Semuc Champey 🏞

Nach erere wiitere laaaange Busfahrt semmer in Lanquín acho ond hend am nächste Tag en Usflug nach Semuc Champey gmacht. Semuc Champey esch es Naturschutzgebiet ond bedütet: „Det wo s‘Wasser verschwindet“ - will de eigentlichi Fluss (Río Cahabón) under de Beckene dureflüsst ond wiiter unde erst weder vörechonnt.
Scho d‘Reis ane/zrogg esch es Highlight xii: 40 Minute of de Ladeflächi vomne Pickup öber Stock ond Stei. Nebst de Wasserbeckene hemmer no en Höhli bsuecht: Mit Cherze bewaffnet semmer durch s’dunkle Wasser gwatet ond hend teilwiis au müesse schwimme, Leitere ufechraxle, durch Löcher rutsche ond vo chline Klippe springe. Es mega Abentüür ond eifach en tolle Tag ide Natur! 🤩Read more