Muang Khua

Metem Boot ufem Fluss ‚Ou’ fahre mer höt Rechtig Süde. Das Mol hämmer en bequeme Sitz und gniesse d‘Fahrt im grüene Tal um so meh.
Bim Damm 5 esch denn Endstation. Well eus niemer richtig cha säge, ob und wo en Bus chonnt, laufe mer mol los. Bem nöchste chline Dörfli froge mer nochem Bus, aber de fahrt ersch vom 8km entfernt glägeni ‚Samphane‘. En Iheimische bütet üs a, üs för en beträchtleche Batze, is erwähnte Dorf z‘bringe. Mer näme dankend a.
Im Ort acho, fende mer met chli umefroge tatsächlech d‘Bushaltestell. Am 3 setti de Bus cho. Also warte mer. Am halbi 4i fahrt denn tatsächlech es Tuktuk zue. Nochdem de Fahrer gässe und anderi Sache erlediget het, fahre mer denn doch no los. Noch 55km holpriger, und staubiger Fahrt, chöme mer im Dunkle, in Muang Khoua a. Wer häts denkt🥳.Read more