Rotorua 🦨

3 daag hemer in Rotorua verbrocht- für die wos nid kenne ..das isch de Ort wo nach Schwäfel schmöggt🙃

Dr Camping hemer am wunderschöne See Tikitapu ka..womer sogar e früsche Schwumm hen chönne mache..

Am neggste Daag hemer e hike ufe Rainbow Mountain gmacht und aschliessend simer no in Waimangu Volcanic Park womer uns die verschiede Vulkankrater und die thermalische Dampfschlöt agluegt hen.

Geschter ischs Wätter nid uf unserer Site gsi und es het nur grägnet.
Gege obe simer ins nochglägene Maoridorf gfahre wo mir uns die Kultur inkl. feinem Ässe hän dörfe gönne und zum krönende Abschluss hets no e beidruckende Haka ge🙌

Unser Büsli het mitlerwile über 500.000km ufem Tacho und sälbst d' Schibewüscher sin gfühlt über 5 Joor alt ( simer ir Garage no go wägsle )Weiterlesen