Trip durch den Norden der Nordinsel

Noch Whangarei simer uf e kurze Abstächer uf Whatuwhiwhi ufe gfahre und hän dört die molerische Stränd vo de Lokels bsuecht.

Drno isches schnurrstrags nach Cap Reinga gange wo sich dr Pazifischi Ozean und dr Tasmanischi See dien vereine❣️es isch eifach nur traumhaft dert ( no filtr )
Uf em Ruggwäg hämer no die gewaltige Sanddüne mitgno und dört serstmol go Boogie- Boarde...und hän mächtig Sand gässe😛

Diräkt nach Kauri Coast abe hemer no die idrückliche Kauri- Bäum besichtigt...dr ältischt und mit Abstand breitischti Baum isch über 3500 Joor alt und het e Durchmässer vo über 10 Meter...eifach gewaltig..😍

Hüd simer in Coromandel ako wo mir die negste 2 Dääg wärde verbringe.

D ' distanze sin nid zunterschätze..es zieht sich ewigs...aber die atemberaubendi Natur lost das viel eifacher falle❤️Read more