Ban Ko Sire

Hüt morge hend mir mal wieder länger gschlafe und sind denn als erstes gad ge zmörgele. Denn do in Phuket hets wieder mol uu viel herzigi kafis. Aschlüssend sind mir durch d Altstadt vo Phuket gschlenderet. Die viele farbige Hüsli im Portugisische Stil sind sehr herzig. Will mirs hüt gmüetlich hend wölle neh, hend mir gfunde es wär wieder mol Ziit für e Thai Massage. Nachher wär s Ziel eigentlich de Monkey Hill Viewpoint gsi, acho sind mit aber bim Monkey Viewpoint. Tönt ähnlich isch aber nöd ganz s gliche. Jänu. Denn wo mir usm Taxi gstiige sind het üs e mega herzigi Thai-Frau begrüesst. Sie het uu freud a üs gha und het glaub ihres gschäft vom Tag gmacht, denn mir hend ihre für umgrechnet 1.25 fr. Banane, Mais und Erdnüssli abkauft. Sie het üs den uf e Platform gführt und paar Luut vu sich geh. Und siehe da, uu viel Äffli sind us de Mangrove Bäum hervor cho. So hend mir die Äffli dörfe füettere und eis Mami-Äffli het no e ganz chliises debi gha. So süess. Zruck ide Stadt hend mir üsi letzte Täg in Thailand plant bevors denn is nögste Land goht. Znacht hend mir imene Georgische Resti gässe und so wiedemol öbbis neus probiert.Read more