Marokko

Früh am Morge ishes wiiter richtig Nakob, über en Pass und Schluchte simmer dur‘s Atlas Gebirge gfahre. Zerscht simmer inere Schlucht nochli go spaziere, wunderschön xi 😍

Nachher simmer wiiter anen Berber Markt. In Marokko lebed Berber & Araber. Berber lebed ländlicher, zB ih ih de Berge oder ih de Wüesti und Araber lebed ihde Stadt. Araber sind au maistens die mit meh Geld.

Uf den Berber Markt het reges triibe gherscht und es sind viel Lebensmittel und aifachi Sache wie Töpf oder au d‘Berber Apothek verkauft worde. Die bestaht us diverse Krüter und Stai wo sie benutzed, wenn sie sich bim rasiere schniided. Uf dem Markt hemmer Esse für euses Picknick am Mittag ikauft.
Uf dem Markt hend de Reto & ich für Kind Süessigkeite kauft und verteilt, en ganze Sack voll ish 6 Dirham xi (ca 50 Rappe), die Kind hend riise froid gha, sicher aber wie chlini Raubtiier verhalte 🙈

Uf dene Märkt und au ihde Stadt wird Flaisch direkt abem Tier verkauft, de Brahim het eus erklärt dasmer immer is Muul vom Schaf oder de Ziege mue luege und den ahand vo de Zäh erkennt, wie alt & dementsprechend guet das s‘Flaish no ish. 🙈😂

Witer ishes gange bis fascht uf 3000 MüM, ziemli kalt worde 🥶 Mir hend eh wunderschöni 360 Grad 😁 Panorama ussicht gnosse und en faine Zmittag gesse.

Am Abig het de Reto gern wölle de Manu Match luege & Haare schnide, natürlich het de Brahim eus das möglich gmacht. Mir sind ines Kaffi/Bar gange wo de Match übertrait worde ish. Es het alkoholfreis Bier geh und ich bin bi wiitem die ainzig Frau xi 🙈

Übernachted hemmer inere alte Kasbah, zum Znacht hets traditionell Marokkanisch geh, Supper, verschiedeni Thajin und Frücht. Eusen Guide het eus Überascht und für jede eh marokkanishi Tracht posted. Die hemmer den aglait und tanzed - wie Fasnacht 😂Read more