Tierischi Attackä

Nach zwei Täg hät dä Mark gfunde dä Nico isch ready für die grosse Wälle und isch mit em wiiter use.
Det usse sind d Wälle biz fieser und es hät es paar Aläuf brucht bis dä Nico gstande isch. Aber er hät ä unglaublichi Usduur und wird immer besser. 🤙🏽

Zwüsched dure üäbt er no chli bi dä chlinere Wälle im flächere Wasser. Ich bin, wohl oder übel, scho am aperöle, wo ich ihn plötzlich gseh us em Wasser humple. Ohoh da isch öppis nöd guet. D Bettina und dä Mark reagiered schnäll. Dä Nico isch uf en Stachelroche gstande 🫣 das passiert sehr sälte, i dä letschtä 8 Jahre öppe 4x, aber er häts irgendwie chli mit dä stächende Tier 🙈
Schnäll use und dä Fuess i heisses Wasser. Er hät Glück gha und dä Roche hät en "nur" am Zähie biz verwütscht, weh tuets trotzdem und die 20 minütige Nerveschmerze bis id Liste ufe sind sehr unagnähm. Bizeli Cola für dä Kreislauf und leider eifach abwarte. Zum Glück lahts nach öppe 30min nah und mir sind alli beruhigt. Heieiei, jetzt langeds dänn langsam mit dä Verletzige 🙈Okumaya devam et