Etna die Zweite

Nocheme früehne Wanderstart vo de ‚Rifugio Sapienza‘ us, erreicht mer zwoi Stund spöter, bi freier Sicht is Tal und ufe Vulkan, s‘Torre del Filosofo‘. De Wäg führt über Lavaschutt und zwüsche alte Krater immer nöcher zum aktive Etna, wo au hüt weder, meh als eimol en Knall, gfolgt vonere brune Rauchsüle, us eim vo sine Krater use loht. Obe acho, dörfed mer, ohni Führer, ned wiiter. Deför chöne mer beobachte, wie met de Wolke, zerscht di Agstellte und denne Turiste mit de Trekkingbusse obe achömed. Währed dem, dass sich de Etna langsam i de Wolke verhüllt, nemet mer de Rückwäg under d‘Füess.
Bim Parkplatz acho, findet mer üse Bus vo allne siite met Autos zueparkiert... zum Glück ghört s‘Schlüsselauto anere Agstellte ime Tourebüro!Read more