Amazonía jueves °2

Au di negst Aktivität started im Rege und de Rom isch verhalte zueversichtlich, dases bald ufhört. Ich packe d'Kamera trotzdem wider wasseridcht in Plastiksack und hoffe uf s'beste. Euses Ziel isch namel d'Lagune mit de vage Hoffnig zum en schöne Sunneuntergang gseh und au di pinke Delfin hend sich bis jetz no ned wele zeige... D'Afahrt duured bitz weniger als e Stund und isch prägt vo vielne Wetterwechsel. Vo Sunne bis Starchrege wechsleds es paar mal - "welcome to the amazonas" meint de Guide dezue ^^ Bide Lagune acho, regnets bi eus grad ned, uf de andere Siite vom Tümpel aber ganz sicher und d'Wulche halted sich witerhin hartnäckig. Mir lönd eus dur de überflueted Teil vom Wald gleite, was wider sehr mystisch würkt 🤗 Schliessli fanged sich Wulche und Himmel doch na a kitschig färbe und mir finded, dases Ziit isch zum de Wii ufmache und gnüsse 😍 Viel z'schnell isch de Zauber verbi und mir hend na ei grossi Mission uf de Lagune: es anders Kanu finde, wo Poulet für eus an Board hät ^^
Uf de Fahrt zrugg suechemer wider mit de Taschelampe nach reflektierende Auge und siehe da, ich wirde als ersts fündig. Es isch wider e Baumboa, wo sichs ufeme Ast überem Fluss bequem gmacht hät. Nachher gsehmer na en Kaiman abtauche und denn cheremer uf Kommando vom Guide um. Er hät es Fuultier gseh, wo nume wenigi Meter überem Wasser gmüetlich am chnabbere isch - sooo härzig 😍 Nach dem Highlight gahts nüm wiit, bismer zum Kanu usstieged und de letst Teil na laufed. Leider zimli erfolglos usser es paarne Insekte...
Zrugg im Camp isch es letsts feins Zacht und denn scho packe agseit. Nachher gömer z'dritte namel uf en chline Dschungelspaziergang. Mir hoffed uf Frösch und Schlange, finded aber nume Insekte - schad aber trotzdem guet simer gange :) Au hüt isch zrugg im Bett namel Fotis ussortiere agseit. Bi dene Tierfotis usem Kanu isch de grösst Teil zum lösche verurteilt. Blätter im Weg, Verwacklige oder eifach z'grossi Distanze mached d'Bilder unbruchbar... Und denn lahni mi es letsts Mal vo Quake, Zirpe und Pfieffe in Schlaf gleite :)Read more