägluägt & viel gsünneled. D‘Wällä sind riesig gsii drum hemmer det nid derfä badä. Bruin simmer hit definitiv wordä🌊. Am Namitag sind am Strand viel Schildkröt gstrandet, am liäbstä hättemer einä mitgnu. Als Tageshighlight simmer ufem Haleakala (uf 3005m ü.M) dä Sunnäundergang go luägä. Wow, sonä scheenä Sunnäundergang hemmer nuni viel gseh. Ai uf däm Bärg isches ziemli Chalt gsi. Glücklich aber miäd gad ä wiitärä Tag z‘Änd.Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Sun, Fun & nothing to do🤿🌞

    November 18, 2023 in the United States ⋅ ☀️ 24 °C

    Mimänä feinä Bowl hemmer hit i Tag gstartet. Ahschliessend hemmer ys äs Plätzli am Strand gsuächt. Yses Hotel liid am beliäbtistä Strand z‘Maui, so hemmer nid wiit miässä. S’Meer hiä z’Hawaii isch unglaiblich scheen😍 Bi heissä 30 Grad hemmer det gsinneled & sind go schnorchlä. Scheeni Fisch & sogar ä Schildkrot hemmer gseh. Am spätere Namitag simmer is Ichaifszenter (10 Minuitä z‘Fuäss) chli goo lädälää & znacht ässä. Dä Sunnäundergang hemmer vom Restaurant bestens gseh. Ai sonäs gmiätlichs Tägli muäss zwischädurä sii🦦Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Road to Hana🚙🤙🏼

    November 19, 2023 in the United States ⋅ ⛅ 25 °C

    Am Morgä am 6ii simmer hit los gfahrä fir d‘Road to Hana. Diä isch ca. 53km lang. Wiä mä uf dä Fotis gsehd simmer ah vielnä coolä Spots gsii. Imänä Truckerdörfli hemmer fein Zmittag gässä. Will ys dä Ho‘okipa Beach so guäd gfallä hed simmer am spätere Abig numal det hii & hend ä scheenä Sunnäundergang gnossä. Ai hit hemmer det wieder ä huifä Schildkröt gseh. Dä Abig hemmer imänä Beizli z‘Paia la uisklingää midärä Pizza vom Steiofä😋Read more

  • Livia BetschartHawaii 🌞🌸🌊🥥🏄‍♀️Traveler

    Makamakaole Trail🛁🥾🦢

    November 20, 2023 in the United States ⋅ ☁️ 23 °C

    Äs wiiters cools Kaffi hemmer im Nachbarsdörfli gfundä & det gmiätlich zmorgä gässä. Diä Frücht hiä sind so lecker, diä wärdemer deheimä vermissä🍌🍍🥭. Spontan hemmer ysi Wanderroutä gänderet. Nid lang simmer glufä & s‘hed ziemli fescht afä rägnä (wiä uf dä letschd Wanderig). Dä Wandertrail heisst ai nu 13 Crossing. Hättemer vo ahfang gwisst dass demit 13mal ubärnä/durnä Bach laifä gmeint isch, wäremer glaib bi ysärä erst Wanderroutä blubä. S‘Wätter hed ai dasmal kä erbarmä gha & s‘hed nu meh afä rägnä. Bim Ziel ahcho simmer ziemli entüscht gsi vo däm "wunderscheenä Wasserfall". D‘Luinä hemmer ys wäg däm nid lah verdärbä & hend äs Rägätänzli gschwungä. Zum zrug laifä ischs ä ziemli rutschigi Sach gsi. Ufnä warmi Duschi & trochnigi Chleider hemmer ys gfräiit. Am Namitag heds einigi Sachä zum organisiärä gä, so dass mr vergässä hend epis Zmittag ässä. So heds nachem Znacht nu äs Dessert gä😋Read more

    See translation
  • Livia BetschartHawaii 🌞🌸🌊🥥🏄‍♀️Traveler
    1

    Beachday🐚🐠

    November 21, 2023 in the United States ⋅ ⛅ 24 °C

    Dä Tag hemmer produktiv mit Chleiderwäschä gstartet. Ahschliessend hemmer ys einisch meh äs feins Zmorgä gönnt. Da mr ysi To Do Listä fir Maui abghägled hend (uf dä Chartä gsehdmä dass mr eigentlich diä ganz Inslä gseh hend abgseh vom underi Teil wo aber teilwiis gsperrt isch wägm Brand) simmer hit ah verschiedni scheeni Stränd go badä & schnorchlä. Zum Teil heds richtig grossi Wällä gha, das isch ziemli witzig gsi. Ai hit hed sich diä warm Sunnä bimänä scheenä Undergang verabschiedet. Ah jedem Strassärand stehnd sicher amä 10 Ständ wo frischi Fricht verchaifid, da muässmä eifach haltä😮‍💨😍. Jetzt miämer nu ysi Rucksäck packä. D‘Vorfräid uf Kauai isch riiesiiig😊Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Aloha Kauai⛰️

    November 22, 2023 in the United States ⋅ ☀️ 25 °C

    Hit hemmer Maui verlah & sind uf Kauai gflogä. Am Flughafä hemmer dä Urs & Corina kennäglert, endlich wiedermal mit eperem chenä Schwitzerdiitsch redä. Dä Flug isch unglaiblich gsi. Ha unglogä epä 12 Rägäbögä gseh 🌈. Äbäfalls hender hiä ä Bewiis wiä scheen klar dass s‘Meer z‘Hawaii isch. Im Flugzüg isch dä Way näb ys gsässä, är wohnt z‘Kauai & hed ys paar cooli Spots verratä. Eher uncool isch diä Mietaitofirma gsi. So hemmer ys Aitolos ufä Wäg zum Hotel gmacht. Zum Glick hemmer dä Urs & Corina det numal gseh & sie sind so liäb gsii & hend ys zu ysem Hotel gfahrä (suscht wäremer de halt mit Sack & Pack 90 Minuitä glufä). Vergäbä hemmer im Hotel 2 Stund nachärä Lösig firs Aito gsuächt. Jänu. So simmer nu diä niiw Umgäbig z‘Fuäss go erkundigä & sind go Znacht ässä (sit zwei Wuchä endlich wieder mal Teigwarä gha😮‍💨). Voller Zuäversicht uf morn gemmer ez go pfuiisä.Read more

    See translation
  • Livia BetschartHawaii 🌞🌸🌊🥥🏄‍♀️Traveler
    1

    Lighthouse & Poipu Beach🐢🦭

    November 23, 2023 in the United States ⋅ ⛅ 25 °C

    Hit simmer friäh uif zum nu paar Sachä organisiärä. Zum Glick hemmer ez glich chenä äs Aito miätä. So simmer das go abholä & hend ysi Entdeckigstuiir gstartet. Dä bekannti Lüchtturm in Kilaulea isch de ersti Stopp gsi. Wiiters simmer ah de Küstä entlang gfahrä & sind am eint oder ander Strand go schnorchlä. S‘Dörfli Kilaulea isch richtig cool, so hemmer det chli verwiiled. Bi dä Waiula Falls chund momentan sehr viel Wasser, so hemmer dä Wasserfall nur vo obä chenä betrachtä. Will s‘Wätter so guäd mitmacht hit, hemmer ys ä Strand firä Sunnäundergang uisgsuächt. Wiä mä gsehd simmer am Strand nid diä einzigä gsi.. Det heds wieder einisch meh vieel Schildkröt gha & sogar ä Robbä wo det am relaxe gsi isch😍 Äs wiiters unvergässlichs Tägli gad z‘Änd.Read more

    See translation
  • Livia BetschartHawaii 🌞🌸🌊🥥🏄‍♀️Traveler
    1
    1

    Kalalau Trail⛰️🥾🌞

    November 24, 2023 in the United States ⋅ ☁️ 24 °C

    Am 6i am Morgä hed ys dä Gügel vom Hotel gweckt. Grad gäbig, miär hend sowieso friäh los miässä. Hit isch dä Kalalau Trail ufem Programm gstandä, dä hemmer scho drheimä buäched - zum Glück dä isch nämli sehr beliäbt. So simmer ca. 9 Kilometer zumänä Strand gwanderet, debii hemmer ä fantastischi Uissicht gha. Ah däm Strand dafmä aber wäg dä hechä Wällä nid badä. Wiiters simmer 5Kilometer zumänä Wasserfall glufä. Fir det hii hemmer ä Bach mehrmals uberquert, s‘hed aber nur sältä Stei zum druber laifä gha, so dass miär jedesmal hend miässä d’Schuäh abziääh (bises ys gnärvt hed & miär Barfuäss glufä sind). D‘Wanderig isch vom Start bis zum Wasserfall ei dräckätä gsii & seeehr rutschig. Äbäfalls ischs nu ziemli stotzig duruif gangä. Temperatuir isch absolut tropisch gsi - hed sich ahgfihlt wiä 40 Grad. Äs hed sich aber meh als glohnt, dä 100 Meter hechi Wasserfall isch gigantisch gsii zum gseh😍 S‘zrugg laifä isch um einiges meh rutschig gsii will so viel Liit durä glufä sind. Glicklich aber dräckig simmer nach dänä 28Kilometer bim Aito ahcho. D‘Abigstimmig hemmer bi ys i dä nechi gnossä✨ Im Hotel hemmer natirlich nu i Whirlpool miässä, hed de epä
    so uisgseh🦦    Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Waimea Canyon & Lawai Beach🌾🏝️

    November 25, 2023 in the United States ⋅ ☀️ 21 °C

    Wieder einisch meh heds äs guäds Zmorgä gä. Gstärkt hemmer ysä ufä Wäg zum Waimea Canyon gmacht. Obä
    ahcho simmer zu mehrärä Lookouts "gwanderet" (meh als spaziärä, aber nid wandärä & ja mit Birkästöck😊). D‘Uissicht isch genial gsi. Dä Wasserfall womä uf dä
    Fotis gsehd, isch dä glich vo gester. Vom heissä Wätter simmer scho chli is schwitzä cho. So ischs Namitagsprogramm schnäll klar gsii. Am Lawai Beach chamä guäd schnorchlä & sünnälä. D‘Abchiälig im Meer hed guäd da. Äs guäds Znacht hed hit nid derfä fählä. Kauai isch ä unglaiblich scheeni Inslä, hiä
    gfallts ys bis ez am beschtä (ich dänkä das blibt ai soo). Morä wartet (phaibt ich ez mal) s‘greschtä Highlight vo därä Reis uf ys… iär chend gspannt sii🎉🤩    Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Helikopterflug Kauai🚁🥺

    November 26, 2023 in the United States ⋅ ☁️ 24 °C

    WauwWauwWauw😍
    Hit morgä hemmer wieder einisch bitz länger gschlafä. Voll erholt hemmer ys ufä Wäg gmacht. Ahcho bim Jack Harter Helicopters hed d‘Sicherheitsschuälig gstartet. Dä Shuttlebus hed ys ahschliässend zum Landäplatz chauffiert. Dä Preston isch fir dä Flug ysä Pilot gsi (cooler Typ!). Dä Helikopter MD500 hed ys de uber diä scheen Inslä gflogä. Äs unvergässlichs Abentiir😍. Zum erwähne isch, dass mr ä Door off Tour buäched hend, heisst also dass dä Helikopter kei Tiirä gha hed. Miär sind absolut sprachlos vo däm Helikopterflug, das hed sich meh als glohnt🥺 S’Wätter hed nid ganz mitgmacht wiä diä letschdä Täg, was aber halb so wild gsi isch. Wenns nämlich bewölkt isch chund d’Landschaft viel meh zur gältig & d’Wasserfäll gsehd mä intensiver (Worte von Preston) Aber äbä Bilder sagen mehr als tausend Worte..
    Am Namitag hemmer diä Ihdrück erstmal miässä verarbeitä & hend drum ä gmiätlichä Sunntig gmacht, s’isch schliässlich nu voll cho rägnä. So hemmer ganz spontan nu ä Railway durnä Plantage buäched. Äs Zügli hed ys dur dä Dschungel gfahrä. S’hed ä Stopp gä zum Rösser & Schweindli zfiätärä (da hemmer wieder einisch chli Chind chenä sii). Nah simmer dä bekannt HotDog go probiärä, numal go Schildkrote beobachtä & is Dörfli Koloa go käffälä & lädälä. Dä letschd Abig uf Kauai hemmer im Whirlpool lah uisklingä🛁    Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Aloha O‘ahu🐬

    November 27, 2023 in the United States ⋅ ☁️ 25 °C

    Nachem Mittag simmer z‘Oahu glandet. Als Transportmittel zum Hotel hemmer hit d‘Limousine uisgsuächt. S‘Wätter isch bewölkt aber sehr warm. So simmer am Strand entlang glufä, um epis vo dä niiw Inslä zgseh. Yses Hotel isch am Waikiki Beach z‘Honolulu hiä isch wieder richtig Bigcitylife🌇. Ganz anders als uf dä andärä Inslä. S‘hed ah jedem Strassärand irgend ä Ladä. Verwilä hemmer ys chenä. Ih Wiähnachtsstimmig chemid miär i dä nechschtä Täg sicherlich, bi därä Dekoration. D‘Sunnä gad uf ysärä Siitä under, so chemer diä scheenschtä Sunnäundergäng gniässä. Äs feins Znacht hed nid derfä fählä. Morn fahd yses Programm friäh ah, so dass mr hit scho glii Firabig machidRead more

    See translation
  • Livia BetschartHawaii 🌞🌸🌊🥥🏄‍♀️Traveler

    Chillday Honolulu🏖️☀️

    November 28, 2023 in the United States ⋅ ⛅ 25 °C

    Hit wäremer eigentlich midärä bekanntä vo Alpnach (wo da im Sprachufenthalt isch) ufem Diamond Head dä Sunnäuifgang go luägä. So isch dä Wecker am 5i am Morgä ab. Wo miär verwached sind hemmer miässä gmerkä dases voll rägned. So hemmer diä Wanderig leider miässä absägä. Immerhin heds nu chli meh Schlaf gä. S‘hed nah ziemli dä ganz Vormittag nu grägned. Imänä Kaffi hemmer de Schärmä gfundä & hend dä Tag gmiätlich gstartet. Wiiters heds nu einigi Sachä zum organisiärä gää & diä nechschtä Täg sind ez ai planed. S‘wartet sehr cools Programm uf ys🤩 Firnäs letschds Mal sind d‘Chleider numal gwäschä wordä. Am Namitag heds Wätter um 180 Grad gänderet. D‘Sunnä hed vollgas gä, s‘isch 29 Grad wordä & miär hend chenä is Meer go badä & am scheenä Waikiki Beach sünnälä. Schliesslich miämer ysä Sunnätank uberfillä fir das Wätter deheimä. Gägä spätere Namitag simmer mim Bus zum Moana Zenter, äs rieeesigs Ichaifsgschäft, gfahrä. Det hani mi langersehnti Patagonia Ladä gfundä🤑💸 Wills nu so scheen warm isch hemmer ys z‘Fuäss ufä Heiwäg gmacht. Hit mal ä Biitrag mit wenig Fotis🙃Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice