Reset search
On Tour 2019/2020
  • Ivan Scherrer
  • Rebekka Laubscher
  • Ivan Scherrer
  • Rebekka Laubscher

On Tour 2019/2020

NZL/AUS/VNM/THD Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    December 23, 2019
  • On Tour 2019/2020

    Zwüschebricht

    January 4, 2020 in New Zealand ⋅ ⛅ 12 °C

    Nochdem mir 5 täg christchurch i volle züg uskostet händ, füess wundglofe, füüralarm miterlebt, kulinarisch verwöhnt, kultur ufgsoge, wüsse ufgfrischt, sind mir los mitem camper. Dä erscht stopp isch in kaikoura gsi, es charmants fischerdorf wo mir immer wieder gern hiechömed. Chli wandere, bike, muesum bsueche und eis, zwei go neh innere coole bar. E supertolli atmosphäre. Witer gohts jetzt richtig norde, lönd üs triebe und nemed vorzue wies chunt. Cheers.Read more

    See translation
  • On Tour 2019/2020

    Üsi Wanderig im Abel Tasman Nationalpark

    January 7, 2020 in New Zealand ⋅ ☀️ 15 °C

    Dä start isch zwor chli windig gsi, defür händ mir wunderschös wetter gha. Los gange isch es mitem boot zur bark bay, wo mir üsi 4 stunde wanderig in agriff gnoh händ. Belohnt sind mir worde mit traumhafte stränd und e atemberaudendi ussicht. Üses wassertaxi hät üs dänn in anchorage wieder abgholt. Alles i allem en wundervolle tag gsi.Read more

    See translation
  • On Tour 2019/2020

    From North to South

    January 12, 2020 in New Zealand ⋅ 🌧 11 °C

    Do no es paar idrück vo de letschte täg. Mir sind achli längeri streckene gfahre damit mir no gnueg zit für milford sounds und de süde händ. D westküste kenned mir jo scho 😉
    Liebi grüess a alli 🤗

    See translation
  • On Tour 2019/2020
    1

    Milford Sound

    January 13, 2020 in New Zealand ⋅ ☀️ 12 °C

    Do sind mir wieder 😄
    Hüt händ mir wiedermol en traumhafte usflug gmacht. Das mol nöd zfuess sondern bequem per boot dur diä wunderschöne Fjord bis is tasmanische meer use 😎

    See translation
  • On Tour 2019/2020

    The South

    January 17, 2020 in New Zealand ⋅ ☀️ 17 °C

    Mir sind mittlerwile zunderst acho und händ es paar echt schöni ort gfunde. Do mir sletscht mol dä nördlichst punkt vo neuseeland gseh händ, händs mir dasmol bis zum südlichste punkt gschafft. 😄

    See translation
  • On Tour 2019/2020
    1

    Zwüschebricht #2

    January 25, 2020 in Australia ⋅ ⛅ 24 °C

    Noch 3 1/2 wuche neuseeland, händ mir müesse abschied neh. Es isch e wunderschöni ziit gsi und jede moment wert. Eifach unbeschrieblich 🤩 nocheme 4 stunde flug sind mir dänn in melbourne, australie acho. Chli regnerisch und eher chüehl für diä johresziit sind mir begrüesst worde. Üse schwerpunkt isch ganz klar ufem australian open glege. Leider händ mir das mol kei tickets meh übercho für es spiel vom roger federer, trotzdem händ mir schwizer/topstars/aussies chöne bejuble. Echt einmalig 😀 jetzt händ mir alli 3 grosse hauptstadie gseh. Atmosphäre isch beruschend gsi und hät fascht süchtig gmacht. 😋 Ziit isch grennt und sit gescht sind mir in adelaide. Jetzt händ mir es paar täg ziit zum adelaide und umgebig gnüsse, bevors dänn wieder uf 4 räder witer goht richtig weste. 🚙Read more

    See translation
  • On Tour 2019/2020

    Adelaide

    February 2, 2020 in Australia ⋅ ☀️ 19 °C

    Chli verspötet folged jetzt no üsi idrück vo 6 täg Adelaide. Nochdem üs diä Stadt sletscht mol scho so guet gfalle hät, händ mir üs riesig druf gfreut. De australia day isch en nationalfiirtig und wird richtig gfiiret. Genau a däm tag sind mir en cricketmatch go luege. Wow, isch da idrücklich gsi im Stadion. Spöter am obig isch dänn Post erscht recht abgange 😄 blöderwis isch genau nebet üsem hotel di gröscht party am laufe gsi, bis früeh am morge. 🍻🍾😎 mir händ no viel anders erlebt, wo mir zfuess unterwegs gsi sind, wiä zum biespiel velorenne (tour down under), central markets (wo mer täglich chönt go) oder rundel mall (gröschti ikaufsstross). Üsi Sinn händ mir binere wii degustation testet und üs für di reschtlich ziit ideckt 🍷Read more

    See translation
  • On Tour 2019/2020

    South Australia

    February 4, 2020 in Australia ⋅ ☀️ 22 °C

    Mir händ üs scho riesig uf üse camper gfreut und vor 5 täg händ en mir in adelaide chöne go hole. Sofort händ mir üs uf dä weg richtig weste gmacht. Vo adelaide sind mir zerscht e stuck im landesinnere gfahre, bis stross dänn dä küste no gführt hät. Überwältigendi idrück und wunderschöni naturszenarie händ mir dörfe erlebe. Und swetter hät au chli verruckt gspielt, vo 43 grad am einte tag zu 21 grad am nögschte 🙈 Mir händ atemberaubendi klippe gseh, strahlendblaus meer, Delfin und wundervolli ort. Mir suuged alles uf und gnüssets wiä verruckt 😁Read more

    See translation
  • On Tour 2019/2020

    Vo Süde richtig Weste

    February 10, 2020 in Australia ⋅ ☀️ 17 °C

    Ufem weg vo südaustralie richtig weste zue isch es recht ruehig gsi und doch händ mir viel erlebt. Innerhalb vo knapp 1400 km häts kei ortschaft meh geh, nume ca. all 200 km es roadhouse mit tankstell und shop/imbiss. Mir händ di längsti gradi strecki, wiä au dä baumlosischti teil befahre. 😃 händ defür extra es diplom übercho 🤣 es speziells erlebnis isch au no gsi, innerhalb vo eim tag im gliche land en jetlag zha. Wo mir nämli über grenze noch westaustralie sind, händ mir s1. Mol d uhr zruggstellt und noch 160 km nomol 🙈 total 2.5 stund zrug. Es hät en mix us wüesti und meer geh, mir wunderschöne klippe.Read more

    See translation
  • On Tour 2019/2020

    Highlights

    February 12, 2020 in Australia ⋅ ☁️ 25 °C

    Nebst dä wunderschöne stränd wo mir momentan regelmässig gsehnd, möchtet mir no es paar highlights hervorhebe. 🤩 Am lucky bay vor esperance händ üs känguruhs und wallabies direkt am strand unterhalte 😃 und in bremer bay sind mir ufe orca tour. Eifach nume WOW 😍 unbeschrieblich, diä wundervolle tier in natur zgseh. A däm tag händ mir riesigs glück gha. Mir händ öpe 50 orcas uf eim hufe gseh und sogar no es neugebores isch debi gsi. Nöd älter als 2-3 täg. Da isch einzigartig gsi, sogar au für crew 😊Read more

    See translation
  • On Tour 2019/2020

    Dä weste

    February 15, 2020 in Australia ⋅ ☁️ 21 °C

    Umso nöcher mir perth cho sind, desto meh lebe händ regione versprüeht. Mir händ wiiregione durfahre und wälder mit uralte karribäum. Mir sind e naturbrugg go bestune, händ en walk hoch obe dur baumkrone gmacht und sind d ussicht ufem turm go gnüsse. Zwüschedure hät üs au d hitz prüeft, bi 45 grad sind mir bachnass gsi 😆 Direkt am strand sind üs roche go hoi säge cho und ufere kanalbootstour händ üs delfin begrüesst. Mit meh ziit hettet mir no so viel meh chöne aluege. Es isch e wunderschöni gegend 😍 und dänn isch ziit worde zum dä camper abgeh.Read more

    See translation
  • On Tour 2019/2020

    Perth

    February 19, 2020 in Australia ⋅ ☁️ 28 °C

    G‘day 🤗
    2 1/2 wuche nochdem mir üses motorhome in adelaide abgholt händ sind mir in perth acho. Noch knapp 4500 km, vielne campingplätz und no meh erlebnis isches schön gsi wiedermol ines hotel z goh. Zum abschluss vo üsem ufenthalt in australie händ mir zum erschte mol eifach nünt gmacht (bis ufen churze usflug id city). Nur traumhafti sunneuntergäng, feins esse, beruschendi cocktails und viel sunnestrahle gnosse. 🌅🍔🍹🏖🏊🏼‍♂️
    Cheers mate, cya!    Read more

  • On Tour 2019/2020

    Hanoi und Sapa

    February 27, 2020 in Vietnam ⋅ ☁️ 26 °C

    Und ziit rennt. 😆 Jetzt sind mir bereits scho in vietnam und während üsere ziit do, händ mir no bsuech übercho. 😍 am ivan sis mami begleitet üs und luegt zum rechte 😂 di erschte täg in hanoi sind sehr interessant gsi und mir händ üs glernt azpasse. Über stross wird eifach glaufe, am beschte immer glich schnell zwüsched roller und autos dure. S hupe ghört do au dezue wiä dlüüt wo was verkaufe wönd. Mir sind mitem sightseeing bus unterwegs gsi, händ sgfängnis gseh, mausoleum vom ho chi minh, dä literaturtempel und schildkrotpagode. Au e uffüehrig im wasserpuppetheater sind mir go bestuune. Mir händ patisserie und di bekannt nudelsuppe gesse, wiä au dä speziell eierkafi trunke. 😋 noch 4 täg sind mir zu dä riesfelder noch sapa und händ e tageswanderig gmacht. Zmittag häts bi dä füehrerin dihai geh mit ihrer familie. Hmmm. Gschlofe händ mir imene homestay ganz eifach. Leider häts zu däre johresziit gern nochli nebel und dä ries wird au ersch spöter apflanzt. D ussicht isch aber nöd weniger traumhaft gsi und hät üs allne super gfalle.Read more

    See translation
  • On Tour 2019/2020

    Hoi An und Ha Long

    March 7, 2020 in Vietnam ⋅ ☁️ 24 °C

    Nochdem mir in hanoi (glich viel iwohner wie d schwiiz 😳) scho ziemli alli sehenswürdigkeite gseh händ, sind mir no für es paar täg noch hoi an gfloge. Döt händ mir üs amne schöne strand entspannt, d rueh und natürli au paar cocktails gnosse. 🍹😎 Zrugg im hektische hanoi sind mir en chochkurs inklusive marktrundgang go bsueche. Gar so schlecht händ mir üs glaub nöd agschtellt, die 3 traditionell vietnamesische gricht händ uf jede fall super gschmeckt 🤗 dä usflug id halong bucht am letschte tag isch au mega schön gsi. Miteme grosse boot isch es um kalksteifelse gange inklusiv höhlebesichtigung und e churze nussschalebootsfahrt. Vietnam hät sehr viel z büte und üs vieli interessanti stunde gschenkt. Cam on!! 👏🏽Read more

  • On Tour 2019/2020
    11

    Erholig pur uf Koh Samui

    March 18, 2020 in Thailand ⋅ ⛅ 29 °C

    Noch dä ganze reiserei händ mir üs wahnsinnig fescht uf chli erholig und entspannig gfreut. Üsi letschte 2 1/2 wuche stönd drum ganz im zeiche vo sünnele und bade. 😎 zum vierte mol händ mir dörfe binere iheimische familie wohne, sie wieder zgseh isch mega schön und u herzlich gsi. Mir chönd üs zwor nume mit händ und füess verständige, aber es klappet immer alles irgendwie 😁 kulinarisch isch es en traum. Mir esset üs quer dur menükarte und meistens zviel 🤗Read more

    See translation
  • On Tour 2019/2020

    Let's go home

    March 22, 2020 in Thailand ⋅ ⛅ 29 °C

    Di letschte täg sind mir mitem roller uf koh samui unterwegs gsi und händs üs guet go loh. So häts au mol pizza oder beschts fleisch vom grill geh, aber au diversi thailändischi leckerbisse 😊 noch drüü mönet goht üsi reis z end, es isch en traumhafte abschluss gsi. Doch au üs hät s coronavirus di letschte paar wuche begleitet. Immer meh massnahme sind umgsetzt worde und so händ mir leider kei letschti massage meh übercho 🙄 dä heiflug isch lang uf dä kippi gstande. Swiss hät dänn doch nüme wölle, 🤨😤 drum flüget mir jetzt chli früener und mitere andere fluggsellschaft zrug. Aber mir sind gsund bliebe und das isch doch hauptsach. 😁 schön isch es gsi 🤩Read more

    Trip end
    March 23, 2020
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice