Ho-Chi-Minh

Mer flüge för 3 Täg id Hauptstadt vo Vietnam.
Di grossi und quirligi Stadt bütet vell. Näb de Gebäude us de Kolonialziit stönd di typisch schmale und höche neuere Hüser und zwöscheinne türme sich d’Hochhüser. Uf de Strosse kämpfe sich d‘Autos durs Rollerheer. De Bsuech im vietnamesische Chriegsmuseum mit vorwiegend Fotos usem Chrieg fahrt eus allne ii!
Bem stöbere ufem Nachtmarkt findet mer alles wo mer brucht. Natürlich streiffe mir au dur eis vo de grosse Shoppingcenter.
Uf de Stross flicke und putze eim d‘Vietnamese sogar di alte Flippers.
Wemmer Durst und Hunger het, gets, nebe de Essenständ a de Strosse, e riise Uswahl a Restaurants. Obwohl mer s‘vietnamesische Esse sehr fein finde, gniesse mer di kulinarischi Vielfalt vo de Grossstadt. Do gönne mer eus au mol e Pizza oder en Burger😋.
Immer weder gseht mer en Tempel und im Park trainiert alt und jung uf de Fitnessgrät.
Es cools Erläbniss esch de Bsuech im Wasserpuppetheater.
Am Obe, bime Cocktail oder Bierli uf de Rooftopbar, gniesse mer de Usblick über di belüchteti Stadt.Read more