Noche de Muertos

Mir mache für eimol d Nacht zum Tag und schliesse uns ere Tour ufe Fridhof Atzompa chli usserhalb vo Oaxaca ah.
Tusigi Kerzli, Blueme und e Guggemusig mache dä Ort zunere grosse Party. D Familie sitze mit Klappstüehli umd Gräber (amigs scho fascht im Grab inne), trinke Bier und plaudere. E ungwöhnlichi, aber sehr schöni Atmosphäre.

Für uns Touriste goots denn witer zunere Muertata (e Fescht, wo d Maske präsentiert wärde, wo in de letschte Mönet gstaltet worde sin - chli wie Fasnacht). Nach vil Tanze, Mescal und traditionellem mexikanischem Ässe wärde mr wider zrugg ind Unterkunft brocht und gheie totmüed ins Bett.Read more