Reset search
Paris
  • NadineLovesTravelling
  • GaPi
  • Nico K
  • NadineLovesTravelling
  • GaPi
  • Nico K

Paris

A short but fine adventure by NadineLovesTravelling, GaPi & Nico Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    April 16, 2026
  • Paris
    Es geit los!
    Es geit los!Erste Stopp Notre-DameAber ine gö mer nid, het chli viu Lüt u geit z lang zum astah...Streetart ufem Vorplatz 🤩Bluememärit näb der Notre-DameFlaniere dür d Pariser GasseChurze shopping Zwüsche Stopp (eich hei mer ja nüt wöue gängele 🙈)Der wältberüemt LouvreJardin du LuxembourgWider mau Zit für es Selfie 🤣Nach em Jardin du Luxembourg gits natürlech no es Luxemburgerli 😋Nach der Sterchig geits wider zum nächste SpotOu hie steit de z lang a zum ufe ga, drum mache mer haut e Foti vo unde ufe...Dä darf natürlech o nid fähle uf der Tour

    Sightseeing in Paris

    April 17 in France ⋅ ☁️ 20 °C

    Am erste Tag ir Stadt vor Liebi gä mir üs volle Touriprogramm und bueche e Stadtrundfahrt mit em Hop on Hop off Bus. Der Ideal wäg zum sech e erste Überblick vo der Stadt z verschaffe und die wichtigste Sehenswürigkeite mau z xe. Zum Glück isch der Startpunkt vor Rundfahrt nid wit vo üsem Hotel entfernt. Ab und zue stige mir wider us und loufe vor einte Station zur nächste oder chehre nach ere churze Rundi wider ar gliche Haltestell i. Eigentlech hei mer 1-2 Sehenswürdigkeite o no wöue bsueche aber wo mir xe hei wie lang me überall asteit hei mers de lah si... 🙈Read more

    See translation
  • Paris
    Sacré-Cœur
    Sacré-CœurWider mau es Gruppe SelfieÜse Underhalter bim Astah1Dä "Guguus-Jesus" 🫢Street Art im KünstlerviertelHübschi GässliChlini Sterchig underwägsUfem Wäg zrug ud Hotel

    Paris 2. Tag

    April 18 in France ⋅ ☁️ 21 °C

    Nach der erste Geburtstagsüberraschig und em Zmorge mache mir üs uf d Socke und näh d Metro richtig Sacré-Cœur. D Chile und z Künstler Quartier Montmartre rund ume söu schins e Bsuech wärt si. Es het natürlech wider mega viu Volk vor Ort. Hüt löh mir üs aber nid la abschrecke vor Schlange vor em Igang und reihe üs ou i (nachdäm d Nadine öper ganz vor ir Reihe isch go frage wie lang är gwartet het und s het gheisse ire haub Stund sig me drin 😅). Da mir bim Astah vom ne begnadete Strassemusiker underhalte wärde isch die haub Stund relativ schnäll düre. Drin isch d Warterei de schnäu vergässe und mir bestune die prunkvolli Chile. Nach der Sacré-Cœur spaziere mir no chli dür Montmartre. Bim Place du Tertre chunnt me schier nid düre, 2-3 Gasse näbe dra hets nüm haub so viu Lüt. Mir versueche am grösste Trubel chli us em Wäg z ga und flaniere chli de Sitegässli nache.Read more

    See translation
  • Paris
    Apéro
    ApéroVorspiisHouptgang mit PouletHouptgang mit FischDessertZ glückliche Geburtstagschind

    Dinner Bootsfahrt

    April 18 in France ⋅ ☁️ 19 °C

    Z Highlight vom hütige Geburtstag vor Gabriela isch e Dinner Bootsfahrt uf der Seine. Sie weiss bis churz bevor mir a Board gö no nid was sie erwartet. Um so grösser isch de d Überraschig wo mir bim Boot achöme. Es folge 2 Stund gmüetlichs Beisammensein, Flussfahrt und feins Ässe. Was wot me meh?Read more

    See translation
  • Paris
    Künstlermärit klein aber feinWie überall in Paris gits schöni Wandbilder z entdeckeJarin du Luxembourg zum 2.Flomi 🤗Sehr lecker 😋🤣Die letschte Stunde ir Stadt vor LiebiDie Einte si grad chli düre vom Uber Stress 🤭

    Letzter Tag in Paris

    April 19 in France ⋅ ☁️ 16 °C

    Hüt isch leider scho der letscht Tag vo üsem Paris Weekend... 😢 Wo mir bim Zmorge üse Tag grob plane xe mir, dass es e härzige Künstletmarkt git wo me chönnt go aluege. Auso näh mir wider mau d Metro und fahre dert use. Gmüetlich schlendere mir dür d Ständ und choufe sogar es paar Bilder bir einte Künstlerin. Nach em Märitbsuech loufe mir zrug richtig Seine, uf em Wäg chöme mir nomau bim Jardin du Luxembourg verbi. Zuefälligerwis loufe mir no a ne Flohmi häre 🤗 mir spaziere chli dür d Ständ und höckle bim ne sympatische Beizli näbem Flomi ine wo mir üs e chline Snack gönne. Typisch französisch mit em ne Glesli Chardonnay und escarcargaux aux herbes und Croque Monsieurs. 😋 Aschliessend loufe mir langsam richtig Hotel zrug und decke üs underwägs no i mit Cannelé für d Heifahrt.

    Für d Rückfahrt zum Bahnhof näh mir der bequemlichkeit halber e Uber statt d Metro. Da mir zitlich chli id Rushhour chöme (üse Zug fahrt 18:21) plane mir gnue zit i. Zum Glück, genau hüt findet irgend e Demo statt und mir chöme fasch nid a Bahnhof, wäg de gsperrte Strasse. Nach em 3. Alouf der Gare de Lyon azfahre erlöse mir üse driver und loufe die letschte Meter. Schlussändlich längts no gäbig zum üs am Bahnhof mit Wägproviant izdecke aber viu Spazig hei mer nüm gha. Ende Gut alles Gut, jetz hocke mir im Zug und fahre wider richtig Züri.    Read more

    See translation
    Trip end
    April 19, 2026