Tag 40 - 42: Huusboot Kariba

För ehn chlini Usziit vom Truckläbe hämmer zwoi Nächt uf ehmene Huusboot uf ehm Lake Kariba ah de Gränzi zwösche Zambia und Zimbabwe verbrocht.

Vom Boot us hämmer viel Tier gseh und sind au no mit ehmene chline Boot go Elefante und Krokodil beobachte. Au d Landschaft rund um de See esch eifach atemberaubend gsii. Mer händ chönne ih ehmene abgsperrte Bereich schwimme (wäg de Krokodil) und chli uf ehm Boot sünnele. D Zimmer diräkt über ehm Wasser sind genial gsii! Trotzdem hani ei Nacht mit zwoi anderne vo de Tour uf ehm Dach vom Schiff gschloffe und die viele Stärne ahgluegt. Ich ha glaub no nie so viel Stärnschnuppe ih einere Nacht gseh.Read more