Reset search
Viaggio dell‘amore
  • Sämy und Martina
  • Sämy und Martina

Viaggio dell‘amore

aka Flittermönet Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    September 19, 2025
  • Sämy und MartinaViaggio dell‘amoreTraveler

    Der Weg ist das Ziel 🧭

    September 20, 2025 in Italy ⋅ ☀️ 22 °C

    Nachdem mer geschter euse Viaggio dell‘Amore gebührend iglüte hend (merci an Martinas Team für der toll Unico Guetschin ✌🏾), simmer hüt morge mit vollbepacktem Auto losgfahre. Vu Chletter- und Golfusrüschtig, Biwak-Züg inkl. Schlafsäck und Gas-Chocher und Chleider für Bärghütte bis 5 Stern Hotel hemmer alles derbi. 1. Stopp in Sisikon bi Martinas Mami - gfolgt vu Zmittag am See. Dernach isch dOdyssee losgange: mitem Auto uf Lecco, det dDirettissima derufkraxlet, mit de Idee irgendwo halbwegs zum Istieg zu eim vu de Tornioni Magnaghi zübernachte. Top stimmig mit Dunst und Sunneundergang, unbeidruckte Gemschi - aber leider keis Schlafplätzli vu de Martina flach gnueg gsi isch 🙄 darum wieder derab, fascht scho welle mitem Auto ines Hotel fahre, de het de Sämy nu es vielsversprechends Plätzli uf de Charte gfunde: Alpe Mus‘Cera. Da hemmer ufere Pferdeweid, umringt vu nu meh Gemschi und röhrende Hirsche, es wunderbars Fläckli gfunde - inkl. Sternehimmel, Ussicht und Bärgsee. 🐥Read more

    See translation
  • Sämy und MartinaViaggio dell‘amoreTraveler

    Change of scenery 🔀

    September 21, 2025 in Italy ⋅ ☀️ 28 °C

    Hüt morge simmer liecht nass vum Tau inmitte vu Nebelschwade und ca. 15-20 Gämschini ufgwacht 🥰 nach churzer Chatzewösch und Kaffee simmer de derab uf Lecco und hend Plän für de wiiteri Tag gschmiedet - wo eus denn an Gardasee in Chervò Golf gfüehrt hend ✌🏾 erfrüscht und gstärcht durch Duschi & Pasta simmer ga 18-Loch Golf spiele und hend eus es guets Battle gleischtet: Martina het jewils pro Loch 2 Schläg zguet, ussert bi de Par
    3 Löcher, det nur 1 Schlag. Obwohl de Sämy 2 😳 Birdies gspilt het und mer zwüschetdure zimli lang ufem Platz hend messe warte, het sich dMartina de Sieg mit +2 chenne sichere 💪🏾🎉 das hemmer de mit Martinas lokalem Lieblingswii (Zenato Ripassa) gfiiret & sind scho churz nach de 9ni happy aber kaputt is Bett gfalle 😍🐥    Read more

    See translation
  • Sämy und MartinaViaggio dell‘amoreTraveler

    Spa weather 🌧️

    September 22, 2025 in Italy ⋅ 🌧 17 °C

    De hütig Tagesstart isch wieder nass gsi - diesmal nid vum Tau sondern vum strömendem Räge 🙄 darum hemmer (wieder mal) eusi Plän gänderet und sind statt richtig Verona/Venedig direkt in Norde, richtig Bozen - inen Empfehlig vumene berüehmt-berüchtigte Hotelkenner 😅 sSensoria Dolomites het eus vu Afang a überzügt, scho bim Icheck-Getränk hemmer euse Ufenthalt verlängert 😅 de räschtlich Tag hemmer im Spa verbracht, mit Peeling im Dampfbad und ABBA-themed Sauna Ufguss, gfolgt vum complimentary Prosecco und 6-Gänge Dinner 😍🐥Read more

    See translation
  • Sämy und MartinaViaggio dell‘amoreTraveler

    All-weather mountain goats 🐐

    September 23, 2025 in Italy ⋅ 🌧 8 °C

    Eigentlich hättemer hüt welle ga Chlettere, en eifachi Tour zwüsche Lang- und Plattkofel. Doch zWetter isch „bizi“ unbeständig gsi, darum hemmer en „chlini“ Wanderig uf de Seiser Alm gmacht. Martina het die 1. Etappe bestimmt: vu Compatsch überd Rosszahn-Scharte (Forcella Denti di Terrarossa) ind Tierser Alpl Hütte. Doch anstatt de gmüetlich Panorama-Weg zruggznä, het de Sämy gfunde „mer laufed doch nur grad übers Seiser Alm Logo Bärge drüber“. Ja guet, demfall numal 3 Stunde Umweg - alles prinzipiell nid so schlimm, wenn mer nid die letschte 1.5-2h voll verschiffet worde wäred 🙈 Tja, de simmer halt meh jogget als gloffe - und uf direktem Weg in Sauna Ufguss, nach guet 32‘000 Schritt (19km) und 1‘164 Höhemeter 😅🐥Read more

    See translation
  • Sämy und MartinaViaggio dell‘amoreTraveler

    Dolce far niente ⏸️

    September 24, 2025 in Italy ⋅ ☁️ 13 °C

    … churz hemmer überleit öb dolce far niente au „scrivere niente“ heisst, aber der Joker ziehndmer en andere Tag 😅 mer hend hüt de letscht Tag im schöne Sensoria Hotel in volle Züg gnosse, mit usdehntem Usschlafe, Zmörgele und Wellness - derbi hets meh oder weniger de ganz Tag gschiffet, resp. am Sämy sini ursprünglich planti Chletterroute ufe Plattkofel hets sogar igschneit 🙄❄️ etz simmer paar Dörfer wiiter zoge, hend es deftigs Znacht gha - und freued eus etz uf en gmüetliche Filmabig im Hotel ☺️🐥Read more

    See translation
  • Sämy und MartinaViaggio dell‘amoreTraveler
    4

    Winter is coming ❄️

    September 25, 2025 in Italy ⋅ ⛅ 13 °C

    Nacheme Temperatursturz vu ca. 10 Grad simmer hüt morge zu Froscht und wisse Berggipfel erwacht. Sämys Chletter-Plän sind somit numal übere Huufe grüert worde - und mer hend eus afigs ufe Weg uf Cortina D‘Ampezzo gmacht, verbi an allne Hot Spots wommer scho vu de Ferie in de Dolomiti Superski kennt hend ⛷️ bizi Chlettere isch denn aber doch agseit gsi, mer hend eus die ca. 35m höchi Wand vu de „Crépe de Oucéra Bassi“ derufkämpft - allerdings mit zimlichem Ach & Krach, sowohl für Martinas „Promenade“ (5b) als au Sämys „33 Marzo“ (6c). Denn simmer wieder schleunigscht ins Spa vum Rosapetra in Cortina gflüchted, womer sowohl miteme Zimmerupgrade als au mit Prosecco überrascht worde sind 🥂Read more

    See translation
  • Sämy und MartinaViaggio dell‘amoreTraveler

    Spa - eat - sleep - repeat 🧖🏽‍♀️🍝💤🔁

    September 26, 2025 in Italy ⋅ 🌧 12 °C

    Leider scho wieder en Rägetag hüt, darum scho de 3. Wellnesstag in üser 1. Feriewuche 🙄 but who are we to complain, wenn mer der Tag im Rosapetra hend derfe verbringe ✌🏾 am Abig simmer ines „eifachers“ Hotel umzoge, in Vorbereitig uf (hoffentlich) meh Bärgtoure als Saunagäng in de negschte Täg - und hend nid schlecht gstuuunet as eus s Fiori Dolomites vum Economy Doppelzimmer ind Spa Suite upgradet het, inkl. eigetem Whirlpool & Sauna im Zimmer 😅😂🥰🐥Read more

    See translation
  • Sämy und MartinaViaggio dell‘amoreTraveler
    1

    Almost rain-free multi pitch ✌🏾

    September 27, 2025 in Italy ⋅ ☁️ 6 °C

    Die italienische Wättervorhersage tribed de Sämy langsam aber sicher in Wahnsinn: anstatt ases hüt vu Tagesabruch a schön isch gsi, simmer wieder mal zu Räge erwacht 🙄 Das heisst mer sind zerscht mal in Cortina die grosse Sportgschäft ga abklappere (inkl. Chauf vu de x-tä Chletterfinke fürd Martina) zum denn bim 1. Sunnestrahl sofort (dick ipackt 🥶) los zu de 5 Torri, es Gebiet womer bisher nur vum Skifahre kennt hend. Det hemmer es rächt guets Timing verwütscht - grad nachdem mer de churz aber schön Multi-Pitch uf die Quarta Torre abgschlosse hend gha (d.h. genau denn womer beid nachem Abseile wieder feschte Bode under de Füess gha hend) hets wieder afange schiffe… 😒 darum ruckzuck ins Rifugio Scoiattoli, mitem Sessel derab (inkl. Hirsch Sichtig 🦌) und schnurstracks in eusi privat Sauna. Zum Abschluss hemmer eus nu en japanisch-italienische Znacht in Cortina gönnt 🇯🇵🇮🇹Read more

    See translation
  • Sämy und MartinaViaggio dell‘amoreTraveler

    First proper climbing day ☀️

    September 28, 2025 in Italy ⋅ ⛅ 7 °C

    Ungläubig simmer hüt Morge tatsächlich zu strahlend blauem Himmel erwacht 🥰 rasch hemmer usem Fiori uscheckt & sind richtig Falzarego-Pass gfahre, dismal nid zu de 5 Torri wie geschter, sondern die ander Siite deruf, zum chline Falzarego-Turm, grad neb de alpine Kante womer im 2022 kletteret hend. Dismal simmer dVia delle Guide deruf, 9 Seillänge in griffigem Dolomite-Chalch, im 3&4 Grad. Obwohl mer halbwegs deruf de obligat Wetterumschwung gha hend (zum Glück nur mit chaltem Wind & Wulche) simmer tiptop der recht steil Turm deruf kraxlet, richtig en gueti Tour gsi 🙌🏾 nacheme lange Abseiler & Abstieg durch en klassisch kiesig-grischligi Dolomite-Scharte (love it 😑) hemmer Tal gwächslet - etz chemed mer de Drü Zinne endlich au nöcher ✌🏾🐥Read more

    See translation
  • Sämy und MartinaViaggio dell‘amoreTraveler

    We spontaneously hiked 5 passes 😅

    September 29, 2025 in Italy ⋅ ⛅ 8 °C

    De Sämy het im Vorfeld mit viel Liebi es paar machbari (aka Martina-suited 🙄) Chletterroute usegsuecht gha - für hüt wär de Torre Wundt mit 7 steile Seil-Längene im 4er Bereich oberhalb vu Misurina plant gsi. Bi (für einisch) strahlend blauem Himmel simmer also zum Rifugio Fonda Savio ufegloffe, ufem Passo dei Tocci - zum merke as die ihri Saison scho beendet hend, het offebar sit 1993 nüm so früeh Schnee in so tüfe Lage gä 😳 DChletterroute selber isch leider au nu ganz im Schatte gsi - und uf iischalts Gekraxle isch de Martina nid so recht zmuet gsi 🙈 Darum wieder mal Planänderig: statt ga Chlettere hemmer die Bärgchetti oberhalb vu Misurina umrundet - und so „spontan“ füf Päss bezwunge: de Passo dei Tocci (2360 MüM) bim Rifugio, denn Forcella della Torre (2400), Forcella Sabbiosa (2440), Forcella del Deserto (2450) und Forcella della Neve (2470) ✌🏾 Im Zickzack het sich de Weg uf die Bärglückene deruf und derab gwunde, mer sind über wisse, rote und schwarze Dolomite-Grischel gloffe, teilwis troche und rutschig oder hart gfrore mit Schnee derzwüsche, über verschütteti Abschnitt und über usbauti Stegetritt. Sogar die bekannte 3 Zinne hemmer hüt zum 1. Mal „gseh“, allerdings het Wetter (wieder mal) ufe Mittag zuetah & somit hemmer sie meh erahnt als würklich gseh 😑 Ca. 5 Stund & rund 23‘000 Schritt später simmer wieder in Misurina acho, uf direktem Weg inen gmüetlichi Pizzeria und denn ab under di heiss Duschi 🥰🐥Read more

    See translation
  • Sämy und MartinaViaggio dell‘amoreTraveler

    The evil traverse 😈

    September 30, 2025 in Italy ⋅ ☁️ 8 °C

    Hüt isch üse letschti Tag in Venezie gsi, Sämy het eus en churzi Chlettertour uf de Popena Basso, grad oberhalb vu Misurina, usegsuecht gha. Doch leider isch die 2. Seillängi de Martina vum Verhängnis worde 🙄 en spärlich abgsicherti Traverse, hoch überem See anere schroffe Felswand. Sämy het sich zwar alli Müeh gä, het unzähligi Friends und Schlingene gsetzt, guet zuegred und ermuntered - het alles nüt gnützt. Wie en bockige Esel het dMartina nüm wiiter chenne (resp. welle 🙄) - darum simmer zum letschte Stand zruggkraxlet und hend eus vu det abgseilt. Zum die strapazierte Nerve chli zberuhige simmer direkt wiiter uf Sexten ins Alpenblick Hotel, ohni Umweg ins Apéro, Jause & Wellness ✌🏾😅🥰 Guet besäftigt sitzemer etz zu Lagrein & 5-Gang Dinner im Stübli und schmiedet Plän für morn ☺️Read more

    See translation
  • Sämy und MartinaViaggio dell‘amoreTraveler

    Day trip to Austria 🇦🇹

    October 1, 2025 in Austria ⋅ ☀️ 14 °C

    Vu Sexten isch die östrichisch Gränze nur paar Kilometer entfernt - darum hemmer hüt en churzi Pause vu de lange Wander- und Chlettertoure gno und sind uf Lienz ins Dolomitengolf Osttirol 🇦🇹 Hend en super 18 Loch Rundi derfe gniesse, zwar immer wieder bissig chalt, aber sehr abwechsligsrich mit aspruchvolle Greens & grandiosi Ussicht ufd Dolomite. Dank Wage simmer au in under 4 Stund dure gsi - perfekts Timing für Zmittag a de Sunne uf de Terrasse, serschte Mal womer sitem Gardasee wieder hend chenne dusse sitze 🙄😳😢 ganz losglöst vu de Bärge hemmer eus aber de doch nid: sind oberhalb vum Golf nu paar churzi Chletterroute ga erkunde, allerdings isch de Sektor imene schattige Wald glege - und es wimmlet nur so vu langbeinige Spinne, „Hogibei“ isch die korrekt biologisch Artebezeichnig nach Zermatter Forscher 😂 mit enere guete Müedi simmer zrugg ins Spa vum Alpeblick und lehnd de Abig mit einem vu eusne gliebte Lagrein la usklinge 🥰🐥

    PS: vergässe zerwähne asd Martina 3up gwunne & sogar 2 Par nachenander gspilt het 🎉 Sämy zwiiflet etz a eusem Zählsystem (mit jewils 1 Schlag zguet uf Par 3 & jewils 2 Schläg uf Par 4&5), weler etz scho 2x verlore het - nid emal mit siner 83er Rundi im Gardagolf hets für en Sieg glänget 😅🤓 to be continued…    Read more

    See translation
  • Sämy und MartinaViaggio dell‘amoreTraveler

    Grand beau ☀️

    October 2, 2025 in Italy ⋅ ☀️ 4 °C

    Hüt simmer en Dolomite Klassiker gwanderet: vum tüfblaue aber ebe au türfrorne Fischleintal meh oder weniger steil zur Zsigmondyhütte (Rifugio Comici) deruf (inkl. sehr feinem Öpfelstrudel), denn wiiter übers Büllelejoch zur Drei Zinnen Hütte und denn durchs Altensteintal wieder derab ins Fischleintal. Endlich hemmer hüt grandioses Wetter derfe gniesse (wenn au 10-15 Grad chälter als erwartet 🥶) & sogar die Drei Zinnen endlich vu de „richtige“ Perspektive gseh 📸 nach rund 33‘000 Schritt simmer wieder Jause- & Sauna-riif gsi - und gniessed euse letschte fein Halbpension-Abig im Alpeblick Hotel. 🐥Read more

    See translation
  • Sämy und MartinaViaggio dell‘amoreTraveler

    Ciao Passo Falzarego, era un piacere! 🖤

    October 3, 2025 in Italy ⋅ ☁️ 7 °C

    Langsam zieht‘s eus richtig Zug hei, so het eus de Sämy nu en letschti (dritti!) Tour nöchi Passo Falzarego usegsuecht: d Via della Vipera füehrt ufd Punta Dallago deruf, 5 agnämi Seillängene im 4. Grad - s Gipfelbuech hemmer denn wie folgt signiert:

    Da Zermatt siam venuti con ardore,
    sulla Via della Vipera con vigore,
    nei Dolomiti sole senza fine,
    calor gentile, splendore divine.

    Nach dem wunderbare Bluebird Day simmer wiiter uf Welschnofen, ines Hotel womer hoffentlich nu zum Riite wärded cho 🤞🏾 will keep you posted!    Read more

    See translation
  • Sämy und MartinaViaggio dell‘amoreTraveler

    Old & new hobbies 🧗🏼‍♂️🏇

    October 4, 2025 in Italy ⋅ ☀️ 13 °C

    Im Vorfeld vu eusem Viaggio dell‘Amore hemmer eus bi ChatGPT & Globetrotter zu allne Destinatione chli schlau gmacht - und abgseh vu de Dolomite hemmer au die meischte Hotels & Flüg buecht. Der 1. Teil vu de Reis hemmer bewusst nid im Vorus buecht gha, wel mer hend welle flexibel blibe mit Wetter und lokale Bedingige - worum mier jetzt mit dem früene Schnee und doch eher chalt-nassem Wetter recht froh sind gsi 🥶 Die aktuell Etappe hemmer allerdings scho gfixt gha, wel de Sämy sich gwünscht het zum ga Riite zga 🏇- wie damals in Südafrika, Osterinsle und Bolivie uf euser Wältreis im 2018. Allerdings isch das hie in Welschnofen ganz en andere Riitbetrieb, anstatt „Nase-an-Arsch“ ga Usriite isch meh klassische Riitunderricht i de Halle agseit gsi - allerdings uf de J.Lo, amenere ehemalige Western-Turnierpferd, wo denn doch recht fiinfühlig & aspruchsvoll isch gsi.
    Da das Riitprogramm nid tagesfüllend isch gsi, simmer nu ga Sportchlettere - zum „Zwoaten Stahn“, amene freistehende Felsblock im Wald oberhalb vum Karersee. Mer wüssed nid wases gsi isch, aber irgend en Chnopf in Martinas Chopf het sich glöst - und sie het plötzlich tiptop möge 5a/b Routene vorstiige - trotz recht gspacete Bolts ✌🏾
    Zur Feier des Tages simmer in Marions Grillstube - und hend da zwohl beschte Znacht bis etz gnosse. Sämy het s Tastig Menu gno, wo nach 5 mini Vorspise au 12 (!) unterschiedlichi Fleisch ufem heisse Stei umfasst het. Pappsatt & glücklich simmer zrugg zum Hotel grollt - und scho churz nach de 8i im Bett gsi 😴    Read more

    See translation
  • Sämy und MartinaViaggio dell‘amoreTraveler

    Last stroll through the Dolomites 🏔️

    October 5, 2025 in Italy ⋅ ⛅ 10 °C

    Scho sit chli meh als zwei Wuche simmer underwegs - und hüt isch scho de letscht ganz Tag in de Dolomite 😳 wie immer sind eus die erschte Täg ewigs vorcho und hend sGfühl asmer scho länger underwegs sind, au wenn eus sWetter doch de eint oder ander Strich durchd Rechnig gmacht het 😏 über Nacht hets wieder zimli abegschneit, darum isch hüt statt enere letschte Chlettertour meh (alpine) Sightseeing und en churze Spazottel agstande: zerscht zum Karersee (die grüen Südtiroler Version vum Blausee) & denn mitem Paolina Lift deruf richtig Rotwand, durch Schnee & rote Matsch zum Fensterturm. Trotz Optimismus hemmmer denn messe igestah as de Winter die Bärgchetti scho fescht im Griff het - und hend eus miteme gmüetliche Zmittag im Rifugio messe begnüege. Nach enere letschte Rundi Wellnesse, Lese und Schueh putze simmer etz i eim vu de wenige nid-Hotel Restis in dere Region und freued eus ases etz de gli ins Land der aufgehenden Sonne gaht (Lotusblume lässt grüssen 🙄😂). 🐥Read more

    See translation
  • Sämy und MartinaViaggio dell‘amoreTraveler

    36 hours back home 🇨🇭

    October 6, 2025 in Switzerland ⋅ ⛅ 14 °C

    DWuche hemmer mit üser zweite & leider au scho letschte Riitstund gstarted; beidne isches scho ganz guet gange - inkl. erschte Versüech in Trab & Galopp. Dernach simmer durchs Vinschgau zrugg hei uf Zug gfahre, da hemmer etz 36h Zit zum Wäsche und neu Packe bevors am Mittwuchmorge uf Tokyo gaht. Sämy het wieder mal en Engelsgeduld bewiese & de Martina ihrer Muetter ghulfe ihres neue Handy suuber neu ufzsetze 😘 - dMartina het währenddesse im Huushalt gwüeted bis de Wöschständer vor luuter Gwicht fascht zämäklappt isch 😅Read more

    See translation
  • Sämy und MartinaViaggio dell‘amoreTraveler

    Last preparations 🧳

    October 7, 2025 in Switzerland ⋅ ☁️ 17 °C

    De churz Zwüschestopp dihei hemmer hüt numal effizient gnutzt, mit Pneu-Wechsel, Hochzitschleid & -azug us de Reinigung ga hole, ManiPedi 🙄✌🏾 & finalem Koffer packe für morn 🥰 scho Mitti Namittag simmer dure gsi & hend de Tag zerscht mit Kaffee&Kuchen (&Rotwii 😅) am See & denn miteme gmüetliche Znacht bi Carolio la usklinge lah 😊

    PS: nachdem mer geschter de 188‘888. Kilometer in üsem geliebtem A5 verpasst hend, het hüt dMartina immerhin de 500. Kilometer uf ihrem (dritte) Trotti fotografisch feschtghalte 😅    Read more

    See translation
  • Sämy und MartinaViaggio dell‘amoreTraveler

    Up in the sky ✈️

    October 8, 2025 in the United Arab Emirates ⋅ ☀️ 38 °C

    Today was the day: we headed east! Nacheme recht entspannte früene Morge dihei simmer uf Züri an Flughafe & denn mit nid einere Warteminute durch Baggage Drop & Sicherheitscheck ✌🏾 einzige Wermuetstropfe: euse „Fenschterplatz“ het sich als no-window seat usegstellt 😂🤦🏾‍♀️ jetzt simmer nach de erschte 6 Flugstunde guet in Abu Dhabi acho, in paar Minute startet sBoarding füre Wiiterflug (10h) uf Tokyo 🥳Read more

    See translation
  • Sämy und MartinaViaggio dell‘amoreTraveler

    Konnichiwa Tokyo ✌🏾

    October 9, 2025 in Japan ⋅ 🌬 21 °C

    Nach numal 10 Flugstunde simmer hüt Mittag in Narita acho (dank Schlafmaske-an-Sitz-bind-Teil eigentlich nu ganz guet pfuuset) - und sit denn chunnts eus surreal vor asmer etz tatsächlich in Japan sind 😳😅 hend aber gar nid sooo fescht mitem Admin-Zügs messe kämpfe: Skyline & Metro Abo löse, Fahruswis übersetze & drucke, die omnipräsente Vending Machines nutze - alles tiptop funktioniert. Nach churzem Ichecke in eusem Blossom Hibiya Hotel simmer durchs Ginza Quartier flaniert, aperölet - und denn het die wahri Challenge agfange: dSuechi nacheme Resti 😅 in de chline Gässli vu Ginza reiht sich Resti an Resti - und zwar nid nur waagrecht sondern au senkrecht 😅🙈 heisst es het uf bis zu 5 Stöck Restis, sowohl under- als au überirdisch 😂 derzue chunnt as die meischte Restis kei englischi Menus hend (Google Translate hilft - aber verwirrt oft au 😅), Martina nid sonderlich Essens-pflegeliecht isch & die ganze munzige Beizli sind ofz scho voll bsetzt resp. es het öfters mal nu en Schlange ufem Trottoir 🙄 schliesslich hemmer de aber doch nu per Zuefall öppis sehr guets gfunde, es Teppanyaki Resti wo sich uf Seafood & Wagyu Beef spezialisiert het - und de Sämy a sim Geburi doch nu es gebührends Znacht becho het 🥳 etz simmer zrugg is Hotel, hend eus nu en Hibiki Whisky und Samurai Sake gönnt - und freued eus scho sehr uf eusi Bette 🥰🐥Read more

    See translation
  • Sämy und MartinaViaggio dell‘amoreTraveler

    Two days in one 🤯

    October 10, 2025 in Japan ⋅ ☁️ 23 °C

    Leider simmer trotz viel Schlaf ufem Hiflug nid ganz vum Jetlag verschont worde - so simmer nacheme ereignisriche Morge so müed gsi, asmer 2h steihert Mittagsschlaf gmacht hend 😅 darum het sich de hütig Tag eigentlich wie zwei agfühlt ✌🏾
    Am „Tag 1“ simmer recht früeh uf zum ind TeamLab Borderless Usstellig zga - und es het eus absolut überwältigt 🤩 jede Ruum en anderi Projektion & Animation, anderi Stimmig & Interaktionsmöglichkeit - inkl. selber usgmalti Meerestier wo zum Lebe erweckt worde sind 😅 dernach simmer zum Tokyo Tower (rot-wisse Eiffelturm) & hend da vu 250m Höchi en Bruchteil vu dere grösschte Stadt vu de Wält gseh (über 37 Mio. Iwohner inkl. Agglomeration 😳).
    Am „Tag 2“ simmer denn ind Electric City bi Akihabara, da hemmer nid nur Adapter & Kabel gfunde sondern sind au per Zuefall anen Adults Only Lade, es Cat Cafe & denn nu inen Beer Pong/Karaoke/Dart/All-you-can-drink Bar (für 2.50-5 CHF pro Stund 😅) anegrate. De Kulturschock hemmer de nu fein abgrundet mitere Rundi im Irrgarte vu de Tokio Station, mit x unterschiedliche Linie, Usgäng & Levels 😅    Read more

    See translation
  • Sämy und MartinaViaggio dell‘amoreTraveler

    Umbrella traffic jam ☂️

    October 11, 2025 in Japan ⋅ 🌧 17 °C

    Dank Tropesturm Nakri hets hüt meh oder weniger de ganz Tag gschiffet - darum simmer nacheme (sehr 😅) gmüetliche Morge grad als erschts ga Schirm poschte 😅 denn simmer uf Harajuku, es Quartier voller Boutique, Coiffeurs, Hunde/Capibara/Mini Pig Cafés (🤷🏽‍♀️), Fast Food & Süessigkeits-Läde, usw. Wenn dElectric City in Akihabara geschter es eher stereotypisches Männerquartier isch, de isch Harajuku s wibliche Pendant. In de schmale Gässli sind eusi neue Regeschirme in gueter Gsellschaft gsi, brav hets eis Kolonne links füre und rechts zrugg gä 😅 im allgemeine gfallt eus Tokyo sehr guet: sehr suuber, aständig, rücksichtsvoll & ruhig (abgseh vu de spärliche mobile Luutsprech-Werbetrucks für Tinder&co 😅). Nach dem Harajuku Gwusel hemmer en churze Abstecher zum Meiji Schrein & imperial Gardens gmacht. Denn hemmer wortwörtlich es neues Transportmittel unlocked (Luup eScooter) & hend eusi Skills direkt ufem Shibuya Crossing under Bewis messe stelle 😅 nachdems dMartina mit ihrne lang-gsuechte Schwizer Schueh ufe Latz gleit het (🤬), simmer inen hoch-industrialistierti Sushi Bar. Es het meh als 100 Plätz, jede mit Barhocker, Tablet, Sauce & Stäbli usgrüschtet - ca. 2 Minute nach online Bstellig chemed denn die chline Tällerli uf zwei Laufbänder direkt zu dim Platz 🤩 guet gstärcht hemmer die negscht Challenge in Agriff gno: Ersatzschueh fürd Martina, dismal isch Vibram Pflicht 😏 sitzed etz grad imene gmüetliche japanische Kaffee, mit Yuzu- & Grüentee, Bier & Edamame 😊Read more

    See translation
  • Sämy und MartinaViaggio dell‘amoreTraveler

    Big city parks & head spa 💆🏽‍♀️

    October 12, 2025 in Japan ⋅ ☁️ 24 °C

    Etz hemmer glaubs de Jetlag hinder eus 🥳 derfür isch dMartina wege de ganze ACs bizi agschlage 🙄🤧🙈 zum erschte Mal simmer einigermasse guet ufgstande & hend eus einigi Parks vorgno wel „isch sicher viel zue amene Sunntig“. So simmer zerscht in Hibiya Park & denn zu de kaiserliche Vorgärte; beidi sehr manikürt & pflegt, vilicht bizli zu künstlich abgsperrt als das sie würklich gmüetlich wäred. Nachdem mer sHibiya Quartier verlah hend, isches fertig gsi mit de „Sunntigs-Rueh“ - in de Nakamise Shopping Area sind all Läde wieder offe & Touris in Schare vor Ort gsi 😅 nacheme churze Abstecher zum Asakusa Schrein simmer wiiter in Ueno Park, für Street Food und Zoo Bsuech, wieder mit unglaubliche Masse - diesmal allerdings eher iheimischi 😊 denn simmer numal wiiter, überd „world’s most busy railway station“, Shinjuku Station, mit täglich (🤯) 3.6 mio Lüt. DMengi a Lüt uf de Strasse, Pärks & ÖV erinneret sehr an Indie - aber es isch derbi unglaublich ruhig , gordnet & respektvoll - sehr beirdruckend!
    Uf Shinjuku simmer zum amene aktuelle Trend zfolge: Head Spa 💆🏽‍♂️ da werded Chopf, Nacke & Schultere usgiebig knetted & pflegt - sogar Sämy het sich derfür begeischtere lah 🥰 nach über 2h Beratig & Pampering hemmer de Abig miteme typisch japanisches Esse abgrundet - & freued eus etz uf euses bequeme Hotelbett 😴🐥    Read more

    See translation
  • Sämy und MartinaViaggio dell‘amoreTraveler

    Easy sightseeing day 🛗

    October 13, 2025 in Japan ⋅ ☁️ 24 °C

    Mer sind beidi bizi uf Halbmast, Martina isch nu immer recht verchälted & am Sämy sin neu 39-jährige Rugge streikt nach knapp 77‘000 Schritt uf Asphalt in 4.5 Täg 😅 darum hemmer eus bizi weniger Laufe hüt vorgno: zerscht in Hamarikyu Park anen Ozean-Arm & denn per Wasserbus de Fluss Sumida deruf uf Asakusa. Vu det isches en Chatzesprung zum Skytree, Japans höchst Gebäude mit 634m - inkl. Skywalk Gallerie uf 450m 😳Read more

    See translation