Resetuj wyszukiwanie
world trip 08.2016 - 05.2017
  • Nadine Graf
  • Nadine Graf

world trip 08.2016 - 05.2017

248-dniowa przygoda według Nadine Graf Czytaj więcej
+6
ObserwujPodsumowaniePodsumowanieKalendarzKalendarzZdjęciaZdjęciaDzielićDzielićLista postanowień
Najpierw najnowszy
  • Nadine Grafworld trip 08.2016 - 05.2017Nadine Graf

    27.-28.10.2016 Loop 2, Bolaven-Plateau

    28 października 2016, Laos ⋅ ☀️ 3 °C

    Pakse - Tad Lo - Thatang - Paksong - Pakse

    Nach einer Nacht mit wenig Schlaf bin ich früh Morgens vom Nachtbus durchgefroren ;) um 06:00 Uhr in Pakse angekommen.
    Mein eigentlicher Plan für den ersten Tag hier war ursprünglich, ein Relaxtag, nach den 4 Tagen und 600km unterwegs auf dem Scooter.
    Im Hostel habe ich dann aber beim Frühstück Pascal aus Basel kennengelernt. Kurzerhand habe ich mich entschieden, mich ihm anzuschliessen und hier gleich den nächsten Motorrad-Loop zu starten. Meine Bedingung.. Nur noch zweii Tagee..😄
    So haben wir uns entschieden eine Zweitagestour auf das Bolaven-Plateau zu unternehmen.

    Das Bolaven-Plateau ist ca. 1000m höher gelegen als Pakse und somit auch durchschnittlich 10 Grad kühler. Dank dem idealen Klima gibt es da sehr viele Kaffee- und Teeplantagen. Zudem liegen in diesen Gebiet viele spektakuläre und weniger spektakuläre Wasserfälle😊.

    Am ersten Tag haben wir eine dieser Kaffeeplantagen besucht und konnten eine eindrückliche Führung geniessen. Leider war nicht besonders viel los, da die Kaffeesaison von November bis Mai dauert.
    Während der Führung wurde uns auch ein typisch laotischer "Snack" offeriert.. Zermantschte rote Ameisen, direkt und frisch vom Baum😄😉.. Schmeckt gar nicht mal so übel, ist sogar ziemlich lecker😄🙈

     Am Abend haben wir gemeinsam mit Christophe ( Franzose ) und Melissa ( Belgierin ) einen Bungalow in Tad Lo bezogen. Direkt am Fluss mit Ausblick auf den bekannten Wasserfall.

    Der zweite Tag hat mit einem Ausflug an einen 80m hohen Wasserfall begonnen. Von oben kann man einen wunderschönen Ausblick sowie ein Erfrischungsbad geniessen. Selbstverständlich gab es dort keinerlei Sicherheitsabschrankungen oder Warnschilder, wir sind ja nicht in Europa😄. Später haben wir eine Teeplantage besucht, auf welcher seit drei Jahren ein Deutscher arbeitet. Dieser hat sich trotz Mittagspause für eine persönliche Führung zur Verfügung gestellt und hat uns Sinn und Zweck der Teeplantage (kombiniert mit einer Seidenproduktion) erklärt. Diese Plantage gilt als Ausbildungsstandort für die umliegenden Dörfer. Es soll in den nächsten Jahren ein Netzwerk von 200 Familien zustandekommen, welche dann als Zusatzeinkommen nebst dem Reisanbau selber Tee produzieren und die Aufzucht der Seidenraupe übernehmen. Gemäss Michi sind die Laoten allerdings ziemlich lernresistent gegenüber Neuem und der Prozess geht ziemlich langsam voran.

    Erneut zwei tolle und spannende Tage auf dem Scooter, meiner Meinung nach der beste Weg um Land und Leute kennenzulernen😊

    Nach 6 Tagen auf dem Motorbike, freue ich mich nun aber sehr auf die bevorstehenden Relaxtage auf den 4000 Inseln😀     Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    29.10-02.11.2016 - 4000 Insle, Don Det

    1 listopada 2016, Laos ⋅ ☁️ 26 °C

    Mein letzter Stop in Laos..

    Bei den 4000 Inseln handelt es sich um mehrere Vergabelungen des Mekong. Somit gibt es unzählige kleine Inseln und einige wenige grössere.

    Auf der Insel Don Det war einige Tage "Nichtsmachen" angesagt.. In der Hängematte faulenzen, den weiteren Reiseverlauf planen, Schweizer CordonBleu essen (yummii😋), Rundtour auf der Insel wie zum Wasserfall auf der Nachbars-Insel Don Khon.. viel mehr habe ich die Tage nicht gemacht:) Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    02.11.2016 Grenzübertritt Laos-Kambodsch

    2 listopada 2016, Kambodża ⋅ ☀️ 30 °C

    Da mir ois ned na meh hend welle abzocke lah wiemer sowiiso scho wird am usgwählte Grenzübergang Laos-Kambodscha, hend mir de Grenzübergang nach Kambodscha uf eigni Fust übernah und sind ned wie alli andere mitere organisierte Tour nach Kambodscha ufbroche..
    Dejenige Grenzübergang isch bekannt, dass jede nachli wil epis chene i die eigni Täsche stecke.. Segs mit Weekendzueschlag, Gsundheitscheck oder sustige Service-Gebühre, da wennd natürli au Tourverastalter nachli verdiene..

    Drum hemr ois früeh am Morge ufgmacht..Zerscht mitm Boot zrugg as Festland, den mitm TukTuk at Grenze (dRädli vom TukTuk hend unterwegs zwüschezytlich mal grüücht und hend mit Wasser messe begosse werde🙈 aber.. mir sind guet ade Grenze acho ;) ), zFuess a die bede Grenzposte und über dGrenze und den wiiters mitm Bus in Kambodscha selber :)

    Nachere lange Reis sind mir den schlussendli erschöpft und müed in SiemReap acho :)     Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    03.-07.11.2016 - Siem Reap

    3 listopada 2016, Kambodża ⋅ ⛅ 28 °C

    Nebschtem Bsuech vode weltberüehmte Tempelalage Angkor Wat, hani da unter anderem Folgendes gmacht:

    Kambodschanischi CookingClass mit Marktbsuech und Zuebereitig vomne leckere 3-Gang Menü -> BananaBlossom Salad zur Vorspiis, eis vode kambodschanische Hauptgrichter Amok mit Fisch als Hauptgang und zum Dessert garte Kürbis mitere cremige Kokosfüllig. Au da wiider super fein gsii und e interessanti Ifüehrig i diä Iheimischi Kuchi :) zudem hend mir viel Infos und Hindergründ becho über Kambodscha.. Über die herrschendi und wiit verbreiteti Korruption im Land, dVerpachtig vode Tempelalage AngkorWat anes vietnamesisches Unternehme etc..

    Zudem bini am Cellokonzert inkl. Vortrag vom bekannte Schwiizer Dr. Beat Richner. Mit siine unterdesse 2500 kambodschanische Mitarbeiter führt er mittlerwiile 5 Kinderspitäler in SiemReap und PhnomPenh. Ide letsche 24 Jahr het er über 14 Millionen Patiente KOSTEFREI behandelt. Meh als 1Mio Chind hättet ohni Kantha Bopha ned überlebt.. Es riesigs Lebeswerk!!
    SCellokonzert findet jede Samstig statt, de Itriit isch kostefrei aber e Spend wird natürli gern gseh.

    Für die wos interessiert, meh unter:
    https://youtu.be/7iYLGRXtHa8

    PubCrawl dur SiemReap 😊 a Bars und Clubs mangelds aso ned.:)

    Bsuech vode FloatingVillage.
    Zerscht hanis zFuess versuecht ide Hoffnig en nette Fischer nimmt mi den mit zum Dorf, dummerwiis sind alli immer nur i die entgegegsetzt Richtig gfahre und hend mi retour welle bringe so bini halt e Stund teils Chnüütüüf dur Schlamm und Matsch gloffe bisi neme wiiter ha chene wili vo Wasser umgeh gsi bi.🙈😄 So bini den halt mit eim vo dene Fischer wiidr zrugg is Dörfli und ha eich wiidr retour uf SiemReap welle. Min TukTuk Fahrer het den aber gmaint, i messi aso schona sechte Floating Dorf gseh und het mir en guete Priis usghandelt ned mitm Ticketoffice sondern direkt mitm Bootcaptain.. Er het gmaint zytlich langii alles voriig (hani doch messe retour sii am 7ii für min Nachtbus)

    Uf jedefall bin ich den mitm zweitlangsamste Boot zude FloatingVillage gfahre -> es Dorf wo nur 2 Monät im Jahr per Strass befahrbar isch und sus vo Wasser umgeh isch. Wili chli unter Zytdruck gsi bi, hani denkt gani doch mitme andere Boot retour, blöderwiis bini den ufs längsämste Boot grate🙈🙈 Aber uf jedefall hanis den uf Punkt 7i retour gschafft und da das mit de Pünktlichkeit da ned so ernscht gnah wiird, hani mi sogar na chene Entschlamme bevors uf de Nachtbus isch. 😊

    DNachtbüs da sind au epis für sich, bis ez hani aber immer Glück gha und i ha e netti Bettnachbarin gha.. Muemer doch es 90er Maträzli mit epertem Fremdem teile😊🙈     Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    04.+06.11.2016 - Die Tempel von Angkor

    4 listopada 2016, Kambodża ⋅ ⛅ 27 °C

    Ufere Flächi vo 100 Quadratkilometer sind über 1000 hinduistische und buddistische Tempel zfinde. Unter dene sgrösste religiöse Bauwerk Angkor Wat.
    Jede Tempel isch uf sini eigni Art und Wiis einzigartig und iidrücklich. Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf
    1
    22

    08.-11.11.2016 - Inslä Koh Rong Samloem

    9 listopada 2016, Kambodża ⋅ ☁️ 21 °C

    Da ich nach SiemReap sGfühl gha han ich messi etz unbedingt mal as Meer hani mi über Nacht mal schnell ufgmacht mitm Bus quer durs ganze Land in Süde nach Sihanoukville und vo det am Morge direkt wiiters mit de Fähre uf d'Insle Koh Rong Samloem..

    Endliich am Meer - Schwümme & Relaxe - Wunderschönii Stränd - Schnorchelusflug inkl. Fischä (zum Glück hemr na Locals debii gha wo chli erfolgriicher gsi sind als mir😄🙈) - Dschungelwanderig zum Lüchtturm - Geniale Sunneuntergang - Geburrii fiire vode Suzanna     Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    14.-16.11.2016 - Phnom Penh

    15 listopada 2016, Kambodża ⋅ ☀️ 30 °C

    DHauptstadt Kambodschas hend mir vo unterschiedliche Siite kenneglernt:

    Zum Einä het au da wiider es Wasserfestival stattgfunde zum Endi vode Regezyt. DStadt isch also so zimli volle gsi mit Locals vo Fern und Nah und entlang vom Mekong isch recht epis gloffe.
    Ufgrund vomne tragische Unfall vor 6 Jahr wo während em Fescht e Brugg igstürzt isch und seinigi Todesopfer geh het, het sFestival die letschte Jahr neme stattgfunde.. serschte Mal nach dem Unfall sit 6Jahr isch sWasserfest also wiidr ufem Programm gstande.

    Tagsüber hend au da wiidr Bootsrenne stattgfunde wo die verschiedene Regione gegenand atrete sind. Teilwiis bis 70 Lüüt uf eim Boot.. Alli hend vorgängig überall flissig uf de Grossevent hiitrainiert wienii während de Reis dur Kambodscha vorher festgstellt ha.😊 sisch also um Ruhm und Ehr gange:)
    ZAbig hend den amels a allne 3 Täg vorem Königspalast Füürwerk stattgfunde zudem hend mir chene die lüchtende Boot wo ufem Fluss triibe lah worde sind, bewundere.
    Dur e Bekanntschaft miteme Iheimische Päärli hend mir den au chli meh über die ganze Hindergründ etc. erfahre.. Zum Bispiel dass jedes Boot füren Minister staht, serschte für de König etc.
    Zudem hets überall Essensständ gha, dLüüt hend Picknickt überall und es riesigs MusigFestival mit LiveBands und DJ's überall uf de Strasse het stattgfunde. 😊🎉
    Abgseh vode schlimme Abfallkultur vode Kambodschaner e tolls Erlebnis gsii.

    Jedoch hani in Phnom Penh au meh über die düsterii und tragischii Gschicht vom Land erfahre.

    Begünstigt dur de Vietnamkrieg hets in Kambodscha zwüsched 1970 und 1975 en Bürgerkrieg geh. Im Jahr 1975 hend die rote Khmer mit kommunistischer Bsinnig schlussendli dMacht übernoh und die gsamt Bevölkerig vo PhnomPenh ufs Land vertriibe. Ziel isches gsii en neue Staat us Buure zerrichte. Als Folg het mer alli "neue Mensche" (dh. intellektuelli wie Ärzt und Lehrer, Brülleträger, Mensche mit weiche Händ usw.) inhaftiert, gfolteret und tötet. Wahllos sind Kambodschaner beschuldigt worde mit de Amerikaner unter einere Decke zstecke und so het mer unter Folter Gständnis erzwunge. Nach emene somne Gständnis imne Foltergfängnis isch den Hiirichtig (inkl. Ganzi Familie) uf eim vode Killing Fields erfolgt.

    In Phnom Penh hani sbekannte Gfängnis Tuol Sleng und sgrösste Killing Field bsuecht und so meh über die tragischi gschichtlichi Vergangeheit vo Kambodscha erfahre. Mittlerwiile diened die beide Ort als Gedenkstätte.
    Während de Schreckensherrschaft vode rote Khmer wo ned mal 4 Jahr duuret het, sind 3Mio vo damals total 8Mio Kambodschaner gstorbe, sprich ermordet worde...     Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    19.-21.11.2016 - Stopover Kuala Lumpur

    20 listopada 2016, Malezja ⋅ ⛅ 30 °C

    Stopover in Kuala Lumpur ufem Weg it Philippine - bi Akunft Grossstreik ide Stadt, natürlii liit mis Hostel und mini Ubahn Station mitte ide Hauptstreik-Zone. So binii den nach 2h au Mal im Hostel akoo. Isch aber ganz spannend gsii und au friedlich abgloffe. Zudem hend alli sGfühl gha sie messed mich beschütze ;) - Shopping, Shopping & Shopping, settet ihr das lese liebä Brüeder&Isa, schunnt den es Päckli, bitte wäsche 😉- sogar es bizlii Wiehnachtsstimmig isch zum erschte Mal ufkoo, dank de meist recht kitschige Dekos😄 - kuuli Ussicht über dStadt vom Fernsehturm - die bekannte Petronas Towers - Multikulturello Stadt - Bummle dur die verschiedene Stadtgebiet etc.. :) Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    26.-27.11.2016 - Siquijor

    23 listopada 2016, Filipiny ⋅ ⛅ 29 °C

    Wie scho erwähnt, hani am Samstig mit de Sandra abgmacht und ere Kollegin vo Ihre de Andrea zum dInsle Siquijor zeme bereise. So hend mir oiis bezyte am Morge ade Fähralegestell in Dumaquete troffe. Bi brüehender Hitz sind mir den ide Warteschlange agstande, seeehr langsam isches vorwärts gange, keis Wunder mer het au sin halbe Lebeslauf messe ageh bim Ticketschalter.. Dank Connections wiiter vorne ide Schlange hend mir den gad na die letschte drüü Tickets ergatteret für uf dMittagsfähre😊😉 natürli hend ned alli so Froid gha, aber mir sind froh gsi😉

    Nachdem mir uf Siquijior acho siind, hemr oiis sofort Roller gmietet und sind mit oisne Rucksäck um d' Insle cruised zum e passendii Unterkunft zfiinde.

    Am nöchste Tag hend mir oiis den ufgmacht zum dInsle entdecke mitm Roller.

    Da ich mich scho am Vortag ned richtig wohl gfühlt ha und sochlii komischii Grippesyptom gha ha scho die vergangene Täg, hend bi mir chlii dAlarmglocke glüütet dassi allefalls Malaria oder Dengue Fieber chent igfange ha. (beides wird übertreit dur Mosquitos und isch verbreitet in Kambodscha und de Philippine, au wenn sRisiko ned so gross isch)
    Drum hani mi den, wo sich die andere zwei Ladies uf zum Strand ufgmacht hend, in einzige Ort ufgmacht uf de Insle mitme Spital.. Eich nur zum DBluetwert checke und zum sichergah dassi ned infiziert bii mit eim vo dene Vire. 😁😁
    Nachdem uf de Notufnahm mini Wert teschted worde sind, hends mii ufgrund vo Verdacht uf Dengue sofort und wükii sofort uf die nöchscht und letscht Fähre zAbig am 6ii verwiise zum uf Dumaquete retour zgah und den in Spital wil sie die nötig medizinisch Versorgig ned heged.

    Ich ha den eich gfunde langed doch au am nechste Tag wil i ha ja ussert mim Roller nur en Schal, chli Geld und Kreditkarte debii gha ha😁 aber sie hend gfunde neii ufgrund vode Wert messi sofort in Spital, so binii sogar per Chrankeauto🙈🙈direkt an Fähraleger bracht worde und behandlet worde winä Schwerstchrankii obwohls mir eich ned sooo schlecht gange isch..ha au na messe epis unterschriibe, dass wenn uf de Überfahrt was setti sii, sie lediglichii Verantwortig ablehned😄🙈

    Fortsetziig folgt im nöchstee Bitrag.. uf jedefall hanii drum vode Insle Siquijor neme viiel meh gseh, leider.     Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    22.-25.11.2016 - Tauchä in Dauin

    24 listopada 2016, Filipiny ⋅ ☁️ 28 °C

    Da mir vorgängig uf minere Reis empfohle worde isch, s erschte Tauchbrevet in Dauin zmache, isch mini erscht Alaufstell uf de Philippine de Ort gsii.

    Wili relativ es taffs Programm gha han und de Tauchschii ha welle i 3 Täg mache, wili plant gha ha mi am Samstig mit de Sandra woni in Russland kenneglernt han ztreffe, hani sus ned gross epis gmacht da.

    Ha aber erfolgriich sSSI Open Water Brevet inkl. Tauche mit Nitrox abgschlosse und da scho viel vode faszinierende Unterwasserwelt entdeckt. 😊🐢🐠

    De erscht Idruck vode Iheimische Philippinos isch üsserst positiv, alli sind immer mega fründlich und herzlich und hend immer es Lache uf de Lippe😊

    Vor luuter Tauche hani a dem Ort aber vergesse Fotene zmache🙈     Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    17. - 20.12.2016 - Darwin, Australien

    19 grudnia 2016, Australia ⋅ ⛅ 29 °C

    Treffe vo bekannte Gsiichter, kuuli Täg gsi mit oii in Darwin, Tanja & Beni! - Endliii, s'langersehnte Steak😋 - diä noii Shopping-Metropole Darwin🙈 -> was susch chamer mache wenns Wetter so schlecht isch😄- Warm isches aber gliich gsi :) - DayTrip in Kakadu Nationalpark, dNationaltier Känguruh und Krokodil hemr det scho gseh 🐊 ... Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    21.12.2016 - On the road & Litchfield NP

    21 grudnia 2016, Australia ⋅ ☀️ 21 °C

    De planti Roadtrip vo Darwin - Perth chan losgah😊

    Zeme mit de Chrystelle (France) und em David (Germany) wirdi die nöcnhste Wuche mitme 4WD sowie Camping-Usrüstig de Norde und Weste vo Australie bereise. Da dChrystelle bereits sit 15 Mönet zAustralie isch, het sie es Auto mit entsprechender Usrüstig zur Verfüegig.
    Via Facebook-Gruppe hend mir ois vorgängig gfuunde und entschiiede de Roadtrip zeme zstarte.

    Nach Asie froii mi, ez ganz epis anders und en Teil vom rote Kontinent zentdecke😀😀..     Czytaj więcej

    Zobacz tłumaczenie
  • Nadine Grafworld trip 08.2016 - 05.2017Nadine Graf

    21.-24.12.2016 - Unterwegs Darwin-Broome

    23 grudnia 2016, Australia ⋅ 🌙 28 °C

    Darwin - Katherine - Kunurra - Broome

    Viiel viel Rege, Sturmwarnige inkl. Zyklon, überfluetetii Strasse und übertretenii Flüss sowie gschlossenii Strasse und Krokodilwarnig im Norde vo Australie - drum isch sgeplante Camping nachli is Wasser gfalle bis ez & leider sind drum au so guet wie alli Nationalparks und sustigii interessanti Sache ufem Weg gschlosse gsi.. So sind mir die erschte 1800 km i 3.5 Täg so zimli zügiig duregfahre.

    Trotz de schlechte Wetterbedingige isch nur scho sUnterwegs sii i endlose Wiitene und uf de Strasse es Highlight 😊     Czytaj więcej

    Zobacz tłumaczenie
  • 2026© FindPenguins
  • Strona główna
  • O nas
  • Śledzenie grupy
  • Wciśnij
  • Warunki
  • Prywatność & Cookies
  • Centrum pomocy
  • Odcisk