Reset search
Jan TruongJan Truong
Satellite

Jan Truong

Joined February 2016
  • Jan TruongPrag
    Day4

    Nachli meh Dessert...

     November 18, 2019 in Czech Republic ⋅ ⛅ 9 °C

    Und überrasched vill Tier zmizt i de Stadt 😊

    Womer es Föteli vo de Karlsbrugg hend welle mache mit de Burg im Hindergrund, hani plötzlich gseh das sich de öppis im Wasser bewegt. Es isch i dem Momemt abtaucht und mer hett s'ratte ähnliche schwänzli grad na gseh useluege 😄.
    Da isch mer denn grad iigfalle dasi mal öppis vo de Bisamratte glese han, wo bis uf de beseiti Schwanz praktisch glich usgseht wie en Biber.

    Werendem mer die chliine härzige Bisamratte babys beobachtet hend isch denn au na en iisvogel cho verbiiluege. 🤗    Read more

    See translation
    Map
    • Explore, what other travelers do in:
  • Jan TruongPrag
    Day2

    Prager Zoo

     November 16, 2019 in Czech Republic ⋅ ⛅ 11 °C

    Hüt simmer im Hotel gmüetlich go zmörgele und hend eus denn entschiede in Zoo z'gah. Nachere churze fahrt mit de U-Bahn und em Bus simmer denn au scho det gsi.
    De Zoo da isch riesig. Mir sind 5h ohni pause umegloffe und hends nöd gschafft zum alles aluege!
    D'gheg sind au i de meiste fäll sehr gross und schön igrichtet, was mich positiv überrascht het. 😊

    Zum znacht simmer imne chliine härzige Restaurant go Tschechisch esse 🍗🥓🍞.

    Und zum schluss hemmer na müsse de Dessert go probiere womer gester drah verbii gloffe sind. Sind aso so guet wies uusgsehnd. Hend aber glich vill kostet wie euse znacht🤔😄    Read more

    See translation
    Map
  • Jan TruongPrag
    Day1

    Stadtrundgang

     November 15, 2019 in Czech Republic ⋅ ☀️ 12 °C

    Nachdem mer hüt morge achoo sind hemmer euses Gepäck im Hotel verstaut und sind z'fuess d'stadt go erkunde.

    Es hett gfühlti all 20m en Süessigkeite Lade 🍬 🍭😄.
    I de Altstadt stönd ganz vill schöni Chile und Statue. D'karlsbrugg und d'burg simmer au scho go aluege😁.

    Etz gömmer denn go Znacht esse 🤗🍖🥘    Read more

    See translation
    Map
  • Japan & China
    Day13

    Abschied

     October 28, 2019 in China ⋅ ☀️ 19 °C

    D Wuche z Chengdu isch uu schön gsi, aber jetzt gats für de Jan zrugg id Schwiiz und für mich wider nach Ningbo uf de Campus.

    Mir sind hüt Morge nomal go Brunche im Ritz, mit Usblick über Chengdu. Was hüt nomal ganz speziell gsi isch: mer gseht d Sunne und de Himmel isch blau! Die ganz letscht Wuche, und eigentli au de grösst Teil vo minre bisherige Ziit in China, isch de Himmel so voll Smog gsii sodas mer eigentli nüt vom Himmel gseht.

    Mir händ eusi Ziit zäme richtig gnosse. Und min Bsuech i de Schwiiz chunt ja au bald.    Read more

    Map
  • Japan & China
    Day11

    Sichuan Opera

     October 26, 2019 in China ⋅ ⛅ 12 °C

    Hüt Abig hemmer es wiiters Highlight vo Chengdu döfe erläbe. Mir sind ad Qintai Road. Die Strass isch China wie usem Bilderbuech.
    Euses Ziel ischs Shufengya Yun Operehuus gsi wo in ganz China bekannt isch fürd Sichuan Opera. S bsundere a de Show sind Tänzer mit Kostüm i allne erdänkliche Farbene wo ihri Maskierige in Sekundebruchteil wächsled, so schnäll als wärs Magie.
    Näbst dem bekanntiste Teil vo de Show häds aber au ganz vill anderi beiidruckendi Vorfüehrige gä, e Puppespilerin, es Schattetheater, klassischi Chinesischi Instrumänt und und und.    Read more

    Map
  • Japan & China
    Day9

    Mall, Zombiejagd und Kino

     October 24, 2019 in China ⋅ 🌧 17 °C

    Bi dem verregnete Wetter hemmer eus entschiede ines iichaufszentrum zgah. Nöd eifach irgendeis, sondern eini vo de grösste Malls wos git. Mit 1.76 Millione Quadratmeter sogar flächemässig s'grösste Gebäude vo de Welt.

    D'Mall hett en eigene Wasserpark mit "Strand" 🏖 und grad aaschlüssend es InterContinental wo wines Strandhotel ufbaut isch- Badeferie undererere Glaskupple! Und natürli gits au es Labyrinth a Läde. Under anderem mehreri Gaming Areas, wo mers eus nöd hend chönne entgah lah mit de VR Brülle uf Zombiejagd zgah- jetzt simmer für de Ernstfall gwappnet 😁.

    Am Abig simmer denn wieder is Zentrum gfahre und hend es Kino mit englische Film ufgsuecht. Das isch für mich (Lara) mal wider richtig schön gsi wil da z China fast nur Chinesischi Film zeiget werded. I de Wuchene um de National Day ume sind z Ningbo gar kei nöd-chinesischi Film zeiget worde.

    Ufem Rückwäg hemmer denn gse wie schön Chengdu trotz strömendem Räge isch.    Read more

    Map
  • Japan & China
    Day8

    FOODprint

     October 23, 2019 in China ⋅ ⛅ 20 °C

    Hüt Namitag simmer na ane gfüehrti Food Tour dur en ältere Stadtteil vo Chengdu. De Jordan euse Guide het eus dadebi ganz vill lokali Spezialitäte zum probiere gäh. Vieles devo isch sehr scharf gsi, wies fürd Sichuan Provinz typisch isch🌶. Ebefalls i vilne Gricht z'finde gsi isch de Sichuan Pfeffer wo eim bim esse d'Zunge und d'Lippe taub werde laht. 🙊
    Ufem Märt womer bsuecht hend chuntmer so zimmlich alles über, vom Schnaps bis zum iigleite Gmües, Schweinenäsli 🐽, Hühnerfüess (Foti 😄), Hasechöpf und all mögliche Innereie. Zwüschetem Ässe sind au immer wider Chatze umenandtigeret, was aber da niemert gross intressiert häd.

    S'beste hemmer eus aber bis zum Schluss ufbewahrt. Tofu mit Schweinehirn🧠.
    E Delikatesse 😅, ganz ehrlich wemers mit verbundene Auge wür esse, wür mer de Underschied vom Tofu zum Gehirn nöd merke🙊.

    S'isch en sehr spannende und lustige Abig gsi.    Read more

    Map
  • Japan & China
    Day8

    Giant Panda Research Base

     October 23, 2019 in China ⋅ ⛅ 18 °C

    Hüt hemmer eus am morge "früeh" 6:30 us eusem kuschlige Bett kämpft zum zu de Giant Panda Research Base z'fahre. Und das hett sich definitiv glohnt. Es sind halt scho faszinierendi, wenn au sehr tollpatschigi Tier.

    I de Wildniss lebed nurna ca. 1600 Pandas alli da i de Sichuan Provinz.
    Ich finds chli schaad das sones grosses "Research Center" sich nöd meh für d'wieder uuswilderig iisetzt. 😏 Immerhin isches s'Nationaltier vo China 🐼
    Will d'Mittel wered da ganz sicher ume.    Read more

    Map
  • Japan & China
    Day7

    Qingcheng Shan

     October 22, 2019 in China ⋅ ☁️ 16 °C

    Hüt Simmer ufem Qingcheng Shan gsii, das isch en Berg i de Nächi vo Chengdu.
    Es isch uu schön gsii, mit ganz vilne Tämpel, chline Wasserfäll und Wägli. Es isch de ganz Tag bewölkt gsii aber irgendwie hed das de grüen Wald grad nomal es Stuck verwunschener usgse la.
    Mer hend au es paar Tierli gse, e Wasserschildchrot, Vögel und Schlangene (im Wasser und an Land).    Read more

    Map
Never miss updates of Jan Truong with our app:

FindPenguins for iOS FindPenguins for Android

  • 2020© FindPenguins
  • Home
  • About Us
  • Blog
  • Press
  • Terms
  • Privacy Policy & Cookies
  • Support
  • Imprint
  • English