- Mostrar viaje
- Añadir a la lista de deseosEliminar de la lista de deseos
- Compartir
- Día 34
- jueves, 30 de marzo de 2023, 10:00
- ⛅ 28 °C
- Altitud: 234 m
EcuadorRío Tarapuy0°4’8” S 76°9’52” W
Amazonía jueves °1

Hüt gits es bitz früehner Zmorge wil s'Kanu für di Abreisende ned wett warte. Uf de chürzere morgendliche Kanurundi vorem Zmorge isch ned soo viel los. Mir treffed es paar yellowhanded titimonkeys a und spotted en Riesetagschlöfer (great pootoo) wo wege sinere Federbarb extrem schwer z'entdecke isch aber de Rom bewiest eimal meh es guets Aug :)
Schliessli isch Ziit für s'obligate Gruppefoti, bevors für 7 vo 10 us eusere Gruppe Abschied neh heisst. Für eus 3 verblibne gohts wie immer öppe am 10ni wiiter. Hüt staht namel en Walk im Dschungel a. Dasmal z'Dritte isch das namel viel besser als letst Mal. S'Highlight sind definitiv Spure womer entdecked. Gemäss Guide sind die eidütig vomene junga Puma, wo vor ned meh als einere Stund da dure gloffe isch! Aber das isch ned s'einzige: mir stieged dur en Bereich mit sehr viel zumene grosse Teil überirdische Wurzle, schwinged anere Liane (was nüt anders isch als e hangendi Wurzle vonere Pflanze wo ufeme andere Baum wachst), chlettered amene magische Avatarbaum, kosted di sehr proteinhaltige und suure Zitroneameise und schmöcked s'Gift vode Amaretto Tuusigfüessler. Nebst dem findemer Frösch, wo so chli sind wie e Fingerkuppe, e Vogelspinne wo de Tag i ihrere Höhli verbringt und natürli wider Insekte.
Bis jetz hämer sehr viel Glück gha mitem Wetter. Uf dem Walk erlebemer s'erst mal heftige Rege währedere Aktivität. Am Afang hebed s'Blätterdach dicht aber ned lang. Janu, mir hend ja Ponscho und Gummistiefel debi :)
Zrugg im Camp wiest de Guide eus druf hi, dass er a sich grad irgendwelchi Mikroviecher gfunde hät und mer doch sölled go dusche, dasmer die loswerde würed falls mer au hend. Ich entscheide mich für es vorgängigs Bad im Fluss. Dasmal bini elei, was sich es bitz beängstigend afühlt... Dementsprechend churz isch denn au mis Bad aber guettue häts trotzdem. Nachem Zmittag hämer e langi Siesta, woni mit schriibe, emene Nap ide Hängematte und emene Jenga verbringe :)Leer más