Ersti Abig in Luxemburg

Nach eme (sehr) churze Flug simmer mit dem chline Flügerli biz gwagglig aber sicher glandet.
ÖV isch im ganz Land gratis und so simmer diräkt mit em nägste Zug id Stadt. Mer därfs fast nöd säge, aber d Zugfahrt isch öppe glich lang gsi wie dä Flug 😳
Euses Airbnb isch 1min vom Hauptbahnhof entfernt und nachdem mer dä Schlüsselsave gfunde und ufbracht händ, simmer euses Zimmer go sueche. Im erste Idruck ischs s Stägehuus chli gruselig gsi, so mit Warnschilder wäge Dienstahl und ohni Liecht und ich ha mi scho gfrägt öb euses Zimmer würkli so isch wie uf sä Bilder 🫣
Aber mir sind positiv überrascht! Es hät alles was es bruucht, isch tip top suuber und gmüätlich. Dä üsseri Schiin trügt halt mängisch 😅
Da mir mega Hunger gha händ unds scho fortgschritteni Ziit gsi isch simmer mit em Bus id Altstadt. Det sind natürli alli Plätz i dä Resti a dä Sonne scho vergäh gsi und dänn simmer ohni no lang sueche i di nägst sympathischi Beiz. Burger gaht schliesslich immer 😋
Mega netti Bedienug und super Ässe, Priise aber wie i dä Schwiiz 😅
En gmüätliche 20 minütige Abigspaziergang hei und oha...! Mir sind dasmal vo dä andere Siite zum Airbnb cho und was stelled mer fest, mir sind wohl im Puff-Quartier glandet. 😅 Es paar netti Night-Clubs und Bars und verchläbti Schiibe mit Liechtli hinde dra, sowie villne Männer alleige a Tische, aber zimmli chillig und sit mer da sind hämmer scho 3x d Polizei gseh, alles easy 😆Read more