Anreise mit Unterkunft-Panne

Miteme Propellerflüger vo de ‚Airswift‘, flüged mer uf El Nido. Üsi Gastgeber werde eus am Flughafe abhole und üs zu üsem Bungalow am Strand fahre... aber es chunnt alles chli andersch.
Wo mer usem chline Flughafe chömed, esch de Transport nonig do, denn bechömed mer e Nochricht, dass er ohni eus gfahre esch🧐. Nocheme Telefon schickt üs d‘Underkunft en Rollerfahrer. Er seit üs, mer selle zäme zum Bungalow fahre, er chömi spöter metem Gepäck noche. De Weg zum Bungalow, cha de Fahrer ned genau beschriebe und sini Ussag zum Ort, deckt sech ned met dere vo de Buechigssiite🤨. Mer fahre mol los und noch zwoi Mol nochefroge finde mer üsi Underkunft...si esch ganz und gar ned am Strand.
Ok, das mol wehre mer aständige Schwitzerli eus. Mer checke ned i und nochdem, dass mer ame Strand i de nöchi WLAN gfunde händ, starte mer e langi Verhandligspartie mit de Unterkunftschefin und de Buechigsfirma. Am Obig am 23:30h treffe mer de i de umbuechete Underkunft i und sind froh über es Bett, au wenn s‘Bungalow eus ned umhaut.
Esch de Kampf vergäbe gsi?Read more